О?ушыларды? таным процестерін дамыту?а арнал?ан жатты?улар

Тақырыбы: Оқушылардың танымдық процестерін дамыту арналған жаттығулар
Сабақ мақсаты: Оқушылардың танымдық процестерін дамыту
Сабақ түрі: психологиялық тренинг сабақ
Қажетті құралдар: тоқыма жіп, А4қағаздар, себет т.б.
Тренинг ережесі:
Тыңдай білу
Белсенді қатысу
Сөзді бөлмеу
Күлімсіреу
Сын айтпау
Уақытқа бағыну

Сабақ барысы:
І. Кіріспе сөз
ІІ. Танысу рәсімі: «Достық торы» тренингі 
Мақсаты: Топ мүшелерін біріктіру, топта жағымды ахуал құру, жұмыс белсенділіктерін арттыру.
Қатысушылар шеңбер құрып тұрады. Жүргізуші тоқыма жіпті бір саусағымен іліп алып өз есімінің бас әріпінен басталатын жақсы қасиетін теңеп таныстырады да өзі қалаған қатысушыға лақтырады. Жаттығу осылай жалғасады, барлық қатысушылар қамтылу керек. Соңында «Достық торы» пайда болады. 

ІІІ. «Сөздерді есте сақта»
Мақсаты: Оқушылардың есте сақтау қабілетін анықтау.
1минут ішінде 12 сөз оқылады және есте сақтау ұсынылады.
Сөздер: сүлгі, қоян, теледидар, шам, жүзім, шұлық, жыртық, пісте, дәрі, көңіл-күй, ұя, жылан.

ІҮ. «Кім тапқыр?» 

Мақсаты: Топ арасынан ойлау қабілеті ерекше оқушыларды анықтау.
Қандай да болмасын зат алынады (қалам, қасық, т.б). Бұл затты шеңбер бойынша әр бала қолдарына ала отырып оны тағы қандай зат ретінде пайдалануға болатындығы жайында айтады.

Ү. «Базар» 

Мақсаты: Оқушылардың есте сақтау қабілетін, зейінін байқау. 
Оқушылар қағазға сурет салады, сурет салынған қағаздарын 4бөлікке бөледі. Әр оқушы 1 бөлікті өзіне алып қалып, қалған бөлікті мұғалімге береді. Мұғалім барлық оқушының қағаздарын араластырып, әр оқушыға қайтадан 3бөліктен таратып береді. Оқушылар өз суреттерінің қалған бөліктерін табу керек. 

ҮІ. «Ойлан тап!»
1. Айгүлдің алдында 3зат тұр: шелек, доп, қуыршақ. Допты қозғамай қалай шетіне қоюға болады?
2. Үстел үстінде төрт алма тұр. Бір алманы алып ортасынан бөліп қайтадан қойды. Үстел үстінде неше алма болды?
3. Қоянға, түлкіге, аюға үш түрлі жалауша жасап берді-қызыл, сары, көк. Қояндағы жалауша қызыл емес, түлкідегі қызыл да, көк те емес. Кімнің жалаушысы қандай?
4. Бөлмеде 2орындық тұр. Әр қабырғаның жанында бір-бір орындық болуы үшін сол орындықтарды қалай қоюға болады?
ҮІІ. «Айырмашылықтарды табу!»
Мақсаты: Байқағыштық пен зейіннің тұрақтылығын, бөлінуін, шоғырлануын дамыту.
Оқушыларға екі бірдей суреттер көрсетіледі. Суреттердегі айырмашылықтарды табулары керек.
ІІХ. Қорытындылау. «Тілек ағашы»