Халық даналығы-рухани байлық көзі

Мақсаты: Оқушыларға алдыңғы сыныптарда өткен халық даналығы, салт-дәстүрлер туралы алған білімдері негізінде ата-баба дәстүрінің, көсем сөздер мен шешен сөздердің рухани тағылымы, адамгершілік құндылық, даналық ретіндегі мәні мен мағынасын түсіндіру.

• халық даналығының ұрпақтан ұрпаққа мирас болып қалатындығын ұғындыру;

• оқушыларды ұлттық мәдениетке,ата-бабаа дәстүріне деген сүйіспеншіліктерін дамытуға ықпал ету;

• халық даналығын құндылық ретінде құрметтеуге үйретіп,олардан тағлым алуға тәрбиелеу.

Сабақ барысы:

Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

Тыныштық сәтi.

«Менің жан дүниемдегі сәуле» жаттығуын баяу әуен тыңдай отырып жасау.

Үй тапсырмасын тексеру.

Үйге берілген «Жанқұтты шешеннің батасы» шығармасы бойынша сұрақ қою

Сұрақтар:

Абайдың жауабынан нені байқауға болады?

Дүние үмітке сүйенедідегенді қалай түсінесіңдер?

Сабақ барысын талқылау:

Әңгімелесу

Халық даналығы дегенді қалай түсінесіңдер?

Неліктен оны адамзаттың рухани байлығы дейміз?

Даналыққа қалай жетуге болады?

Қандай адамды данышпан,дана дейді?

Дәйексөз

Біз даналықты үш жолмен үйренеміз: ойлану – ең ізгі жол; еліктеу – ең жеңіл жол; тәжірибе жолы – ең ауыр жол.

Бенедикт Спиноза

Шығармашылық жұмыс, топтық жұмыс.

Бұл әдіс оқушылардың тақырыпты терең түсінуіне ықпал етеді. Қ.Жәркеновтың «Жаман болады» атты мәтінін рөлдерге бөліп орындау арқылы балалар кейіпкерлердің сезімін, күйініш-сүйінішін өз қабылдауынан өткізеді. Өздерінің де үлкендерден естіген тыйым және ырым сөздері жөнінде пікір алмасады.

Сабақтың тақырыбын түйіндеп, қорытындылау мақсатында «Назар аударайық» айдары берілген. Мұғалім ырым сөздер жақсылыққа бастаса, тыйым сөздер жамандықтан сақтандыратыны туралы айтып ойды жинақтайды. Кестеде берілген мысалдарды дәптерлеріне жазып, толықтыру ұсынылады.

Топпен ән айту. 3мин. Т.Мұхамеджанов әні «Алтыбақанды»

Үй тапсырмасы. «Менің әкем»өлеңін оқып келу

Қорытындылау қазақ халқының тұрмыс-тіршілігінің көзі, ұрпақтар сабақтастығының бір көрінісі ретінде ата кәсіпке орын беріледі.

Соңғы тыныштық сәтi. 3 мин.

Балалар денелерін түзу ұстап, бастарын жоғары көтеріп, ыңғайланып отырады. Көздерін жұмуына да болады. Ауаны терең жұтып, еркін тыныстайды, денелерін бос ұстап, айналадағы барлық тіршілік иесі оларды аялап, қоршап, қамқор болып жатқанын сезінеді. Тұла бойлары жақсылыққа, махаббатқа толғанын сезінуге ұмтылады. Осылайша 3 минуттай отырады.