1 сайыс. «Таныстыру». Әр топ өзіне резюме (түйіндеме) дайындап, топ атын, девизін, газетін, эмблемасын таныстырады.
2 сайыс. «Мықты болсаң тауып көр». Сайыс шарты бойынша оқушылар берілген сөздерден тұрақты сөз тіркесін құрастыру немесе мақал-мәтел құрастырады.
3 сайыс. «Қонақ күте білесің бе?». Қонақ жайлық салты туралы сұрақтар беріледі, сұрақтарға жауап беру керек.
4 сайыс. «Әдептілік-әдемілік». Үй тапсырмасы ретінде тақырыптар берілген. Осы тақырыпты өз өнерлерімен сахнада сомдай білу керек.
5 сайыс. «Бұрымды қыз». Шаш үлгісін жасау және әрлеу.
6 сайыс. «Ескірмейтін есті сөз». Оқушылар ырым-тыйымдарды жатқа айту керек. Шарты: бірінің айтқанын екіншісі қайталамай кезек-кезек айтады.
Көрермендермен ойын. Халық әндерін білесің бе?
1-жүргізуші.
Біліміңді саралап
Төрелігін айтатын,
Әділ баға беретін
Әділ қазы алқасын
Таныстырып өтейін.
Қазақ тілі әдебиеті пән мұғалімі ________________________
Ән –әуез пән мұғалімі ________________________
Технология пән мұғалімі ________________________
2-жүргізуші.
Өнер қуып сайыскерлер келсе деймін
Бір басына өнерлері жетсе деймін,
Бәске түскен сайыскерлер кезектесіп
Таныстырып өздерін өтсе деймін.
Енді біз сайысымыздың бірінші бөлімі таныстыру бөліміне кезек берейік. Өздерін таныстыру.
1-жүргізуші.
Мықты болсаң тауып көр. Сайыстың шарты: бейне таспа арқылы берілген сөздерден тұрақты сөз тіркесін құрастырып мағынасын ашып беру керек. Ендеше іске сәт дейміз!
2-жүргізуші. ______________, қазақтың қонағының неше түрлі болатынын білесің бе?
1-жүргізуші. ______________ білмеймін!
2-жүргізуші. ______________ білмесең есіңде сақта! Қазақтың 4 түрлі қонағы болады.
Біріншісі – арнайы қонақ, екіншісі – құдайы қонақ, үшіншісі – қыдырма қонақ, төртіншісі – қылқима қонақ.
1-жүргізуші. – Енді есімде болатын болды. Қонақ кәде туралы сайысқа қатысушылар не біледі екен?
2-жүргізуші. Олай болса 3 сайыс «Қонақ күту білеміз бе?».
Топ мүшелерінен біреуіңіз келіп қоржындағы асықтарды аласыздар. Реттік санына сәйкес сұрақтар аласыздар.
1-жүргізуші. 3 сайыс барысында сайысқа қатысушылардың алған, жинаған ұпайлары туралы айтуға сөз әділ қазы мүшелеріне беріледі.
Музыкалық номер.
2-жүргізуші. 4 сайыс «Әдептілік-әдемілік»-деп аталады. Өнердің екі жағы бар, пішіні-техникада, мазмұны-ой. Өнер-адам бойындағы құдіреттіліктің көрінісі. Ендеше оқушыларымыздың үй тапсырмасы етіп алған әдептілік-әдемілік тақырыбындағы көрінісіне көңіл бөлейік. Көріністе оқушылардың әр түрлі жердегі қылықтарына куә боласыздар. 1-көрініс ______________________
2-көрініс ______________________
3-көрініс______________________
4-көрініс______________________
5-көрініс______________________
6-көрініс______________________
Музыкалық номер.
1-жүргізуші. 5 сайыс «Бұрымды қыз».
Сұлу қызға жарасқан,
Өрілген қос бұрымы.
Ұзын бұрым кескенің,
Қазақтың жаман ырымы.
2-жүргізуші. Бұл сайыста оқушылар ұзын шашақа шаш үлгісін жасау және әрлеу керек. Шаш үлгісіне сай ат қойылу керек.
1-жүргізуші. «Көрермендермен ойын».Халық әндерін білесің бе? Сахнаға әр сынып жанкүйерлерінен бір-бір оқушы шығып, халық әндерінен бір шумақ өлеңмен қайырмасын айтып береді.
1-жүргізуші. 6 сайыс «Ескірмейтін есті сөз»-деп аталады.
___________ қазақта қызға қырық үйден тыйым деген сөз бар, білесің бе?
2-жүргізуші. – Ия, білемін!
1-жүргізуші. – Есіңде қалғандары бар ма?
2-жүргізуші. – Бар, айтайын ба!
Түске дейін ұйықтауға тыйым.
Салт дәстүрден аттауға тыйым.
Ұрыс-керіске тыйым.
Ұрлық-қарлыққа тыйым.
Жалғастыра берейін бе...?
1-жүргізуші. Жақсы, өзің біразын біледі екенсің.
Әр топ мүшелері бірінің айтқанын екіншісі қайталамай балаларға, қыз балаларға айтылған ырым-тыймдарды кезек-кезек айту керек.
2-жүргізуші. Әділ-қазылар мүшелері, апйлар сайыскерлердің, оқушылардың жұмыстарының қорытындысын айтсаңыздар.
Қорытындылау.
1-жүргізуші. Жарыста жеңілісте, жеңісте болады. Жалпы қай өнер болсын адамның шеберлігін, ұшқыр ойын қажет етеді.
2-жүргізуші.
Бір жылдығыңды ойлап егін ек,
Он жылдығыңды ойласаң, ағаш өсір
Жүз жылдығыңды ойласаң,
Мәдениетті ұрпақ өсір – деген халқымыздың ғажайып сөзі бар.
«Өнегелі салтың бар өсер ұрпақ»-атты білім сайысымыз аяқталды.
