«Жұлдыздар» ересек тобының ашық сабақ тақырыбы: «ЖАНУАРЛАР ӘЛЕМІ»

«Петровка жалпы білім беру орта мектебі» КММ

«Жұлдыздар» ересек тобының

ашық сабақ тақырыбы:

«ЖАНУАРЛАР ӘЛЕМІ»

Дайындаған қазақ тілі мұғалімі:

Маканова Айнұр Даулетовна

2019 – 2020 ж.ж.

Мерзімі: 12.02.2020 ж.

Білім беру саласы: «Коммуникация»

Бөлімі: «Қазақ тілі»

Тақырыбы: ЖАНУАРЛАР ӘЛЕМІ.

Мақсаты:

1.Білімділік: Балаларға жануарлар жайлы мәліметтер беріп,қазақша атауларымен таныстырып ,үйрету.

2.Дамытушылық: Балалардың тілін,ойлау қабілетін дамыта отырып жануарлар туралы түсініктерін кеңейту..

3.Тәрбиелік: Жануарларды қорғап,аялай білуге,табиғатты сүюге тәрбиелеу.

Көрнекіліктер: Жануарлардың суреті,сиқырлы сандық,ойыншықтар.

Билингвалды компоненті: животные-жануарлар,үй жануарлары-домашние животные,жабайы жануарлар-дикие животные.

Ұйымдастыру кезеңі

1. Кіріспе бөлім:

-Сәлеметсіңдер ме, балалар!

Мен сендерді көргеніме қуаныштымын.

-Балалар қараңдаршы, бүгін бізге көп қонақтар келіпті.Олай болса шеңбер құрып амандасайық.

Шаттық шеңбер:

-Сәлем, саған Алтын-Күн!

-Сәлем, саған Көк-Аспан!

-Сәлем, саған Жер-Ана!

-Сәлем, саған,достарым!

-Сәлеметсиздер ме, қонақтар!

-Қане, балалар сабағымызды бастайық.

II. Жаңа оқу іс-әрекеті:

-Балалар тақтаға қарайықшы, сендер қандай сурет көріп тұрсыңдар?

(Балалар жауап береді.)

-Дұрыс айтасыңдар, жануарлардың суретін көріп тұрмыз.

Жануарлар екіге бөлінеді:үй жануарлары және жабайы жануарлар. Үй жануарларына: сиыр-корова, қой-баран, ешкі-коза, түйе-верблюд, ат-лошадь, мысық-кошка, ит-собака т.б.

-Үй жануарлар қайда өмір сүреді?

-Олардың қандай пайдасы бар?

- Үй жануарлары адамдардың қол астында өмір сүреді.Үй жануарлардың бізге берер пайдасы өте көп. Мысалы: ет,айран,сүт, ірімшік,құрт т.б бізге жануарлар береді. Ал, үстімізге киетін киім-кешектерді де біз жануарлардан аламыз.

Жабайы жануарларына: аю-медведь,қасқыр-волк,түлкі-лиса, арыстан-лев т.б.Олар орманда өмір сүреді.

Тіл жаттығуы:

-уар,-уар-жануар,

-ой,-ой –қой,

-ыр,-ыр-сиыр,

-ю,-ю-аю,

-кі,-кі-түлкі,

-қыр,-қыр-қасқыр (Балалар мұғаліммен қайталайды).

-Балалар, бір дыбыс естіп тұрсыңдар ма? Есік қағып тұрған сияқты. (Ішке сандық кіргізіледі)

-Балалар, бұл сиқырлы сандық қой.Ішінде не бар екенін көрейікші.

Сандық ішінде тапсырмалар бар екен.

1-тапсырма. Үстелдің үстіндегі жануарлардан үй жануарларын бір бөлек, жабайы жануарларды бір бөлек орналастырыңдар. (Тұратын мекенін табу)

Сергіту сәті: Ал,балалар, тұрайық,

Алақанды ұрайық.

Оңға қарай бұрылып,

Бір отырып, бір тұрып,

Бой сергітіп алайық.

2-тапсырма.Дидактикалық ойын «Бұл кай жануар?»(Аудио дыбыс)

3-тапсырма. Дидактикалық ойын: «Жұмбақ-сурет»

Қорытынды:

-Балалар, қандай жануарлармен таныстық?Қандай жануарлардың атауларын білесіңдер?Олар қайда өмір сүреді?(Балалар жауап береді)

Сыйлық тарату.

Мадақтау.