Просмотр содержимого документа
«Ба?ыт ??сын ?ол?а ?ондырайы?!»
Қазалы қаласындағы Қ.Нұрмаханов атындағы №95 орта мектеп бойынша
8-11 сынып және мектеп ұстаздары арасында «Бақыт құсын қолға қондырыңыз» тақырыбында ұйымдастырылған психологиялық жұмыс
Мақсаты: Өмір оның кереметі , бақыттың мәні мен оған жетудің сырларын түсіндіру , үйрету.Өмір жолындағы сәтсіздіктер мен сәттіліктерді қабылдау , шығу жолдарын түсіндіру.
Бөлме әдемі көгершін құстар мен безендіріліп баяу әуен ойналып тұрады.
М.Мақатаевтың «Бақыт деген не өзі?» өлеңі оқылады.
Психолог: Бақыт деген не өзі?
"Бақыт деген не өзі" деп бастады топ таласты.
Біреуі оны үйден іздеп, бірі қырдан әрі асты.
Бірі айтады: бақыт деген барлық байлық емес пе,
Керегінше киіп ішсең бақыттысың де емес пе?
Бірі айтады: жоқ, бақыт деген қолың жетпес маңсап қой,
Жұрттан көрі жүрсең ирек, соның өзі жақсы ат ғой.
Бірі айтады: бақыт деген, бақыт деген,
жүйрік мініп, той тойлау,
Ісің болмай күйбеңменен,
қарын тойса қарта ойнау.
Бірі айтады: бақыт деген адал жар мен перзент қой,
Ынтымаққа ырыс келген ол да соған келмек қой.
Пікірлердің таласына солай мен жолықтым.
Бақыт адам басалына келмес оңай, соны ұқтым.
Безбеймін мен баладан да, байлықтан да, жардан да,
Маңсап жетпес бар адамға үлістіріп алғанда,
Үміт үзбей іздейді олар тұлар, таңдап сол бір жақұтты,
Оны алыстан іздемегін, жүректен тап – бақытты.
Бақыт. Осы бақытқа жеткізер бір құс бар. Ол бақыт құсы деп аталады. Расымен осы бақыт құс – қиялдан шығарылған бейне емес . Кей бірі оның соңына кәсіби түрде түсіп , олжаны еппен іліп әкетеді. Қалайша дейсіз ғой? Ал , оның сырымен – қырын бүгін сіздерге шамам келгенше жолдарын ұсынатын болам. Тренингке қош келдіңіздер!
Алғашқы тәсіл «Трансерфинг теориясы: жағымды көңіл – күй жинау» . Бақыт туралы ойлағанда «Жолы болғыштардың қатарына қалай ілінуге болады?» деген сұрақ туатыны анық . Бұл сіздер ойлағандай аса қиын емес . Қазір менің айтқан кеңестерімді тыңдап , оны іске асыруға көмектессеңіздер , бақыт құсы бізге бір қадам адымдайды деп сендіргім келеді. Алдымен бүгінгі ауа – райына қуанып алайық. Одан кейін көршіңізге жымия қараңыз.Осы көңіл – күйді ұзақ сақтауға тырысыңыздар және санаңызда жаттап қалыңыз. Ал , жағымсыз күйзелістерді кері итеріңіз.Өзіңізді мереке орталығындай сезініңіз , қуаныш лебімен тербетілген сабақтың өзінен бас салып ұстап алыңыз. Кез – келген жағдайдың , кез келген өзгерістің оң жағын , жағымды тұсын іздеңіз . Көлденең келген көк бұлттың көзіңізге тосқабыл болуына жол бермеңіз.Сонда тағдырыңыздың аққа немесе қараға толы болуын өзіңіз анықтайтын боласыз. Бұл тылсым емес .Шындық : өз айналаңызда жағымды орта тудыра білсеңіз, жеңісте, сезімде, сәттілік те, жолы болғыштықта сіздің жаныңызға шығады. Біз осылай тағдырымызға қор жинаймыз.
Келесі тәсіл математикалық үлгі арқылы сәттілік тудыру. Сәттілік біз ойлағандай, туындаған жағдайлардың бір ортаға тоғысуынан пайда болған кездейсоқ оқиға емес. Ол біз өмір сүру салтымыздың, өзімізді қалай ұстауымыз бен сезінуіміздің жемісі. Атақты америкалық ғалым Рой Познер «Сәттілік-тағдырдың бізге берген жауабы» деген тұжырымды алға тартады. Сонда бұл пікір дұрыс зат-дұрыс адамға тиесілі дегенге саяды. Анда-санда кездесетін ерекшеліктің өзі осының дәлелі. Сонда сәттілік формуласы мынау: «өзіңіздің не қалайтыныңызды анық білу+оған жету жолында барыңызды салу+табандылық»* «әр бөлшегіне дейін қарастырылған жоспар+оң көзқарас».
Ал қазір мен ұсынатын тәсіл «уақытты бағындыру» деп аталады. Алға қойған мақсатқа жетудің ең тиімді тәсілі-өзіңізді сол сәттілікке қол жеткізген адамдай ұстау. Мысалы, сізге мансап баспалдағымен жоғары көтерілу ауадай қажет. Арнайы орында бос тұрған сияқты. Осы орынға үміткер көп жанның бірі сізсіз. Олай болса, сіттілікті өзіңізге қарай тартыңыз: ол үшін дауыс беру уақыты аяқталды, басшылық бір ауыздан бұл орынға сізді лайық деп тапты деп елестетіңіз. Енді оларға алғыс білдіріп, хат жолдауғада болады. Ол «мансаппен қаламсап» деп аталады. Онда компания жетекшілеріне рахмет айта отырып, сенімдеріңізді ақтайтыныңызды жеткізіп хат жазыңыз. Әрине, ол қатты ешкімге берудің қажеті жоқ. Хаттың мақсаты мүлдем басқа-ол сізге сәттілік сыйлайды, өзіңізге деген сеніміңізді одан сайын арттырып, бақыт құсын шақырады.
Соңғы тәсіл «сәттілік психологиясы» деп аталады. Америкалық психолог Ричард Вайзман өмірге әкелген бұл тәсіл 3 бөлімнен тұрады.
1Бөлім «Экстра нұсқа»: Сіздердің әлеуметтік ортаңыз неғұрлым ауқымды болған сайын, соғұрлым бақыттың кілтін табуға көмектесер адамды жолықтыру мүмкіндігі арта түседі. Сондықтан аптасына бір рет мына жаттығуларды жасап отырыңыз.
А) Өзіңіз аз білетін немесе мүлде танымайтын бейтаныс адаммен сөйлесіңіз.
Ә) Көптен бері сөйлеспеген таныстарыңызға қоңырау шалыңыз. Мүмкін бұл араласу сізге лоторея ұтып алуға көмектеспес, есесіне сіз бір жасап қаласыз.
2 бөлім: «Тыныштық сақтау» д.а. Сіз неғұрлым сабырлы әрі ұстамды болған сайын сәттіліктің етегінен ұстап қалу мүмкіндігі арта түседі. Қатты күйзеліп тұрсаңыз «Шіркін, маған сәттілік серік болса ғой дейсіз». Ондай сәтте тыныш әрі жайлы орынған отырып, көзіңізді жұмыңыз. Ой арқылы сол бір алаңсыз шаттықа толы шаққа барыңыз. Мысалы анаңыздың алдында бас қойып жатырсыз немесе сүйікті адамыңызбен құшақтасып отырсыз. Тыныштыққа бой алдырып, оның еркіне беріліңіз. Енді көзіңізді ашыңыз. Осылайша «жайлы аймақ» ұғымының ерекшелігін түсініңіз. Егер өмірдің ақ әрі тосқауылсыз жолымен жүргіңіз келсе өзіңізді әрдайым дәл осылай ұстауыңыз керек.
3 бөлім. Сан алуандық. Өз мүмкіндігіңізді жіберіп алмау үшін өмірді тану керек. Түрлі тәжірибеден өткен де дұрыс: саяхат, жаңа тағам татып көру, өзге тілде сөйлеу. Кім біледі, мүмкін сіздің бақыт құсыңыз сонау аралдарды кезіп жүрген болар. Кез-келген мүмкіндікті қолдан жіберіп алмаңыз.
Ал осының бәрін қазір бастаймын десеңіздер қолдарыңызға қалам мен қағаз алып осы уақытқа дейін жасағыңыз келген, бірақ жасамаған 6 іс – әрекетіңізді жазыңыз. Қағазды жарнама қағазы сияқты етіп жасап, аптасына бір тілімін үзіп алып оны сол апта ішінде жүзеге асырып отыру қажет.
Өзіңіз де көрерсіз сәттілік артынан қуу-сіз ойлағандай қиын емес, әрі құмарлықыт оятады. Сондықтанда болар, барлық бақыт құсын іздеушілер жүзіңнен күлкі таймасын, сонда бақыт құсы міндетті түрде басыңа келіп қонады деген қағиданы ұстанады.
«Армандар орындалады» тренингі. Ортаға «ыстық стол» деген атпен стол қойылып, психолог столға мінбес бұрын дайын тұрған адамның арманын сұрайды ,одан әрі әлгі адам столға мініп өз армандарының орындалғанын айтып айқайлайды. Мысалы : МенПрезидентпін!
Қатысушыларға қораптар ішіндегі артында тілектер мен демеу сөздері бар тәттілер ұсынылады.
«Түрлі-түсті келешек» психодиогностикалық жұмыс.
Тренинг басында қатысушыларға түрлі-түсті қағаздар жапсырылған парақ беріледі. Қатысушылар өздеріне ұнаған түске қол қояды. Тренинг соңында дәл осындай түрлі-түсті парақ тағы да беріледі және тренингке неше адамның қандай көңіл-күймен келгендігі және тренинг соңында қандай күйде екендігі анықталады.
Бақытты болу-бұл кез келген адамның өмірлік мақсаты. Мұны бәрі толыққанды түсінбегенмен әркімнің бақытты болғысы келетіні хақ.Біз бүгін сіздерге бақытты болудың сырын қолыңыздан келгенше сырын аштық деген үміттеміз.
Бақытты болыңыздар, өйткені сіздер бақытқа лайықсыздар!
Ал, қазір сіздерге дайындаған бақыт құстарымызды қолдарыңызға қондырыңыздар және осы бақыт құсы сіздерді бақытқа жетелейді деп сенем білдіреміз. (Төбеде ілініп тұрған құқстан , қалаған құстарын алады).
