Мектепішілік сайыс "Қыздарға әсемдік жарасады".

Қыздарға әсемдік жарасады

Күні: 21.04.2016ж

Сынып: 8-10

Мұғалім: Кенжебекова Айгуль Уралкановна

Сабақ: технология

Мақсаты: Оқушыларға қазақтың мақал - мәтелдерін, салт дәстүрін, оқушылардың технология пәнінен алған білімдерін іс - тәжірибемен ұштастыра және толық мағлұмат бере отырып, шығармашылық қабілетін ояту.

Білімділік мақсаты:Оқушылардың білім деңгейін көтеру, жетілдіру, белсенділіктерін арттыру.
Дамытушылық мақсаты:Оқушылардың эстетикалық талғамын ұштау, өнерге ынтасын дамыту, ұлттық мақтанышын сезімін ояту, шапшаңдыққа, талғампаздыққа, шеберлікке үйрету.

Тәрбиелік мақсаты:Өз елін, халқын отанын сүюге, құрметтеуге, шеберлікке, ұқыптылыққа, жауапкершілікке тәрбиелеу.

Сабақтың түрі: сайыс сабақ

Сабақтың әдісі: Оқушылардың білім деңгейін көтеру, жетілдіру, белсенділіктерін арттыру.

Сабақтың типі: дәстүрлі емес
Көрнекілігі: Интерактивті тақта, карточкалар, плакат, шар, қанатты сөздер.

Пәнаралық байланыс: Тарих, қазақ әдебиеті, бейнелеу өнері, орыс тілі, ағылшын тілі, сызу.

Сабақтың өтілу барысы:

Мұғалім: Қыздарымыз сүйкімді болсын деп,
Өнер –білімге икемді болсын деп,
Бәйтеректей бойшаңдансын деп,
Өрен-өршіл өркенді болсын деп,
Жақсы жолды таңдайық.
Жамандық тәлім алмайық,
Дарынды мектеп дәстүрін
Жаңалайық, жалғайық,
Ары адал, жаны жаз,
Арулар жолын таңдайық, – деп «Қыздарға әсемдік жарасады» атты сайыс сабағымызды бастаймыз.

Бүгінгі заман талабына сай адам сегіз қырлы бір сырлы болуы керек. «Үйрету - үлкеннен, үйрену - кішіден» демекші, өткеннің өнегесін, дәстүрдің татымдысын сабақ үстінде бала бойына сіңіру әрбір ұстаздың міндеті.

Құрметті әділқазылар, ұстаздар, сайыскерлер, оқушылар «Қыздарға әсемдік жарасады» атты сайыс сабағымызды бастауға рұқсат етіңіздер.

Бұл сайысымызда 8-9-10 сыныптардан 3 топ қатысқалы отыр. Олар: «Өнер», «Шебер», «Дарын».

Ендігі сәтте бүгінгі сайысымыздың шарттарымен таныстырып өтейін.

1 – шарт. «Сәлем – сөздің атасы» - деп аталады, әр топ атымен, ұранымен, эмблемасымен таныстырады.

2 – шарт. «Сұрақ-жауап» (сандықтан алынған сұрақтарға жауап беру).

3 – шарт. «Ойлан тап» (суретке мақал – мәтел құрап айту).

4 – шарт. «Өнерлі өрге жүзеді» өз өнерін көрсету (ән, би).

5 – шарт. «Қыздарға әсемдік жарасады» сән үлгісін көрсету, бұл үй тапсырмасы. (инесіз, жіпсіз көйлек тігу).

I. Шарт: «Таныстыру»
Ал кімнің өнері бар қаншалықты,
Кілемге біреулер өрнек салыпты.
Терме ұстап, енді бірі ши тоқыса,
Оюдан түйін түйіп тамсаныпты, - деп келе, кезекті сайыскерлердің өз топтарын таныстыруға берейік.
Әр топтың топ басшысы өздерінің тобымен таныстырады.

II. Шарт: «Сұрақ - жауап»
«Білекті бірді жығады,
Білімді мыңды жығады.
Инемен құдық қазғандай
Білімнің шыңына шығады, - дей отырып, кезекті «Сұрақ - жауап» сайысы.
Бұл шартта ортаға сандыққа салынған сұрақтар әкелінеді. Әр топқа арналған 2 сұрақ бар және бір сұраққа 5 ұпай егер екеуіне де дұрыс жауап берсе 10 ұпай беріледі. Сандықтан әр топтың топ басшысы сұрақты алады. Жауап беруге 2 минут уақыт беріледі. Жауабын ортаға әр топтан бір адам ортаға шығып жауап береді.
III. Шарт: «Ойлан тап»
Бұл сайыста интерактивті тақтадағы суретке байланысты мақал - мәтелдер айту.
Сұрақтар:
1) ою - өрнек, 5) гүл
2) домбыра, 6) ағаш
3) кітап, 7) балық
4) Ат, 8) шаңырақ

IV. Шарт: «Өнерлі өрге жүзеді» өз өнерін көрсету (ән, би).

V. Шарт: «Қыздарға әсемдік жарасады» сән үлгісін көрсету, бұл үй тапсырмасы. (инесіз, жіпсіз көйлек тігу).Әр топ үйден жасап келген көйлектерін қорғайды.

Қорытынды:Бүгінгі сабағымызда «Қыздарға әсемдік жарасады»атты қыздарымыздың сайыс сабағымызды тамашаладыңыздар. Өнер - құдірет, күш, адамның жан серігі, рухани байлығы. Кез келген озып шықпайды, талапты, өнерлі оқушы жарқырап біріншілікке шығады.
Талант пен өнер атаулының көтерілер шыңы - дарындылық. Осындай сайысқа жиі қатысып, талаптарыңыз талмай, дарындылық қасиетіңіз арта берсін.
Құрметті әділқазылар алқасы оқушылардың өнерлерін бағалаңыздар.