"Сән мен сымбат"кластан тыс шара

                       «Сән мен сымбат»  кеші

Алтын: Армысыздар, құрметті ұстаздар, аяулы ата - аналар, және де осы мектептің оқушылары! Кешіміздің  мақсаты: қазақ қызының бойындағы ұлттық дәстүрімізге сай қасиеттерін таныта білу, оқушылардың танымдық және шығармашылық қабілетін, эстетикалық талғамын, шеберлігін дамыту, көпшілік алдында өзін - өзі ұстай білуге, мейірімділікке тәрбиелеу.

Бүгінгі кешті маған жүргізуге көмектесетін мектептің мақтанышы, өзінің ізденімпаздығымен ерекшеленетін, ұстаздарымыздың, яғни сіздердің үміттеріңізді ақтаймын, мектепті биік белестерден көрсетіп келе жатқан және әлі талай көрсетемін дейтін сіздердің сүйікті оқушыларыңыздың бірі :Гүлмира

Гүлмира : Рахмет Алтын, өте ерекше сезімде болдым. Бұның барлығы сіздердің арқаларыңызда, ұстаздар!

мен де  сені ерекше таныстырсам деймін,  алғыр, пысық, болашақта дәрігер болуды армандайтын Алтын құрбым.

Жәнібектің орындауында "Казахстан - мой Казахстан" әні

Алтын: Қазақ халқының киім - кешегі - ұлттық, тұрмыстық және рухани мәдениеттің бағалы ескерткіштерінің бірі. Одан қазақ халқының ұлттық ерекшеліктері, мәдени дәстүрлері, эстетикалық талғамы анық байқалады.

Сіздердің назарларыңызға ұлттық киім үлгілерін ұсынамыз.5-7кластарының  қыздары ұлттық киім үлгілерін көрсетеді

Мөлдірдің орындауында  Индигоның «Туған жер» әнін қабыл алыңыздар.

Алтын:

Қазақ халқы «қыз» деген сөздің өзін әдептіліктің, әдеміліктің, инабаттылықтың, сұлулықтың белгісі деп таныған. «Аттың көркі - жалы, қыздың көркі - шашы» деп қыздың шашын күтіп өсіруді өнер санаған  Кешіміздің келесі бөлімі   9 «а» класс қыздарының шашты  сәндеу үлгілері

Музыка   

Гүлмира: Қыздар, бәріңіз білесіздер, біздерді гүлге текке теңемеген. Ендеше гүлдер сырын "Артық болмас білгенің.
Алтын: Көктеммен бірге  біз  арулар калай әдемі болып көрінеміз деп әуре боламыз, соған байланысты мектебіміздің 10  «а» класс қыздарының жаңа маусымға арналған өздері тіккен сән топтамаларын ұсынамыз.

Мінезі ашық, жарқын, жүзі жылы,
Түрінен көрінеді ішкі сыры.
Гүлнұрдың көйлегі кешкі сән көйлегі. Матасы гипюр және атлас. Ерекше үлгіде тігілген.

Гүлмира:

Білімді оқу озаты сыныптағы,
Талай қиын істерді құрықтады.

Мархабаттың сән үлгісі балғын қыздардың жеңіл жаз көйлегі.

Алтын:

Қошеметпен шақырайық ортаға,
Кешке келген өнерлі қыз Гүлданаға

Гүлдананың таңдаған түсі қандай керемет. Көктем келді деп қуанғандай жеңіл, мерекелік кештерге арналған көйлек. Матасы крепшифон.
Гүлмира:

Қарасаң қанша үзіліп қанбас құмар.
Тамашалап көңілденіп отырғандар.

Заринаның өзі таңдаған көйлегі қандай жарасымды! Бейне бір ертегіден келіп тұрғандай!

Алтын:

Сүйкімді кішіпейіл, қарапайым
Белсенділікпен білімге құштар әрдайым.

Қос Айгерімнің үлгілері де керемет, бірі кешкілік сәнді көйлек болса, екіншісінікі жеңіл жазғы көйлек.
Гүлмира:
Қыздар сендер гүлісіңдер әр үйдің,
Ақ жансыңдар пәктігіндей сәбидің.
Қандай теңеу айтсандағы жетпейтін,
Қыздар сендер қызғалдағы әр үйдің.

Аруларымыздың сәнді киімдерін тамашалаңыздар!

«Қыздарға әсемдік жарасады».

Алтын:   Сымбатына сән киім жарасатын,
Аспандағы айменен таласатын.
Өнеріне сәні сай келіп тұрған,
Аруларға қызығып қарасын деп,-
- дей отырып, ақ маңдай, ашаң жүзді, аққу мойын сұлу қыздарымызға рахмет айтамыз  Ісмер де іскер болсаң қор болмайсың  дегіміз келеді

«Қазіргі кезде ел болашағы – жастардың қолында, Қазақстанның келешегін көркейтетін білімді ұрпақ» — дейді Елбасы Н. Ә. Назарбаев. Қай халықтың да болмасын, мемлекеттік даму стратегиясында жастарға, жас буынға, олардың тәрбиеленіп, ортаға сай озық білім игеріп шығуына баса назар аударылады. Бүгінгідей ақпарат пен техникалық жаңалықтар кең құлаш жайған заманда, оқуға, ғылымға, тәжірибеге сүйеніп, бұл салалардағы жетістіктерге иек артқан дұрыс.

Құрметті ұстаздар келгендеріңізге көп - көп рахмет. Бүгінгі сіздерге арналған кешімізді ерекше етіп өткізуге ат салысқан: 10 - сынып оқушылары: Барлықтарыңызға көп - көп рахмет.