Жемістер мен к?к?ністер 3-сынып

Сабақтың тақырыбы: Жемістер мен көкөністер

Сабақтың мақсаты:

1. Білімділік: Оқушыларды қоғамдық орындарда қарым- қатынас жасай білуге үйрету.

2. Дамытушылық: Оқушылардың сөйлеу тілдерін, ойлау қабілеттерін дамыту. Теориялық білімдерін тәжірибе жүзінде қолдануға үйрету.

3. Тәрбиелік: Еңбексүйгіштікке, жеміс ағаштарын күтіп баптауға, қоршаған ортаны қорғауға тәрбиелеу.

Көрнекіліктер: суреттер, слайдтар, мәтін, жемістер мен көкөністер.

Әдіс- тәсілдер: сұрақ- жауап, ойын, талдау-жинақтау, әңгімелеу.

Пән аралық байланыс: орыс тілі, дүниетану

Сабақтың барысы:

1. Ұйымдастыру кезеңі:

(Жемістер қимасы арқылы оқушыларды топқа бөлу)

А) Оқушылармен амандасу

Ә)Кезекшімен сөйлесу

Б)Оқушыларды сабаққа бейімдеу

1. Үй тапсырмасын тексеру

2. Жаңа сабақ

1. Үй жұмысын тексеру

Үй жұмысын « Жеңімпаз» ойыны арқылы сұрау:

• Балалар мен сендерге өткен сабақтағы жаңа сөздерді орысша айтамын, ал сендер қазақша баламасын табасыңдар. Кім көп жауап берсе, сол «Жеңімпаз» аталады.

• Грамматикалық тақырыптарды еске түсіру:

• Қазақ тілінде неше тән дыбыс бар?

• Жалғаудың неше түрі бар?

• Неше септік бар?

Өткен сабақ пен жаңа сабақты ұштастыру:

• Балалар ас, тағам туралы мақал- мәтелдер дайындадыңдар?

• Нан туралы қандай тақпақ жаттадық?

• Кім айтады? (бір оқушыдан нан туралы тақпақты сұрау)

Жаңа тақырыпқа көшу:

• Ас атасы- нан бұл мақалдың мағынасын қалай түсінесіңдер?........

• Ендеше балалар, мені мұқият тыңдаңдар!

• Мен сендерге тақпақ оқып берейін :

Апаң сенің базардан,

Алма сатып әкелді.

Ең үлкенін, дәмдісін,

Саған таңдап әперді.

Не деп барып жеу керек?

«Рахмет!» сізге деу керек.

• Балалар, ендеше біздің бүгінгі жаңа тақырыбымыз: «Жемістер мен көкөністер»

Жаңа сөздер: дәрумендер – витамины

өседі – растёт

жинаймыз- собираем

жемістер- фрукты

көкөністер- овощи

орамжапырақ- капуста

сәбіз- морковь

қызылша- свекла

пияз-лук

1. Жаңа сөздерді оқу, сөзтіркестерін, сөйлем құрастыру.

Мәтінмен жұмыс:

Алма, өрік, алмұрт жемістерге жатады. Өйткені олар ағашта өседі. Жемістер мен көкөністердің құрамында дәрумендер көп. Олар денсаулыққа пайдалы. Мен алманы жақсы көремін. Інім жүзім мен құлпынайды жақсы көреді. Анам көкөністерден дәмді тағам пісірді.

А )мәтінді түсініп оқу.

Ә)мәтін бойынша сұрақтарға жауап беру.

Б) мәтін бойынша слайдтарды көрсету.

Ойын ойнау: табақшадағы жемістер мен көкөністерді оқушылар көздерін жауып пішініне қарап ажыратады.

Тапсырмалармен жұмыс:

163- бет, 3-тапсырманы дәптерлеріне жазбаша орындайды.

Грамматикалық тапсырма:

1.Мәтіндегі дәрумен сөзіне фонетикалық талдау жасау.

2. Пісіру сөзіне жіктік жалғауын жалғау.

Топтық жұмыс жасау:

1-топ.Сурет бойынша шағын мәтін құрастыру.

2-топ. Сатушы мен сатып алушының арасындағы диалог.

3-топ. Сурет бойынша сұрақ –жауап құрастыру.

Сабақты қорытындылау:

Жемістер мен көкөністердің пайдасы мен зиянына тоқталу:

- +

Сабақты бағалау, оқушыларды мадақтау

Үйге тапсырма: өзіне ұнаған жемістің суретін салу, жемістердің пайдасы мен зияны туралы мағлұматтар жинау.