??н?рле ?лм?с -??н?рсез к?н к?рм?с!(проект эше)

Казан шәһәре Яңа-Савин районы 23 нче аерым фәннәрне тирәнтен өйрәнүче татар-рус урта гомуми белем бирү мәктәбенең татар теле һәм әдәбияты укытучысы Гатауллина Ләйсән Таһировнаның «Һөнәрләр» темасына дәрес проекты ( 4 сыйныф,рус төркеме)

Проектның максат һәм бурычлары

• Максат:
• Һөнәрләрне , аларның ясалышын искә төшерү, сөйләмдә куллана белү.
• Бурычлар :
• 1)Өйрәнгән лексиканы һәм фигыль формаларын, -чы,-че кушымчаларын,урын-вакыт килешен сөйләмдә дөрес куллануны камилләштерү.
• 2) Укучыларның төрле ситуацияләр һәм биремнәр аша фикер эшчәнлекләрен, уйлау сәләтен үстерү.
• 3) Хезмәт иясенә хөрмәт тәрбияләү .

Теманың актуальлеге.

Укучыларга һөнәр сайлау буенча юнәлеш бирү,аларны кызыксындырган тема аша, яңа технологияләр кулланып, татар телен өйрәнүгә этәргеч бирү.

Принциплар

Дәвамчанлык, теория һәм практика бәйләнеше, дифференциаль һәм индивидуаль эшләү, күрсәтмәлелек, коммуникатив, психологик принципларга корылган.

Дәрес тибы: ЛГКК

Кулланылган метод һәм алымнар : уен элементлары, күрсәтмәлелек, әңгәмә,

Җиһазлау : Интерактив такта, компьютер, рәсемнәр, яшелчә һәм җиләк-җимеш муляжлары

Этаплар

• 1.Оештыру мометы.
• 2.Актуальләштерү.
• 3.Өй эшен тикшерү.
• 5.Уку мәсьәләсен кую.
• 6.Уку мәсьәләсен чишү.
• 7.Өй эшен бирү.
• 8.Рефлексия(йомгаклау)

Иске һөнәрләр. Морҗа чистартучы-трубочист

Аяк кием чистартучы - чистильщик обуви.

Фонарьчы - фонарьщик.

Су ташучы-водовоз.

Рәсемнәргә туры килгән мәкальне табып укы, мәгънәсен аңлат:

Агач беленә җимешеннән, адәм беленә эшеннән.

Аз сөйлә, күп эшлә.

Җиде кат үлчә, бер кат кис. Җимешне вакытында аша, эшне вакытында эшлә.

Начар останың коралы үтми. Ашаганың белән мактанма,эшләгәнең белән мактан.

УЙЛАП ТАП!

Кем кайда эшли?

Син ризамы?

Табиб укыта.

Бакчачы пешерә.

Биюче бии.

Тегүче сата.

Сатучы төзи.

Укытучы тегә.

Пешекче дәвалый

Төзүче утырта.

.

Китапханәче … бирә.

Укытучы … укыта.

Тегүче … тегә.

Төзүче … төзи.

Сатучы … сата.

Пешекче … пешерә.

Сүзләр өстәп җөмләләрне дәфтәргә яз:

• Китапханәче (нинди?) бирә.
• Укытучы (нинди?) укыта.
• Тегүче (нинди?) тегә.
• Төзүче (нинди?) төзи.
• Сатучы (нинди?) сата.
• Пешекче (нинди?) пешерә.

• (тәмле, кызыклы, зур,зәңгәр, тырыш, кызыл)

Нәтиҗә:

Проект укучыларга һөнәр исемнәрен искә төшерергә, сөйләмдә дөрес һәм урынлы итеп куллануга ирешергә ярдәм итә ;

Фигыль формаларын, -чы,-че кушымчаларын,урын-вакыт килешен сөйләмдә дөрес куллану күнекмәләрен камилләштерү өчен ярдәмлек булып тора;

Төрле ситуацияләр һәм биремнәр аша укучыларның фикер эшчәнлекләрен, уйлау сәләтен үстерергә этәргеч бирә;

Укучыларда хезмәт ярату, хезмәт иясенә хөрмәт тәрбияләү кебек сыйфатлар барлыкка китерергә ярдәм итә.