Эссе "Мен ж?не мені? маманды?ым"

Шиелі ауданы №149 мектеп

Сейтқұлова Айгерім

Мен және менің мамандығым

Психология – адамның жеке бірлік ретіндегі психикасын, өзінің сан алуан сезім аффективтік интелектуалды басқа да туа біткен функциялар мен бірге сыртқы ортамен өзара әрекетін зерттейтін ғылым, кей-кезде адам мінез - құлқын зерттеу деп те аталады. Қыруар тараулары теориялық және практикалық бағыттарда қарастырады. Қолданбалы бағыттары да сан алуан. Мақсаты: психиканы субъективтік структураның сыртқы ортаны пайымдау, елестетумен жұптасқан айрықша іс- әрекеттің негізі ретінде зерттеу.

Психология мамандығы дегенде маған кеңістігі мен өлшемі жоқ өзі жарық, рухани азығы мол бағдары жақсылықпен ізгілікке жетелейтін шекарасыз, шектеусіз әлем елестейді. Ол әлемде жан – дүниеңнің қыры мен сырын түсініп жақсы-жаман қасиетіңді саралап өмірдің өткел жолыңдағы бастан кешірген күйінші мен сүйінші болған, сырлы да мүңлы жұмбаққа толы жан сырларыңды шертіп жаныңа жылулық табасың. Сондықтан да, бұл әлем мен үшін жанның шуақты сарайы болар еді. Бұл сараймен сырлассаң адамгершілік қасиеттеріңді саралап қана қоймай бойыңдағы ұнамды - ұнамсыз қасиеттеріңді таразыға салып өзіңді тәрбиелеп мінез - құлқыңды түзейсін. Өзіндік қабілетің мен икемділіктеріңді дамытуға мүмкіндік аласың.

«Білекке сенер заманда-ешкімге есе бермедік,

Білімге сенер заманда -қапы қалып жүрмедік» дегендей, ХХІ ғасыр психологтар ғасыры адамды – бүкіл тіршілік әлемінен ерекшелейтін – оның ерекше жетілген психикасы, сол психиканың дұрыс дамуына ықпал жасайтын психолог маман иелері. Жеке тұлға болып қалыптасуы үшін ең алдымен баланың жасаған іс - әрекетін таразыға салып баламен жұмыс жүргізу қажет.

Мектеп психологынің міндеті: баланың дүниетанымын кеңейту қабілетін анықтау, қиялын шарықтатып баланың ішкі әлемімен сырлас болу.

Менің өмірдегі ең үлкен жетістігім - мамандықты қатесіз таңдағаным деп білемін. Болашақ жас жеткіншектердің өз жолын тауып, алдағы жарқын болашақтарын бақытты елестетіп, оған жету жолында бойларына адамгершілік қасиеттері мен бірге жан сапасын, тән сапасын арттыру, жарқын үміт сыйлау менің міндетім деп білемін.

Болашақта өркениетті дәстүрлі демократикалық мемлекетті құратын жас үрпаққа тәрбие беру, бүкіл адамзаттың міндеті. Тегінде тәрбие – үлкен жауапкершілікті, жүйелі көңіл бөлуді талап ететін өзгеше әлем. Ғылымда осы өзгеше әлем тәрбие мәселесімен айналысатын педагогика психология саласы, сондықтан да болашағымыз жарқын болуы үшін бүгінгі жас жеткіншектердің бойына рухани білім, өнегелі тәрбие, асқақ арман, биік мақсат, адами қасиет, шырайлы жүз қалыптастыруға талпынамын.

Еңбек ету жолында осы мақсаттарды жүзеге асырып еліміздің мүддесі үшін жарқын жүзді, адамгершілік пәл - сапасы мол, рухы мықты жастарды тәрбиелеуге атсалысамын.