"Туберкулезге жол жоқ ! " тренинг

Тақырыбы: Туберкулездің алдын алу.

Мақсаты: Балалардың сана - сезiмдерiн ояту, өз денсаулықтарын сақтаудың маңыздылығы, жеке бас гигиенасы туралы түсiнiк қалыптастыру. Туберкулез сияқты аурудың пайда болуын, қоғамға, адамға осы аурудың зардабын түсіндіру. Туберкулездің алдын алуға балаларды баулу.

Көрнекiлiгi: Туберкулез тақырыбына салынған суреттер, плакатқа жазылған нақыл сөздер, бейнефильм.

Тренинг барысы

Ұйымдастырушылық кезең:

1 жаттығу: (сәлемдесу жаттығу): « Қуанышты амандасу». ( 5мин)

Әртүрлі халықтардың амандасу рәсімдері арқылы бір – бірімен амандасу.

• Алақанын бір – біріне түйістіріп сәл еңкею. ( Қытай)

• Қолды маңдайға түйістіріп , сәл еңкею. ( Индия )

• Қолды жанға жайып , сәл еңкею. ( Япония )

• Бір – бірінің көзіне қарап, қол беру арқылы амандасу. ( Германия )

• Саусақтардың ұшын тигізу арқылы, қол алысу. ( Малазия )

2 жаттығу: Оқушылар сұрақтарға жауап беріп, пікір алмасады .(5мин )

- Денсаулық сөзін қалай түсінесіздер?

- Туберкулез жайлы не білесіңдер?

Туберкулез - микобактериялармен шақырылған созылмалы жұқпалы ауру.  Аурудың қоздырғышы – туберкулез микобактериялары немесе КОХ таяқшалары.Оларды 1882 жылы ашқан Роберт Кох деген ғалымның құрметіне аталады.     

Тақырыпқа байласнысты бейнефильм: « Твое здоровье в твоих руках! » .(6мин)

- Туберкулез адамға қалай жұғуы мүмкін?

Таяқшалар ауа-сілекей, шаң-тозаң,тамақ және плацента арқылы тарайды. Микобактериялардың организмге ену жолдары: жоғарғы тыныс жолдарының және ас қорыту ағзаларының шырышты қабаты арқылы, өте сирек жағдайларда ауру анасынан құрсақтағы балаға плацента арқылы өтеді.

- Адамның туберкулез ауруын жұқтырғанын неден байқауға болады?

Сирек, құрғақ жөтел, кеудедегі ауырсыну, көп мөлшерде салмақ жоғалту,әлсіздік,температураның жоғары болуы,түн кезінде терлегіштік болуынан байқауға болады.

-Туберкулездің алдын алу үшін не істеу керек?

БЦЖ вакцинациясын уақытында алып, дұрыс тамақтанып, зиянды әрекеттерден бас тартып, салауатты өмір салтын сақтану керек.

3 жаттығу: «Атом – Молеукла». (5 мин)

«Атом» деп айтылғанда оқушылар бір – бірден домаланып жүреді, молекула санын айтканда бір – біріне тез қосылады. Жалғыз қалып қойған оқушы ойыннан шығады.

4жаттығу: Шығармашылық жұмыс: «Туберкулездің алдын – алу ».

Мақстым оқушылар тақырып бойынша не түйіндегенін қамту. Оқушылар туберкулездің алдын – алу үшін не істеу керек екендігін ватман бетіне, сурет арқылы түсіріп. Суретте не бейнелегенін айтып, өз ойларымен бөліседі.

5 жаттығу: «Түймедақ». ( 5 мин)

Тақтада түймедақ гүлінің бөлшегі жабыстырылған, оқушыларда бір бөлшегі берілген, сол арқылы балалар түймедақ гүлдеріне бүгінгі тренингтен не білгендерін жайып пікірлерін,тілектерін жазып ,түймедақ гүлін құрайды.