Б?О А?жайы? ауданы Первомай ауылы

Сабатың тақырыбы: Интуицияны дамыту арқылы ҰБТ- ге оқушыларды дайындау

Мақсаты:

Оқушыларды ҰБТ тапсырудағы жетістікке жетуге арналған ситуациялармен таныстыру, оқушылардың емтихан алдындағы қобалжудың алдын алуға арналған жаттығуларды меңгерту.

Оқушылардың интуициясын дамыта отырып, өзіне деген сенімділігін арттыру.

Сабақтың әдісі: түсіндіру сұрақ –жауап, пікірталас, жаттығулар

Сабақтың барысы:

Ұйымдастыру кезеңі:

Шаттық шеңбері: «Өміршеңдік ережесі»

Пікірталас: оқушылар 2 топқа бөлінеді. Топтағы мынандай сұрақтар беріледі. Оқушылар өз ойларын ортаға салады.

1) Емтиханға қалай әзірленген тиімді?

2) ҰБТ-ға әзірлену үшін жұмыс орнын қалай ұйымдастыру керек?

3) Емтихан алдындағы күнді қалай ұйымдастыру керек?

4) Емтиханды сәтті тапсыру үшін не істеу керек?

Оқушылардың сабақтың тақырыбы туралы білімдерін анықтау.

А) Интуиция дегеніміз не?

Б) Оның адмаға қажеттілігі бар ма?

В) Емтихан барысында интуицияға сенуге бола ма?

«Интуицияны тексер» жаттығуы.

Мақсаты: оқушылардың интуициясының қаншалықты дамығандығын диагностикалау.

Барысы : Экрандағы ұяшықтардың номерін көрсету арқылы ондағы жасырылған заттарды табу керек. Әр қатысушыға 1-ден 6-ға дейін сандар жазылған парақшалар таратылып, балалар өздері дұрыс деп ойлайтын ұяшықтың номерін көрсету арқылы интуициясының қаншалықты дамығандығын тапқан дұрыс жауаптарының көмегімен анықтаймыз.

Тапсырма:

1. Қалай ойлайсыңдар, ақ аю қай ұяшықта жасырылған?

2. Сендердің ойларыңша 1000 доллар қай ұяшықта жасырылған?

3. 5- деген баға қай ұяшықта жасырылған?

4. Алтын құйма қай ұяшықта?

5. Тестен 125 балл жинады деген сертификат қай ұяшықта? Соны тапқан оқушы расында да тесттен жоғары балл жинайды, оған толық сенімді болыңдар. Тапсырмалар саны қатысушылар мен жаттығулар мен жаттығуға берілген уақытқа байланысты.

Интуиция, ішкі түйсік ( латынша – мұқият, жіті қарау)

1. Түйсіну, сұңғылалық, ақиқатты логикалық негіздеусіз, бұрынғы тәжірибе негізінде тікелей танып-білу;

2. Ұғынып ойланбай немесе пікір түймей-ақ тікелей пайда болатындығымен сипатталатын түсіну не білу тәсілі.

Интуиция – логикалық қорытынды жасауға жеткіліксіз эвристикалық процес.Интуиция түрлері: әдеби, ғылыми, сезімдік, зияттық, шығармашылық.

Интуиция терминнің екі коннотация түсіндіреді: а) бұл процесс тікелей және біршама мистикалық болып табылады; ә) ұғынылмай қабылданатын нәзік сигналдар мен байланыстарға реакция болып саналады. Бірінші коннотация көркем әдебиетте көп қолданылатын болса да, ғылыми деуге келмейді. Екінші коннотация күрделі жағдайдағы адамның мінез-құлқын зерттеуде бірқатар проблемалар бар делінеді. Екінші коннотацияда жағдаяттағы адам мінез-құлқының ерекшеліктерін зерттеумен байланысты.

Хаттама

Тренинг –сабақ: Интуицияны дамыту арқылы ҰБТ-ге оқушыларды дайындау.

Мақсаты: оқушылардың интуициясының қаншалықты дамығандығын анықтау.

Жүргізген: психолог Г.Жумашева

Қатысушылар: 11 сынып оқушылары

Өткен уақыты: 29.10.13.

Талдау

Шаттық шеңбері: «Өміршеңдік ережесі»

Оқушылар екі топқа бөлінеді. Әр топқа сұрақтар беріледі. Сұрақтарға оқушылар жақсы жауап берді.

«Интуицияны тексер» жаттығуы

Барысы : Экрандағы ұяшықтардың номерін көрсету арқылы ондағы жасырылған заттарды табу керек болады. Әр қатысушыға 1-ден 6-ға дейін сандар жазылған парақшалар таратылып, балалар өздері дұрыс деп ойлайтын ұяшықтың номерін көрсету арқылы интуициясының қаншалықты дамығандығын тапқан дұрыс жауаптарының көмегімен анықтайды. Табу барысында Шайхолла Берік, Қобланқызы Ақерке, Қайыржанова Арайлым Ермек Эльмира, Хатимуллина Орынша өздерінің ішкі түйсіктеріне сену арқылы берілген суреттерді берілген номерлерді көрсету арқылы таба білді. Интуициялары жақсы дамыған. Таба алмаған балаларға интуицияны дамыту жолдары айтылды.

Психолог интуиция терминінің тереңдігін түсіндіріп өтті.

Педагог – психолог: Г.Т. Жумашева

Бітік орта жалпы білім беретін мектеп –балабақшасы

Интуицияны дамыту арқылы ҰБТ-ге оқушыларды дайындау

(11 сыныпқа арналған жаттығу)

Педагог-психолог: Г.Т.Жумашева

2013-2014 оқу жылы