«Ұрпаққа берген ұлағатты тәрбие- Мәңгілік елдің кепілі»

№ 5мектеп-лицей

Ұрпаққа берген ұлағатты тәрбие-

Мәңгілік елдің кепілі

Өткізген: А.С.Ешмұханова

Сынып: 8 «Г»

2018жыл

Күні:01.09.2018 8-сынып

Тақырыбы: «Ұрпаққа берген ұлағатты тәрбие-Мәңгілік елдің кепілі »

Мақсаты: Оқушыларға  «Қазақстан -2050» стратегиясының маңызы мен мақсатын түсіндіру арқылы Мәңгілік Ел-идеясының маңызын түсіндіру;

-Рухани жаңғыруды сипаттау және патриоттық сананы ынталандыратын ұлттық құндылықтарды жаңғырту;
-Оқушылардың бойында ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру.

Барысы:

«Жаңа жағдайда жаңғыруға деген ішкі

ұмтылыс-біздің дамуымыздың ең

басты қағидасы. Өмір сүру үшін

өзгере білу керек»

Н.Ә.Назарбаев

Қазақстан Республикасының Президенті Н.Назарбаевтың «Болашаққа бағдар: рухани жаңғыру» атты мақаласы мазмұны мен мәні аса терең тарихи құжат. Күрмеуі қиын ,бірақ мейілінше өзекті әрі көкейісті міндетті шешу тетіктерінің ең негізгісі ретінде, Елбасы өз мақаласында бүкіл қоғамның рухани жаңғыруы қажет екендігін атап өтіп, оны жүзеге асырудың 6 бағытын ұсынып отыр. Рухани Жаңғырудың негізгі іргестасы ол –ұлттық кодты сақтай білу, онсыз жаңғыру деген құр жаңғырыққа айналады,-деді өз мақаласында Президент.Біздің пайымдауымызша, халқымыздың ұлттық коды- ол қазақтың тілі, ділі, діні, материалдық және рухани мәдениеті мен салт-дәстүрлері және әдет ғұрыптары. Міне, осылар топтаса келе, қазақ халқының ұлттық менталитетін құрайды.Кез келген елдің Үшінші жаңғыру барысында нығая түсетін ұлттық рух, Президент ұсынған Мәңгілік ел идеологиясын қалыптастырудың негізгі кепілі. Сондықтан да бұл идеологияның арқауы, халқымыздың ғасырлар бойы қалыптасып, бізге мұра болып жеткен салт-дәстүрлеріміз бен әдет-ғұрыптарымыз болу керек деп санаймыз.Дана халқымызда «дәстүрдің озығы бар,тозығы бар» деген ұлағатты сөз.Сондықтан да озығын аламыз, тозығын тастаймыз.Рухани жаңғыру дегеннің өзі міне,осы. Салт-дәстүрлер мен әдет-ғұрыптар халқымыздың, әсіресе, өскелең ұрпақтың моралдық болмысын қалыптастыратын аса құнды қазына.Оларды ұмыт қалдыру, орны толмас зардаптарға әкеп соғады.Осы орайда күнделікті өмірімізде орын алып отырған бірді-екілі келеңсіз құбылыстарға тоқтала кетсек. Қазақтың салт-дәстүрінен туындаған мол қағидаттарының ішіндегі ең бастысы, перзентінің өзіне өмір сыйлаған ата-анасының алдындағы парызы мен қарызын, яғни борышын өтеуін айтамыз. «Үлкенге құрмет, кішіге ізет, ата-анаға қошемет» деп тәрбиелеген қазақ халқының барлық ұл-қыздары осы қағиданы мүлтіксіз орындап жүр деп айта аламыз ба? Қайдам, күмәніміз бар. Мың өліп, мың тіріліп, небір қайғылы зобалаң оқиғаларды бастан кешкен қазақ қоғамында бұрын-соңды ешқашан қарттар үйі болмаған. Әке-шешеге бейәдептілік көрсету, қол көтеру барып тұрған көргенсіздік.Тіпті Тәуке ханның Жеті жарғысында мұндай сорақылықтарға заң жүзінде тыйым салып. Тиісті жазалау шаралары қарастырылған.Ата-анаға деген сүйіспеншілік сезім ән мен күй,термелерге арқау болған.Кешегі өткен қазақ музыка өнерінің нағыз жұлдыздары Шәмші мен Нұрғисаның «Ана туралы жыр», «Әкеме» деген әндерін алайықшы. Өне бойы тұнып тұрған тәрбие мен тағылым. Ата-анасын ардақтап сыйламаған ұрпақтан Отанның шынайы патриоты шығады дегеніміз бос сөз, құрғақ қиял. Еліміздің рухани жаңғыруындағы ерекше орын алуы тиіс мәселе-бұл қазақ қызының бүгінгі таңдағы моралдық болмысы мен келбеті. Қазақ халқы ежелден өз қыздарын ерекше қастерлеп құрметтеген. Тәуелсіздік жылдарында саяси-экономикалық, әлеуметтік салаларда алынған асулар мен бағындырған белестер аз болған жоқ.Десек те, рухани өмірімізде көңілге кірбің ұялататын кемшіліктер жоқ емес.Сондықтан бүкіл қоғам болып жастарға тәлім-тәрбие беру жұмысындағы ата-бабадан қалған салт-дәстүрлер мен әдет-ғұрыптарды жеделдете жаңғырту қажет.Сөз соңында айтарымыз, халқымыздың салт-дәстүрлері мен әдет-ғұрыптары-қазақ халқының кесікн-келбеті, болмыс-бітімі. Рухани жаңғыруымыздың ең тиімді тетігі.Ғасырларға созылған тарихымыздың айнасы. Сондықтан біз оларды жадымыздын шығармай жаңғыртайық. «Өткенге топырақ шашпа, Оқушыларға  «Қазақстан -2050» стратегиясының маңызы мен мақсатын түсіндіру арқылы Мәңгілік Ел-идеясының маңызын түсіну, Отанын сүюге, бірлікке, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға, елімізді өркендетуге білімді ұрпақ болуға тәрбиелеу.

Оқушыларға  «Қазақстан -2050» стратегиясының маңызы мен мақсатын түсіндіру арқылы Мәңгілік Ел-идеясының маңызын түсіну, Отанын сүюге, бірлікке, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға, елімізді өркендетуге білімді ұрпақ болуға тәрбиелеу.

шашсаң болашақ саған тас атады» деген ата-баба өсиетін әрдайым есте ұстайық.

Қорытынды

Аталмыш бағыттардың бәрі барынша өзектендірілген және уақыттың талаптарына нақты жауап береді. «Мәңгілік ел» болуымыз үшін бізге ауадай қажетті қасиеттер мен құндылықтардың қайнары тоғысып, ақыл-парасаты толысқан, ғаламдық ғылымды игерген адамдар көп болса, еліміз өркениетті, бәсекеге қабілетті болатыны ақиқат. «Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады… Сондықтан, әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы, компьютерлік сауаттылық, шет тілдерін білу, мәдени ашықтық сияқты факторлар әркімнің алға басуына сөзсіз қажетті алғышарттардың санатында. Сол себепті, «Цифрлы Қазақстан», «Үш тілде білім беру», «Мәдени және конфессияаралық келісім» сияқты бағдарламалар – ұлтымызды, яғни барша қазақстандықтарды ХХІ ғасырдың талаптарына даярлаудың қамы», – деп ашып көрсетеді. Бәсекеге қабілеттілік саясат пен экономикада, білім, ғылымда, технологияда, яғни барлық салада болуы тиіс.

«Рухани жаңғыру - дәуір талабына сай жаңғыру»

«Рухани жаңғыру - әлемдегі ең дамыған 30 елдің қатарына қосылу»

«Рухани жаңғыру – табысты ел болуымыздың кепілі»

«Рухани жаңғыру – ұлттық сана-сезімнің көкжиегін кеңейту»