«Танысу» тренингі (Ресурсты? орталы?ты? о?ушыларымен ?ткізілген)

«Танысу» тренингі

(Ресурстық орталықтың оқушыларымен өткізілген)

Мақсаты: Бұл жаттығу қалыптасқан қолайсыздықты төмендетіп, көңіл-күйді көтереді, назар мен ойлауды белсендіреді. Топтың қарым-қатынас шеберлігін арттыруға, жағымды эмоцияны қалыптастыру.Оқушылардың өзіндік ашылуын, өзіндік танымын жақсарту. «Менін» анықтап бекіту, жағдайды талдау білігін қалыптастыру. Өзін-өзі бағалауды көтеру, эмпатияны дамыту.

Нұсқау: Қазір біздің танысуымызды ары қарай жалғастыру мүмкіндігі тумақ. Бұл әрекет әлдеқайда шығармашыл түрде жүзеге асырылады.

Ендеше, бүгінгі күнді 4 кіші топтарға бөлінуден бастайық. Ол сіздерге сыйланатын әдемі гүлдер арқылы жасалынсын.(Қатысушы қонақтар өзіне ұнаған түстегі гүлдің біреуін таңдап алады да 4 топқа бөлінеді).

Енді әрбір топтың міндеті- сәлемдесу ойлап тауып, оны ым-ишара арқылы басқа кіші топтарға көрсету.

Талдау:

Жаттығу қаншалықты сізге ұнады?

Сіздің тобыңыз тапсырманы қалай орындады?

Сәлемдесу тәсілі жылдам ойлап табылды ма?

Топтан қалай сәлемдесу қажеттігі жөніндегі идеяны кім ұсынды?

Қандай сәлемдесу ерекше ұнады?

Жаттығу: «Алфавит».

Жүргізуші: Есімдеріңізді қатты, нақты, мақтаныш сезіммен айтуға тырысыңыздар. Егер кімде-кім біреудің есімін естімей қалса, онда: «тағы да қайталаңызшы» деу керек. Әркімнің есімі нақты естілуі өте маңызды.

Бәрі есімдерін атап болған соң тапсырма айтылады. Барлығы афавит бойынша бір қатарға, келесі ережені сақтап тұруы қажет. Есімдері алфавиттегі әріптердің орны бойынша, бірінші әріпен басталса, бірінші орынға, екінші әріптен басталса екінші орынға, соңғы әріптен басталса соңғы орында тұруы керек. Қатарға тұру кезінде сөйлеуге, жазуға, есімдерінің әріптерін ыммен көрсетуге болмайды.Есіміңіз жазылған құжаттарды да көрсетуге болмайды.Қатысушылардың кейбіреуіне өз орындарына тұру үшін орындарын ауыстыруға белгі беруге болады.

Жаттығудың мақсаты тапсырманы өте жылдам орындау екені айтылады. Тапсырма орындалып болғаннан кейін тексеріледі, барлығы өз аттарын дауыстап айтып шығады. Егер орындарына дұрыс ретпен тұрмаса қайталанады.

Талдау: Тапсырма ұнады ма? Қазір өзімізді қалай сеземіз? Топ бірлігін біз сезе алдық па?

Жаттығу: «Рулетка»

Мақсаты: Топ мүшелерінің бір-бірлерінің есімін есте сақтауын дамыту. Бұл жаттығу топ мүшелерінің бір-бірлерінің есімін қаншалықты жақсы білетіндіктерін білуге мүмкіндік береді.Ойынға қызығу екі команданың арасында жарыс туғызады.

Топты 2 командаға бөлу. Олар екі шеңбер құрып, бір-бірлерінің жанына арқаларын беріп тұрады (топта 20 адамнан).Ойыншылар дұрыс шеңберді ұстап тұру үшін бір-бірінің қолдарын алады. Ойынды бастау туралы белгі берілген соң, екі шеңбер айнала бастайды, біреуі сағат тілімен, екіншісі сағат тіліне қарсы. Екі команда қай бағытта айналатынын алдын-ала шешіп алады. «Тоқта» дегенде орнында қатып қалады. Әр командада шеңберлердің жанасу(немесе түйісу) нүктесінде тұрған бір ойыншы болады. Олар бір-бірін көрмей, бір-біріне арқа жақтарын беріп тұруы керек, ал олардың бір-біріне қарамауын қадағалап тұрамын.

«Толық айналыңдар!» дегенде, осы жанасу нүктесінде тұрған екеулері 180 градусқа бұрылып, бір-біріне қарайды. Қайсысы бір-бірінің есімін бұрын атаса, сол оны өз шеңберіне алады және ойын жалғасады.

Талдау: Жаттығу ұнады ма? Қандай әсер алдыңыздар?