Просмотр содержимого документа
«"Е? ма?ызды та?дау"»
Ең маңызды таңдау.
Мамандық таңдау- өте жауапты және маңызды іс. Осы өзекті мәселеге орай
«Ең маңызды таңдау» тақырыбында тренинг ұйымдастыру.
Мақсаты: оқушыларға мамандық туралы мәлімет беру және ол мамандықтардың оқушыларға қоятын талаптарын ұғындыру.
Мамандық типтері (Е. А. Климов)
“Адам- табиғат” (Ботаник, мал дәрігері, )
“Адам- техника” (жүргізуші, инженер, слесарь)
“Адам- адам” (психолог, дәрігер, режиссер)
“Адам- белгілі жүйе” (библиотекарь, программист)
“Адам- көркем бейне” (актер, суретші, дизайнер)
Әлемде 10 мыңнан аса мамандық бар. Ал оған арнаула мамандықтар мен басқаша да қосымша маман түрлерін қосып санағанда 50 мыңнан асады. ол үшін мамандық әлемін оқып – үйрену керек.
Мамандық алудың 5 баспалдағын жоспарлау керек:
1. Арман (тілек)
2. Көз жеткізу (қажеттілік)
3. Жоспарлау
4. Әрекет
5. Игеру
Мамандық сенің денсаулығыңа, физиологиялық және психологиялық күйіңе, біліміңнің сапасы мен деңгейіңнің дайындығына байланысты екенін шығарма. Сондықтан да мамандық таңдар алдында «Мен жасай аламын ба, қабілеттімін бе?» деген сұраққа жауап беру керек.
1-жаттығу: «Ең, Ең» деген мамандық.
Мақсаты: Оқушыларды түрлі мамандықтар әлемімен таныстыру және ол мамандықтарға сипаттама беру.
Нұсқау: жаттығуға қатысатындар шеңберге тұрады. Жүргізуші қатысушыларға қандайда бір мамандықтың сипаттамасын айтады. Олар сол сипаттамаға ең жақын келетін мамандықты айтады.
Ең көп қаржы әкелетін мамандық. Қай мамандық мол табыс көзіне жатады.
Оқушылар жауабы: Экономистер, қаржыгерлер, депутаттар, мұнайшылар т.б. айтуы мүмкін.
Жүргізуші бірінші сипаттаманы айтады, ал қатысушылар бірден өздерінің ойын келген мамандықтарды айтады. 5-7 мамандыққа дейін қайталанады.
Ең жасыл...
Ең қызық...
Ең талап қойғыш...
Ең көп сөйлейтін...
Ең әдемі...
Ең тәтті... т.б.
2. Профориентациялды жаттығу топ бойынша жұмыс.
«Ұйқыдағы қала» сыныпты 5 топқа бөлу.
Мақсаты: оқушылардың тақдаға мамандықтарының өздеріне қоятын талаптарын ұғындыру және әрбір мамандыққа жауапкершілікпен қарауға үйрету, топ бойынша жұмыс жүргізу.
Нұсқау: бір қалада (әркім өз қаласын немесе басқа шеттегі нақты бір қалаларды алуға болады) бір тылсым күш келіп ондағы адамдарды әлсіретіп, жартылай ұйқыға салып кетіпті. Олар өздерінің не істеп, не қойғанын білмей ұйықтап журеді екен. Біздің мақсатымыз оларды оятып өмірлерін жақсартып, олардың жандарына үміт отын жағуымыз керек. Ол үшін қарапайым, түсінікті, шынайы турде оларды оята алатын бағдарлама құру керек.
Осы нұсқаулық бойынша әр бір топ төмендегі бағыттар бойынша бағдарлама құрастыру қажет.
1-топ: қаладағы қылмыстық іс әрекеттерді тоқтатып, қалада тыныштың тәртіп орнату керек. Заңгерлер.
2-топ: қаланы басқару керек.
Әкімдер атқарушы мемлекет қызыметкерлері.
3-топ: экономикалық жағдайын жандандыру, жұмыссыздықты жою, адамдардың тұрмысын жақсарту. Экономистер.
4-топ: қалада тұратын адамдардың бақытын табуға олардың жан дүниесіндегі проблемаларды шешуге, өмірдің мәнін табуына көмектесу. Психологтар.
5-топ: адамдардың денсаулығын аумақтық экологиялық мәселелер (әр түрлі экологиялық жағдайлардан кейін инфекциялардың таралуы) профилактикалық іс-шаралар. Дәрігерлер.
Жүргізуші: нақты және төмендегі жобаларды жасауды ұсынуына болады.
Жаппай адамдарды компьютермен қамтамасыз ету, программаларды құрастыруға үйрету.
Тауар айырбастау немесе сауда жолдарын кеңейту, нарыққа шығу.
Білім және ғылым мәселерін көтеру т.б.
Осы жобаларды жүзеге асырып көрейік сол кезде біз қаланы оятамыз. Егер қандайда бір жағдайлармен топтардың бірі жобаларын жүзеге асыырмаса, онда біз қаланы оятпақ түгіл, олар бізді тыңдағысы да келмей қалу қауіпі бар екендігін ескеруіміз керек.
Жүргізуші тақтаға қаланы ояту үшін қарастырылатын жобалардың аттарын жазды.
Экономика;
Денсаулық;
Басқару;
Адамдардың бақыты;
Тәртіп;
Әр бір топ өздеріне ұнағанын таңдап алады. Қағазға жасырып кімге қандай жоба керектігін жасыруға да болады.
Бұл жобаларды дайындауға 10-15 минут уақыт беріледі. Әр бір топтан бір баяндамашы шығып өздерінің жобаларын баяндайды. Талдау жүргізіледі.
3. Рефлексия: ойын барысында сізге не ұнады? Ойыңыздан шықпаған әрекеттер бар ма?
Жүргізуші өз тілегін айтып, болашақ мамандардың алдында үлкен мәселелердің туындайтындығын тағы да бір рет айтып, «Алынбайтын асау жоқ» деген қазақтың қанатты сөзіме аяқтауға болады.
Тілектеріміз: тілектерін оқушылар шарларға жазып аспанға ұшырса да болады.
