"К??ілді ?мір с?рейік! "

Дайындаған: психолог К.Жаңабергенқызы

Сабақтың тақырыбы «Көңілді өмір сүрейік!»

Сабақтың мақсаты

• Қатысушылардың көңіл – күйін көтеру, жүйке жүйесін демалту, дене бұлшық еттерінің шаршағандығын басу.

Ұжымдағы:

• Топты жағымды көңіл - күйге бағыттау;

• психологиялық ахуалға оң ықпал жасау

Сабақтың міндеті:

1. Бір –біріне деген құнттылық, сергектік, адамгершілік қатынасын қалыптастыру.

2. Психологиялық қолдау көрсету.

3. Өзінің педагогикалық қызметінде интерактивті форманы қолдануға дайындық

Сабақтың әдісі: тренингтік әдіс

Сабақтың көрнекілігі: нақыл сөздер, шарлар, түсті карточкалар,компьютер, музыка, дорба, ұсақ заттар,ватман, маркер, мадақтама парақ

Сабақ барысы

1. Ұйымдастыру бөлімі

   • «Көңілді сәлемдесу» жаттығуы

2. Карточкалар арқылы топқа бөлу

• Сарапшыларды тағайындау

1. «Сыйқырлы қапшық» жаттығуы

2. «Қарапайым жұмбақ» ойыны

3. «Сөз тапқыштар» ойыны

4. «Ұжымдық сурет» ойыны

5. «Шапшаң ойлан, шапшаң қимылда» ойыны

Жүру барысы

Кіріспе сөз:

Қайырлы күн!Құрметті әріптестер! Бүгін біз бір сәт барлығын ұмытып, көңіл күйіміз туралы ойланып көрейік.

«Көңіл күйім болмай тұр», «көңілім жоқ», «Өте көңілді екен» деген сөздерді жиі айтатынымыз бар.Бірақ біз сол сөздердің түп төркініне жете мән бере бермейміз.Солай десек те көңіл күйдің жақсы жаман болуы кездейсоқ нәрсе.Дегенмен біз оған солай болуға тиіс нәрсе деп қараймыз да көңілдің көтеріңкі болуы біздің өзімізге байланысты екенім ұмытып кетеміз.,

Адамның көңіл күйінің жақсы жамандығы сол адам үшін елеулі оқиғаға немесе жайсыз хабар естігендігі күтпеген жайлар мен өзгерістерге байланысты болуы мүмкін. Соған қарамастан, адам көңілі түкке тұрғысыз нәрседен тіксіне қарағаннан да немесе ойланбай айтылған сөзден де басталып қалады

Демек адамның көңілді болуы, оның психикалық көңіл - күйі айналасындағы адамдарға, қызметтес жолдастарына байланысты.

Ал енді барлығымыз тренингке қатысып, бойымызды сергітіп сабаққа бағытталайық.

1. «Көңілді сәлемдесу» жаттығуы

Нұсқау : Сіздер осы жерде еркін жүріп, менің айтқан тапсырмамды орындауларыңыз қажет. Мен «Бір-біріңе» дегенде сіздер жұптарыңызды табуларыңыз керек. Жұптасқаннан кейін тапсырма беремін.

   Сонымен бастадық: «Бір-біріңе». Енді бір-біріңіздің қолдарыңызды қысыңыздар, аяқтарыңды-аяққа, мұрныңды-мұрынға, басты-басқа, құлақты-құлаққа, беттеріңізді-беттерге тигізіңіздер. Залда қайта еркін жүріңіздер, жаңа жұп табыңыздар. Ойын жаңа жұппен жалғасады.

1. Топқа бөлу. Үстелде екі түсті карточкалар жасырылған. Қазір сіздер сол карточкаларды таңдау арқылы екі топқа бөлінесіздер. Ал енді қатысушыларға үстел үстінде жабық тұрған карточкаларды таңдап алуларын ұсынамын.

2. «Сыйқырлы қапшық» жаттығуы

Нұсқау: Қатысушылар екі топтан кезекпен шығып, дорбадағы қолыны іліккен заттың не екендігін атап беруі қажет.

1. «Қарапайым жұмбақ» ойыны

Нұсқау: Әр топтан кезекпен шығып,қатысушыларға конверттің ішіндегі сөзді жасырады. Уақыт шектеулі, сондықтан үш минут ішінде барынша көбірек сөздерді жасырып, жауабын алып үлгерулері керек.Мысалы: кішкентай, үстінде инелері бар жәндік.Жауабы: «кірпі»

5.«Сөз тапқыштар» ойыны

Нұсқау:Екі оптың қатысушыларына бір бірден әріптер үлестіріледі де, оларға түрлі сұрақтар қойылады. Ал ойыншылар қойылған сұрақтарға қолдарындағы әріптен басталатын сөзбен жауап берулері керек.

6.Ұжымдық сурет» ойыны

Нұсқау:екі топтың қатысушыларына А3 форматты парағы беріледі. Олардың арасынан бірінші боп шыққан ойыншы суреттің бастамасын салып, парақтың келесі бетіне суреттің тақырыбын жазады. Ал кейін шыққан ойыншылар бастапқы суретті жалғастырып салуға тырысады.Соңында екі топтың салған суреттерін қарап, парақтың артындағы тақырыпқа сәйкес келген келмегендігін қараймыз.

«Шапшаң ойлан, шапшаң қимылда» ойыны

Нұсқау: Қатысушылар екі топтан кезекпен шығып,нұсқаушының айтқандарын тез уақытта орындап,тауып әкеліп беруі қажет.

• Көрермендердің бірінің аяқ киімі;

• Сырға

• Шарф

• Кастюм

Қорытынды: Тренинг сабақтың соңында бақылаушы сарапшылар жеңімпаз болған ұстаздар тобын жариялап, мадақтама парағын табыстайды. Қатысушылар марапатталып, сыйлықтар ұсынылады.

Психолог сөзі: Құрметті әріптестер белсенділік танытып қатысқандарыңызға көптен көп рахмет!