Ата-аналарға арналған тренинг

Ата-аналармен бірлесе...

«Баланың жақсысы қызық-жаманы күйік»

(ата-аналармен дөңгелек үстел)

Ата-аналармен бірлесе...

«Баланың жақсысы-қызық,жаманы-күйік»

(ата-аналармен дөңгелек үстел)

Бөлме ішінде дөңгелек үстел жасаулы

Тақтада: «Ағаштан ағаш рең алады,адамнан адам тәлім алады» атты ұлағатты сөз жазылған.

Жүргізуші:

-Сәлеметсіздер ме, құрметті ат-аналар!

Бүгін біз сіздермен бала тәрбиесі жөнінде ой бөлісу мақсатында бүлдіршіндерімізді ортаға алып, жиналып отырмыз.

«Ағаштан ағаш рең алады, адамнан адам тәлім алады» демекшіәрбір ата-ана өз баласыныңтәрбиелі де рухани азығы мол азамат болып өсуін тілейді. Балаға тәрбиені кім береді?Әрине біз,үлкендерміз.Кім өз баласын жамандыққа қияды? «Өзіміз өмірге не қоссақ, өмірден соны ғана табамыз» деп текке айтылмаған ғой.

Ал енді, рұхсат етсеңіздер, мына сахналау көрінісіне назар аударайық.

Сахналау: «Мейірбан»

«Үйге апасы кіріп,Мақсатқа:

-Дүкенде алма сатылып жатыр екек, сен барып кезекке тұра берші, мен қазір барамын.,- дейді.

Мақсат велосипедімен зымырап отырып,дүкенге тез жетті. Алушылар көп екен.Мақсат кезекке тұрады.

Мақсаттың кезегі жете бергенде ,кенет сатушы кезекте тұрған жұрт қа:

-Жолдастар, алма бітті.Мына баладан кейінгілеріңіз тұрмай-ақ қойыңыздар!,-деді. Кезектегілер өкініш сөздерін айтып,тарай бастайды.Қолында дорбасы бар бір кемпір алға ұмтылып:

-Шырағым, алмаң бітіп қалды ма? Қаладан немерем келуші еді, соған біраз тауып берші,-деп сатушығ қинала қарады.

-Жоқ шешей, бітіп қалды,- деді сатушы қалған алманы Мақсатқа өлшеп жатып. Мақсат таразыдағы алмаға бір, кемпірге бір қарап қояды. Кенет ол:

-Әже, мына алманы сіз ала қойыңыз,мен папма бәрін түсіндіріп айтам,ол ұрыспайды,алыңыз,- деді.

-Ой,өркенің өссін. Көп жаса, не деген мейірімді едің?...Рахмет айналайын!..-деп алғысын жаудырды.

Мақсат кетуге ыңғайлана беріп,артына бұрылса,апасы тұр екен. Бала сасқалақтап қалды да:

-Білесің бе,апа...,-дей бергенде анасы оның сөзін бөліп:

-Білем,білем,балам,айтпай-ақ қой. Тек,әрқашанда осындай бол! ,-деді күлімсі реп.

Ой бөлісу сәті

Ата-аналарға сұрақ:

1.Әңгімеден не түсіндіңіздер?

2.Бұл әңгіменің қандай тәрбиелік мәні бар деп ойлайсыз?

Жүргізуші:

-«Өнерлі бала-өрге жүзеді»,-дегендей,балаларымыздың өнерін тамашалайық.

Ән: «Бақытты баламыз»

Тақпақтар

1. Мейірімді,сымбатты,

Қадірменді,қымбатты.

Ең жақын жан балаға,Кім десеңдер,

Ол-АНА!

2. Асыр салса немерелер,

Азан-қазан тайраңдап кеп.

Әжелері еміренер,

«Құдай бере салғандар»,- деп.

3. Әлпештеген анам қымбат,

Еркелеткен анам қымбат.

Еркелеткен інім қымбат,

Көңілімдегі көкем қымбат.

Ойын: «Танып ата»

Шарты: Ата-аналар мен балалар бір-біріне қарама-қарсы тұрады. Бір ата-ана көзі жұмулы күйінде сипалау арқылы өз баласын тауып алуы қажет.

Жүргізуші:

-Ал, енді құрметті қонақтар, мына сахналауға назар аударыңыздар.

Сахналау: «Қымбат машина»

«Бірде әкесі Аманға жаңа ойыншық сатып әкеліп берді де:«Сындырушы

болма,қымбатқа сатып алдым»-,дейді.Қандай ойыншық десейші. Қара бояуы жалтылдаған әдемі машина. Келесі күні Аман жаңа ойыншығын құшақтап аулаға шықты.

Сыртта оны Рахат,Қанат,Қали,Мұса қоршап алды.

-Қараңдаршы,Папам әперді!-Аман машинасын құшағынан шығармай мақтана сөйледі.

-Әкелші көрейік...

-Бере тұршы,жүре ме екен?

-Қандай әдемі, кел ойнайық.

Аман ойыншығын қапсыра құшақтап, оларға бермей қойды.

Әрі-беріден соң Рахат та,Қанат та, Қали да, Мұса да өз беттерімен ойнап кетті.

Аман ойыншықты үйге әкеліп,төсегінің астына қойды да,сыртқа шықты. Қараса,балалар өздерінше арық қазып ойнап жүр екен. Аман қызығып,жүгіріп қастарына жүгіріп келді.

-Мен де ойнайыншы!

Ал балалар болса үндемей, ойындарын жалғастыра берді.

Ой бөлісу сәті

Ата-аналарға сұрақ:

1.Көріністен не түсіндіңіздер?

2. Кім қателік жіберді деп ойлайсыздар?

3. Аман кінәлі ме?

4. Аманның әкесінің орнында сіздер қайтер едіңіздер?

Ата-аналарған тест: «Сіз қандай ата-анасыз?»

Балалармен шығармашылық тапсырма: «Ең жақын туысыма сыйлық»

Баяу әуен арқылы балалар ең жақын туысына дегенсыйлықтарын қағаз бетіне түсіріп, сыйға тартады.

Дөңгелек үстел соңы ата-аналар мен балалар әнімен аяқталады.