Просмотр содержимого документа
«Б?рі сені? ?олы?да»
Психологиялық тренинг
Тақырыбы: «Бәрі сенің қолыңда»
Мақсаты: Оқушылардың өмірге деген құштарлықтарын, қызығушылықтарын ояту. Өмір құндылықтары туралы түсініктерін одан әрі тереңдету, өзін-өзі бақылау дағдысын, сенімділігін арттыру.
Қажетті құрал жабдықтар: Ақ парақтар, доп, қаламсап, интерактивті тақта, газет, клей, майшам, қайшы.
Топта жұмыс істеу ережесі:
1. Біреу сөйлейді, басқалары тыңдайды.
2. Болып жатқанға белсенді қатысу.
3. Әркім өз пікірін білдіруге құқылы.
4. Пайда болған ой, сезімдеріңді осы жерде және қазір айт.
5. "Басынан" "Аяғына" дейін жұмыс істеу.
Тренинг құрылымы:
І.Ұйымдастыру кезеңі. «Сәлемдесу рәсімі»
ІІ. Тренингтің мақсат-міндеттерін хабарлау.
ІІІ. Тренингке дайындық, ережемен таныстыру.
ІІ. Негізгі бөлім.
Өміріңнің бақытты сәттері
Армандар коллажы
Сергіту сәті (бейнеролик) «Бәрі сенің қолында»
«Әзілдесу» ойыны
ІІІ. Қорытынды бөлім
Рефлексия «Майшам» жаттығуы
«Сәлемдесу рәсімі» жаттығуы
Есімі + мен жайлы ешкім білмейтін қасиет.
Мақсыты: топ оқушылары бір-бірін білмейтін жақтарын таныту.
Нұсқау:Қазір кімнің қолына доп барады сол өзінің атын және өзгелер білмейтін бір қасиетін айту керек. Ал қалғандарымыз мұқият тыңдап, есімізде сақтап отырамыз. Мысалы: «менің атым Камила, менің .... екенімді ешкім білмейді».
«Өміріңнің бақытты сәттері» жаттығуы
Мақсаты: Өткенді еске алғыза отырып, бойларындағы жағымды эмоцияларды сезіндіру, өздерін сергек сезінуге жағдай жасау.
Жүргізуші:
- Осы уақытқа дейін, яғни өткен шақта өздеріңді өте жақсы сезінген, не өздеріңді сол сәтте бақытты сезінген 2 не 3 сәтті есімізге түсіруге тырысып көрейікші.Бұл оқиға қандай оқиғалармен, не жағдайлармен байланысты екенін есіңе түсіріп, сол жағдай туралы қысқаша жазыңдар.
Талдау:
-Осы оқиғаларды еске түсіру барысында қандай сезімге бөлендіңдер?
-Жағымды әсер алдыңдар ма?
«Армандар коллажы» жаттығуы
Мақсаты: Оқушыларды армандай білуге үйрету, өмірден толықтай барлығын алу, арманға деген сенімділігін арттыру
Нұсқау: Оқушылардың алдыларына ақ парат бет таратылып, өз армандарын коллаж ретінде ақ парақ бетке салу.
Сергіту сәті: бейнеролик
«Бәрі сенің қолыңда» Ерте заманда бір керемет білімді ұстаз болыпты, оның білмейтіні жоқ екен, сол кісінің бір оқушысы ұстазын тексеру үшін, бір сұрақ қойыпты. Бір алақанына көбелек жасырып ұстап, екі қолына артына тығып, ұстазынан «Менің қолымда өлі көбелек пе, әлде тірі көбелек пе?» деп сұрапты, сонда ұстазы: «Бәрі сенің қолыңда» деп салмақты ғана үнмен жауап беріпті.
Сендер осы әңгімеде не түйдіңдер? «Бәрі сенің қолыңда» деген сөз нені білдіреді? Сендерге қатысы бар ма осы сөздердің?
«Әзілдесу» ойыны
Нұсқау:Бір-біріңізге ренжіткен уақыттарда неше түрлі реніш сөздерін айтасыздар. Ал кім де болса ренжіткен сөздер айтып ұрыстыңыздар ма? Кәне, сондай күйде айтысып көрейік. Бұл сөздер жеміс-жидек, ыдыс-аяқ атаулары мүмкін – «Сен болсаң - сәбізсің» және т.б.
Оны болған соң, бір-біріне жылы сөздер айтады – «Сен менің күнімсің» және т.б
Рефлексия «Майшам» жаттығуы
Жүргізуші: Менің қолымда майшам, сендердің оттарың сөнбесін әрдайым жанып тұрсын және де мен сендерге өмірлік қиындықтарға мойымауларынды тілеймін, мына майшаммен өз сыныптастарыңа жылы лебіздеріңді білдіріп, табыс пен жетістік тілеңдер.
Нұсқау: Оқушылар шеңбер бойымен тұрып, майшам арқылы бір-біріне жылы лебіздерін білдіреді.
