"Ата-ананы? аялы ала?аны", семинар-тренинг

Ата - ананың аялы алақаны

(ата-аналарға арналған семинар-тренинг)

Мақсаты: қазіргі кездегі баланың дамуына, жеке тұлға боп қалыптасуына ата-ана тәрбиесінің әдіс-тәсілдерін жетілдіре отырып, қарым-қатынас орнату.

1.Ата-аналар арасындағы жағымды қарым-қатынасты орнату

2.Жанұядағы тәрбие жайында пікір алмасу

3.Ішкі сезінуді түсіну.

Тапсырма:

I бөлім:

а) сурет салу семинар басындағы көңіл-күйін табиғатпен байланыстыра салу (3-4 минут жай әуен ойналады.)

II бөлім: Қызықты сұрақтар:

1. Балаңыздың туған күні

2. Сынып жетекшісінің толық аты-жөні

3. Балаңыз қандай өлшемді аяқ киім киеді

4. Балаңыздың парталас көршісі кім?

5. Бүгін сабақтан қандай баға алды?

6. Балаңызыдың сүйікті асы қандай?

7. Балаңыз қандай түсті жақсы көреді?

8. Балаңыз спорттың қандай түрін жақсы көреді?

9. Балаңыз 1-сыныпқа қай жылы барды?

10. Балаңызды еркелетіп қандай сөз айтасыз?

11. Балаңыз сізді ренжіткенді , ең алдымен, қандай сөз аузыңызға түседі?

12.Балаңыздың досы бар ма?

13. Киім алғанда балаңыздың пікірімен санасасыз ба?

14. Балаңыз қамыққан уақытта қандай жылы сөздер айтып көңілін басасыз?

III бөлім: Баланы жастан бақпасаң,

Жамандықтан қақапасаң.

Қадірден жұрдай қасқа боп,

Кешкенің өмір босқа тек.

Ата-ана мен бала арасындағы қарым-қатынасты анықтау.(тест)

Мақсаты: Ата- анамен мен оқушы арасындағы қарым-қатынасты анықтау.

1. Кез-келген өзіңіздің ісіңізді тастай салып баламенен айналыса аласыз ба?

2. Баланың жасын ескермей онымен ақылдаса аласын ба?

3. Балаңызбен қарым-қатынас барысында жасалған қателіктеріңді мойындай аласын ба?

4. Өзіңіздің қателігіңіз үшін балаңыздан кешірім сұрайсыз ба?

5. Балаңыздың ісі ашу шақырған жағдайдың өзінде өзіңізді ұстай аласыз ба?

6. Баланың орнына өзіңізді қоя аласыз ба?

7. Бір сәт сізге мейірімді адам деп сенуге бола ма?

8. Өзіңіздің балалық шағыңыздан ескеретіндей бір жағдай айта аласын ба?

9. Балаңыздың жүрегін жаралайтын сөздерді, сөйлем тіркестерін атамауға тырысасыз ба?

10. Балаңызға уәде беріп, жақсы мінезін ескере отырып уәдеңізді орындайсыз ба?

11. Балаға өз қалаған ісін орындауға ,еркін ұстауға бір күн уақыт бересің бе?

12. Басқа бала сіздің балаңызға дөрекілік көрсетсе, себепсіз ренжітсе, көңіл аудармайсыз ба?

Қорытынды:

0-19 балл. Бала тәрбиесі сіз үшін үлкен проблема. Бала тәрбиесін дұрыс қалыптастыру педегог және психолог мамандардың көмегіне сүйеніңіз.

20-29 балл. Сіз үшін балаға қамқорлық жасау бірінші кезектегі маңызды іс. Сіз кейде қатал, кейде тым жұмсақсыз. Сізге жауапкершілікпен ойлану керек.

30-36 балл. Бала сіздің өміріңіз үшін ең құнды. Сіз балаңызды жақсы түсініп , сыйласа аласыз.

IV бөлім: «Жолсерік» жаттығуы

Мақсаты: Интуитивті түйсіну.

Метрода немесе автобуста көршіңізге жайлап қараңыз. Оның киіміне, түріне, позасына қараңыз. Оның қайда жұмыс жасайтынын, мінезін, қайда тұратынын ойлаңыз. Оның жасын анықтауға тырысыңыз. Оның көңіл-күйін сезініңіз.

Адамға қатты қарауға болмайды. Адамға бір қарап оның психологиялық ерекшеліктерін анықтауға тырысыңыз. Сол кезде сіз адамды тануда көп қарау керек еместігін де түсінесіз. Бірінші интуитивті түйсіну дұрыс болуы мүмкін. Тек сіз бұл түйсінуге сене білуіңіз керек.

V бөлім: Қимыл-қозғалыс жаттығуы

Қимыл-қозғалыс арқылы жауап беру

1. Газет бетіндегі мақалалардан, теледидардағы бағдарламадан тәрбиеге байланысты сұрақтарды тыңдап, қарап жүресіз бе?

«иә» десеңіздер – қолдарыңызды шапалақтаңыз;

«жоқ» десеңіздер – аяқтарыңызды тарсылдатыңыздар.

1. Балаға тәрбие беру кезінде үйде ата-ана бірдей ықпал жасай ма?

• егер «жанұя» десеңіздер жымиңыз

• егер «әке» десеңіздер, қолды алдымызға созамыз

• егер «қоршаағн орта, қоғам» десеңіздер қолды алдымызға созамыз

1. Бала тәрбиелеу жауапкершілігі кімде деп ойлайсыз?

• егер «әке» десеңіздер, қолды алдымызға созамыз.

• егер «шеше» десеңіздер, жымиыңыз.

• егер «екеуі» десеңіздер, қолдарыңызды шапалақтаңыз

VI бөлім: Рефлексия. Ой жинақтау, қорытынды.

Бір жағы желімді қағаз жапырақ таратылып әркім семинардан алған әсерлерін, өз ойларын, пікірлерін жазып, плакаттағы ағашқа жабыстырады.

Сабаққа қатысушылар алған әсерлері туралы ой-пікірлерін білдіреді. Құрметті ата аналар, ой бөлісіп белсене араласқандарыңыз үшін сіздерге көп-көп рахмет айтамын.

Сіздермен тренинг сабақ жүргізген Елубаева Ақбаян Оралбайқызы