«Мамандық таңдауда қателесуге бола ма?»

Қаныш Сатпаев атындағы жалпы орта білім беретін мектепте 11 сынып оқушыларына арналған «Мамандық таңдауда қателесуге бола ма?» атты психологиялық тренинг өткізілді.

Мақсаты: Мамандық таңдауда жауапкершілікті қалыптастыру. Оқушының кәсіби бағдарының табандылығн анықтау, психологиялық дайындығы мен қиындықтан шығу шеберлігін шыңдау

Кіріспе сөз:Мектеп- психологі Шарипходжаева Алия Бейсембекқызы оқыды. Ісім оңсын десеңіз,

Сол істің маманы болыңыз

Даңқым шықсын десеңіз,

Көпшіліктің адамы болыңыз -деп Әл- Фараби бабамыз айтқандай, мамандық таңдау жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады. Мамандықтың жаманы жоқ, бірақ мұның кез- келгеніне икемділік қажет, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе.

Кейбір жастар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық, реніш сезімдері болып, тіпті алдарына жоспар да құрғысы келмейді. Әрбір адам өзін- өзі дамыта алу үшін білім алып, сол біліміне сай мамандыққа машықтану керек.

Біздің мақсатымыз- оқушылардың кәсіптік қалыптасуымен байланысты өмір туралы, әлеуметтік құндықлықтар туралы танымдылығына психологиялық- педагогикалық көмек көрсету деп кіріспе сөзін аяқтады. «Кім көбірек мамандықты атайды?» жаттығуы әрі қарай сөзін сабақтады. Барлық қатысушылар шеңбер құрып тұрады. Олар бір- біріне доп лақтыру арқылы мамандық түрлерін айтады. Кім де кім көп мамандық атаса сол жеңіске жетеді. Оқушылар өздерінің сүйікті мамандарын атап шықты.Әрі қарай жаттығу ережесімен таныстырылды. Қол- мидың жалғасы. Ақ қағаз таратылады.

Сан алуан мамандық бар. Ал, біздің табиғи бейімділігімізге үңілейік:

Алақан бойынша мамандық саласын анықтау. Саусақтарымызды кеңірек ашып, ақ параққа алақанымызды түсірейік. Бас бармақпен шынашақтың ортасын О нүктесімен белгілеп, әрбір саусаққа түзу сызық жүргіземіз. О нүктесін білезіктің оң жақ, сол жақтарын да қамтимыз. Осы жүргізілген сызба бөліктерін сызғышпен өлшеп шығарыңыз.

Ғалымдардың зерттеулері бойынша мамандықтар ортақ белгілеріне қарай 4 деңгейге тоқталған.

1. Басқарушылар;

2. Сақтаушы- қорғаушылар;

3. Қаржыгерлер- дәрігерлер;

4. Қажырлы еңбек иелері.

Оқушыларға өте көңілді болды саусақ бойынша жаттығуды қортындылады,шешіміне риза болып өз ойларымен бөлісті.