Просмотр содержимого документа
«Жас?спірім ?ылы?ында?ы жекелік ерекшеліктеріні? к?рінуі ж?не бос»
Жасөспірім қылығындағы жекелік ерекшеліктерінің көрінуі және бос
уақытын тиімді ұйымдастыру
Ересектену – жасөспірім өмірінің қиын кезеңі. Жас адамның өмірлік ұстанымы, өзіне, басқаларға деген талпыныстар мен уайымдар пайда болады. Жасөспірім шақта баланың өзіндік «Мені» қалыптасады, өз құндылықтарын меңгереді.
Жасөспірімдердің физиологиялық ерекшеліктері
Зат алмасу процесі жеделдейді ;
Жыныстық жетілу ;
Барлық организм жүйесінің қайта құрылуы ;
Жасөспірімдердің психологиялық ерекшеліктері
Мазасыздану ;
Өзіне сенімділігі пайда болады ;
Өмірде анықталады ;
нерв жүйесінің тұрақсыздығы ;
Сондықтан, бұл шақта жасөсіпірім қылығындағы және мінезіндегі кейбір жағымсыз құбылыстарды жеңу үшін күн тәртібін, бос уақытын дұрыс ұйымдастыру өте маңызды.
Негізгі ереже – бұл күнделікті мақсаттың болуы. Күнде кешкісін баламен бірігіп жоспар құру қажет. Жоспары бар адам көңілді өмір сүреді.
Бос уақытын өткізуді ұйымдастыру ерекшеліктері
Спорт ;
Жазғы лагерьлер ;
Әртүрлі үйірмелер ;
Үй шаруасына көмек ;
Жасөспірімнің бос уақытын нақты белгіленуі керек. Белгілі бір уақытта ұйықтап, тұру әдебі жасөспірімнің тез ұйықтауына және оянуына үйретеді. Белгілі бір уақытта тамақ ішу пайдалы заттарды сіңіруді қамтамасыз етеді. Егер үй тапсырмасын бір уақытта орындауды үйренсе, онда оқу материалы тез жатталады. Күнделікті күн тәртібін сақтау жасөспірімді тәртіпке, ұқыптылыққа дағдыландырады.
Жасөспірім өмірінде оқу басты орынды алады. Бірақ демалысты да ұмытпаған жөн. Мектептен келгесін, тамақтанып, демалу керек. Жасөспірімдер әртүрлі демалады: біреулер теледидар көреді, сүйікті кітабын оқиды, компьютерде ойнайды, не болмаса қазіргі кезде көп жағдайда вк-да отырады. Бірақ жасөспірім толыққанды демалу үшін таза ауада күніне 2-2,5 сағат болу қажет.
Үй тапсырмасын орындау ұзақтығы – 2-ден 4 сағатқа дейінгі уақытты құрайды. Өкінішке орай көптеген оқушылар компьютер мен теледидар алдында ұзақ отырады. Теледидар бағдарламаларын ұзақ көрген жағдайда нерв жүйесін қоздырады, көзге үлкен күш түсіреді. Теледидар көру мен компьютермен жұмыста 14 жасқа дейінгілер күніне 1 сағат, ал 14-16 жастағылар күніне 2 сағат отыру қажет.
Жасөспірім өмірінде ұйқының маңызы зор. 13-17 жастағылар үшін 8 сағаттық ұйқы қажет. Дұрыс ұйықтамаса да 1-нші 2 сабақтан кейін жұмысқа қабілеттілігі төмендейді. Нерв жүйесіне кері әсер етеді де, бала ескертуге ауыр қарайды, енжар болады.
Ата-аналарға жасөпірімдермен қарым - қатынасына 10 кеңес
-Бұл шақта балалар өз ата-анасының өмірін бағалай бастайды.
-Сіздің баламен өзара қатынасыңызда ең бастысы – өзара түсіністік.
-Таңдандырыңыз – есте қалады! Әсер қалдырыңыз.
-Баланың денсаулығына көңіл бөліңіз.
-Баламен аптасына көбірек уақытты бірге өткізу қажет
-Баламен әңгімеде ата-ананың кейбір тақырыптардан қашуы бұл тыйым салынған деген ойға әкеледі.
-Жасөспірімдерді отбасы проблемасынан қорғамаңыз.
-Егер сіз тәрбиелеуде қате жіберсеңіз, онда сізге қиын болады.
-Егер сіз бала өміріне қатысты сұрақта олардың пікірін елемегендіктен, сіз өзіңіздің дұрыс емес екеніңізді түсінсеңіз, онда бұл жағдайды бірінші өзіне, содан соң балаға айтудан қорықпаңыз.
Қорыта айтсақ, қазіргі жастар тіпті жаңаша жағдайда өмір сүруде, жоғары буын оны біледі де. ХХІ ғасырда өмір сүрудің дайын сызбасы да жоқ және тіпті болуы мүмкін емес. Сондықтан қазіргі жастардың құндылықтары қандай болса, олардың және қоғамның болашағы да соған байланысты, сондықтан мәңгілік бар және бола беретін қоғамдық пайдалы құндылықтарды бойға сіңіруіміз керек. Ал жастарға сенбеу – өз болашағымызға сенбеуді білдіреді.
Жасөспірімнің бос уақытын ұйымдастыруда ата-ана ретінде біріккен демалысты ұмытпаңыз. Жасөспірімнің проблемасына үңіліп, онымен ересек адамдарша сөйлесіңіз, пікірін құрметтеңіз. Жасөспірімді тыңдай отырып, оның бет әлпетімен, жестін талдаңыз. Кейде жасөспірім бәрі жақсы дей салады, бірақ дауысымен көздері басқаша екенін айтады. Есте сақтаңыз: егер баланы отбасында жақсы көріп оны түсінсе, онда ол үйден кеткісі және қыдырғысы да келмейді.
