Маңғыстау облысы Мұнайлы ауданы
№11 жалпы орта мектебі
Педагог-психолог: Балымбетова А.С.
Әлеуметік желідегі «Синий кит, тихий дом» атты келеңсіздіктердің алдын алу және одан арылу жолында ата-аналарға психологиялық кеңес
Бүгінгі таңда жастарды суицидке итермелейтін ойындар әлеуметтік желілер арқылы Қазақстанда кеңінен насихатталуда.
«Көк кит» дегеніміз не?
«Көк кит» дегеніміз – суицид жасаушылардың символы екен. Себебі көк киттер көбіне теңіздің жағаларына шығып қалып, өздерін өлтіріп алады дейді.
Бірінші ойын – «Синий кит» деп аталады. Әлеуметтік желіде тараған ақпаратқа сәйкес, ойын 50 тапсырмадан тұрады. Ең соңында оқушы өз-өзіне қол жұмсауы керек. Егер олай істемесе, ойынның бақылаушылары оларды «Ата-анаңды өлтіреміз» деп қорқыта бастайды.
Баланы бұл бәледен қалай құтқарамыз?
- 18-20 жасқа толмаған балаларыңызды үйде немесе интернетпен жалғыз қалдырмаңыздар. Мектептегі, сабақтағы жағдайын күнде сұрап, балаларыңызбен жақын дос болыңыздар. Сырласып, бүкіл іс-әрекетін, мінез-құлқын бақылап жүріңіз.
- Балаларыңызға ескертіңіздер «Вконтакте» деген сайтты қолданбасын. Қолданған жағдайда да қандай топтар мен пабликтерге жазылғанын, қандай фотолар, картиналармен бөлісетінін тексеріп тұрыңыздар.
- Түнде қай уақытта ұйықтап, таңертең қай уақытта тұратынын бақылауда ұстаңыз. Түнде жатпас бұрын интернетін өшіріп тастаңыз, телефонды пайдаланбаса да, көп нарсе жоғалтпайды. Оның орнына балаңызбен бірге шахмат, шашка ойнап, журнал, кітап оқыңыздар.
- Ең бастысы балаға ұрыспай, көбірек араласау керек. Бүкіл ойларын, арман-мақсаттарын ата-анасымен бөлісу керек. Сонда ешқандай көк киттер баланы азғырмайды.
- Интернетті орнымен дұрыс пайдалансаң – жақсы мүмкіндік, орынсыз мақсатсыз, күні- түні пайдалана берсең – қауіпті құрал.
- Оқушылармен жасалған психологиялық жұмыстар нәтижесінде оқушылардың басым бөлігі “Синиий кит, тихий дом” парақшаларына қызығушылықпен, не “Сынап көрейінші не болар екен” деген балалықпен кіретіні анықталып отыр.
- Отбасында үнемі дау-жанжал немесе, жеке басының мәселесі бар оқушылар осындай жағдайда осы парақшаларға қызығып өз өмірлерін қиғысы келетін ойлары да бар екенін жасырмауға болады. Сондықтанда балаңызбен авторитарлы тұрғыда емес, демократиялы тұрғыда қарым-қатынас жасап балаңыздың ішкі ойын білуге тырысыңыздар.
- Егер біз бұнымен қоғам болып бірге күрессек, барлық мәселердің алдын алуға болатынына сенемін.
Педагог-психолог: Балымбетова А.С.
