«Сыр- с?хбат» психологиялы? ойын саба?ы»

«Сыр- сұхбат» психологиялық ойын сабағы»

Мақсаты: 5 сынып оқушыларын жаңа ортада мұғалімдермен қарым- қатынас жасауға үйрету.

Көрнекілігі: ватман,гүл, жапырақтар( мұнда ұстаздармен сұхбат болуы керек).Карточкалар ( пәндер атауы, мұғалімдердің аты- жөні).Магнитті тақта, желім, маркер.

Ойынның өту барысы:

1.Амандасу рәсімі .

«Жаңа оқушы»

2.Оқу пәндері

3.Біздің ұстаздарымыздың аты- жөні қалай аталады?

4.Суретшілер

5.Нағыз ұстаз- бұл ...

6. Біздің ұстаздарымыз қандай?

7.Қызық оқиға

8. Ұстаздарға алғыс

9.Қорытындылау.

Сергіту сәті

Мейірімді жүрекпен,

Ақпейілді тілекпен,

Амандасып алайық,

Бір жадырап қалайық!

Жаңа оқушы . Біздің келесі жаттығуымыз «жаңадан» келген оқушыларға арналады. Балалар, барлығымыз біздің мектепке басқа елден жаңадан оқушы келді деп есептейік. Ол өзінің оқуын біздің мектепте жалғастырғысы келеді.Бірақ біз ең алдымен біздің мектептің өмірімен танысуға көмектесейік, оған ат қояйық. Балалар өздерінің ойларын ұсынады (бесеуден артық болмауы қажет) және дауыс берудің негізінде есімін таңдайды.Ал енді оған мектебіміздің өмірі жайлы не айтатынымызды ойластырайық.Мұғалімдер, оқушылар, сабақтағы үй жұмысы, бақылау, ауызша және жазбаша жұмыс,кештер, қызықты сабақтар т.б.

1.Психолог:-Қане еске түсірейік, біз бірге қандай пәндер оқыған едік, және қандай пәндер бізге қосылды?Ал қане балалар стол үстіндегі пән атаулары жазылған карточкаларды алыңдар. Қандай пәндер жазылған екен?

2.Қыздар мен ұлдарды екі топқа бөліп, ұлдарға тек ұстаздар есімі, ал қыздарға олардың әкесінің есімі беріледі.

Психолог:Мен қазір сендерге сабақ кестесіндегі пән аттарын атаймын, егер сол пәнді беруші ұстаз аты кімде болса сол келіп тақтаға жапсырады.

3.Суретшілер.

Жүргізуші таңдалады.Ол тақтаға геометриялық фигура немесе мүлде ештеңеге ұқсамайтын сурет салады. Тапсырма- ойыншылар осы фигураны әрі қарай жетіспейтін детальдарын жалғастырып, белгілі бір затқа ұқсатып аяқтауы керек.Бір суретшіге бір фигурадан тиеді.Бұл ойында жеңімпаз да жеңілген де болмайды,бірақ әр бала өз фантазиясың, ойын жеткізуге тырысады.Ұстаздар мен оқушылар араласып салады.

4.Нағыз ұстаз....кім?

Психолог:Бұл бәрімізге белгілі. Ұстаз- бұл бір мамандық, әрбір мамандықтың өз алдына міндеті, талабы болады. Мысалы:Космонавтың денсаулығы өте күшті болуы керек, ал оқымысты ерекше ақылды болу керек. Ал ұстаз мамандығының да өз қасиеті бар.

-Біз қазір сған жауап іздейік......

Әр топ әр түрлі қасиеттер жазылған бір парақ қағаз алады, онда ақылды, парасатты, білімді, мәдениетті, жалқау, кешірімді, жылы жүректі, ізденпаз, әділ, сүйіспеншіл, қарапайым, талапшыл, білікті, сыпайы, еріншек, адал, батыр.

5.Біздің ұстаздарымыз қандай?

Психолог:Менің қолымда гүл күлтелері бар.Онда Ұстаздардан сұхбат алу үшін сұрақтар жазылған.Сол сұрақтарға ашық жауап беруіңізді сұраймыз.

-Сіздің бала кездегі арманыңыз қандай?

-Сіздің қызығушылығыңыз қандай?

-Сіз қандай оқушыны ұнатпайсыз?

-Оқушы бойынан қандай қасиет көргіңіз келеді?

-Ең сүйікті мейрамыңыз қандай?Оны қалай тойлайсыз?

Біздің мектептің оқушылары туралы ойыңыз қандай?

-Мұғалімдіктен басқа қандай салаға барар едіңіз?

-Болашақтан не күтесіз?

-Өз мамандығыңыз сізге ұнай ма?

-5 сынып оқушыларына қандай тілек айтасыз?

-Бос уақытыңызға немен айналысасыз?

Гүл ортасындағы қасиеттер жазылған шеңберге гүл күлтелерін орналастырамыз.

• Мінеки,біз осыдан ұстаздарымыздың қандай екенін білдік.Енді олармен ашық сырласа аламыз.

6.Қызық оқиға......

Әр топ сыныптарында болған бір қызық оқиғасын айтып беруі тиіс.Ұстаздар да осы сынып ішінде болған бір қызық оқиғадан айтып беруі керек.

7.Ұстаздарға алғыс.

«Қоштасу»

Барысы: -психолог бәрін орнынан тұрғызып психологиялық ант беруге шықырады.Оқушылар шеңберге тұрып, қолдарын ортаға созып, бірінің үстіне бірін қойып ант береді.

Біз оқушылар.

Ант береміз,

Оқушылық жауапкершілікпен қарап,

Мектептегі дәстүрді орнымен сақтауға,

Білім болуға-

Жаңа шыңдарға да бәріміз бірге жетуге

Ант береміз.

Бесенші сыныпты жақсы деген бағамен аяқтауға,

Төменгі ізбасарларға үлгілі аға мен әпке болуға

Ант береміз.

Оқушылар ұстаздарға басын иіп рахметтерін айтады

8.Қорытындылау.

Ұстаздарға сөз беріліп, сабақ жөнінде өз ойларымен бөліседі.