Отбасы бюджеті. Жобалау негізі.

Сабақтан тыс іс-шараның тақырыбы:

Отбасы бюджеті. Жобалау негізі.

Мақсаты: Оқушыларға үй экономикасы жайлы түсінік беру. Отбасы бюджетін дұрыс ұйымдастыруды, кіріс және шығыс кезін есептеуді үйрену. Оқушыларға үй экономикасы оның маңызы мен мақсаты жөнінде түсінік беру. Логикалық ойлау жүйелі жоспар құру, іскерлік қабілеті дамыту. Үй бюджетін жоспарлауға, шеберлікпен атқаруға тәрбиелеу.

Көрнекілігі: презентация, оқушылардың шығармашылық жұмыстары, компьютерлер, жеке тапсырмалар.
Пәнаралық байланыс: экономика, технология, математика, информатика.
Өту барысы: 
I. Кіріспе сөз:

Бюджет – белгілі бір мерзімге есептелген кірістер мен шығындар жоспары. Бюджетті қолда бар және жұмсалатын қаржыны есептеу үшін,құрастырады. 1 слайд

Біздің барлығымыздың отбасымыз бар. Біз онда тәрбиеленеміз, демаламыз, еңбек етеміз, барлық қуаныш пен қиыншылықты бірге бөлісеміз. Барлығының ортақ ісі – отбасын дұрыс ұстап, әр мүшенің дамуына мүмкіндік туғызу. Отбасындағы шаруа ақылдасып шешіледі. Отбасы табысты да барлығына ортақ. Оның мүшелерінің керегіне жұмсалады. Жұмыс істеп табыс табу арқылы отбасы қоры жиналады. Олай болса «Отбасы бюджеті» біздің отбасымыздың экономикасы. 2 слайд

«Бюджет» - сөзі ақша салатын әмиян деп аударылады екен. Біз әр күнімізді, мерекені, жұмыстың бәрін жоспарлаймыз. Сол секілді ақшаны да санап, жоспарлы жұмсаған дұрыс. Үй бюджеті дегеніміз үйге кіретін барлық табыстарды және шығындарды тиімді құрастырып, есептеп отыру.

Жоспар - белгілі бір жұмыстың алдын  ала жасалған жобасы.

Жоба – бір істі жүзеге асыру, орындау үшін жасалған нұсқа.

Бюджет – мемлекет, әр түрлі мекемелердің кіріс, шығыстың сметасы.

Смета – алдын ала жасалатын кіріс пен шығыстың есебі.

Бюджет қалай тиімді болады? Ол үшін отбасылық кірістерді және шығыстарды дұрыс құрастыру қажет. Кірістер дегеніміз – барлық ақшаларыңыз. Шығыстар дегеніміз жаратылып жатқан ақша 3 слайд.

Кірістерге шәкіртақы, зейнетақы, айлық жалақы, құнды қағаздар, жәрдемақы. т.б жатады. Шығыстарға –салық,

азық –түлікке жұмсалатын қаржы, киім- кешек, жиһазға жететін қаржы 4 слайд. Қалай ойлайсыздар, отбасы бюджеті де болуы мүмкін бе?

II. Сұрақтарға жауап беру

1 сұрақ:

Ал оқушылар сендер өздерің отбасылық бюджетке кіріс кіргізе аласындар ма?

Оқушылар өз ойларын айтады.

2 сұрақ:

Қандай әдістермен отбасылық бюджетке кірістер кіргізе аласыңдар?

Оқушылар өз ойларын айтады.

III. Оқушылардың өз қолдарымен жасалған бұйымдарымен танысу.

Бұл тапсырмалар оқушыларға бір апта бұрын үй тапсырмасы ретінде берілген. Сол үйден орындап келген тапсырмаларын тақтаға алып шығып таныстыру.

1 топ 5 сынып қыздары – Жоспар тобы керек емес заттардан күнделікті қолдануға қажетті бұйымдар жасаған. Сол заттарға қандай материалдарды қолданды. Бұл бұйымды жасау үшін қанша уақыттары кетті. Қандай шығындар кеткені туралы айтып беру.

2 топ 6 сынып қыздары - Жоба тобы тоқыма бұйымдарын жасайды.

3 топ 7 сынып қыздары - Бюджет тобы бисерден әр түрлі әшекей бұйымдар жасайды.

III. Оқушылар жасаған бұйымдардың пайдасын компьютерде есептеу.

Оқушыларға компьютерлер беріледі. Ол компьютерде Excel-де жасаған бұйымдарының пайдасын есептейді. Оларға алдын ала дайындалған кесте беріледі. Сол кестедегі мәліметтерді жүйелі түрде толтыру қажет.

Пайда– тауарлар мен көрсетілетін қызметтерді сатудан түскен табыстың осы тауарларды өндіру мен сатуға немесе қызмет көрсетуге жұмсалған шығыннан асып түсуі.

Ол кесте төмендегідей үлгіде:

IV. Әр топтан жобаларын қорғау. Әрбір топтан бір оқушыдан шығып өздерінің жобаларын қорғайд. Есептеген пайдаларын айтып түсіндіру қажет.

V. Қорытынды жасау