Урок развития речи
по крымскотатарскому языку
класс
Къырымтатар тили
боюнджа 6 –нджы сыныф ичюн дерс конспекти
Дерснинъ мевзусы: Нутукъ инкишафы дерси
«Китап-бильги чокърагъыдыр»
Дерснинъ макъсадлары:
-китап акъкъында бильгилерни арттырмакъ;
-мустакъиль чалышув къабилиетлерини инкишаф эттирмек;
-тиль севиелерини арттырмакъ;
-идракъ фааллигилерни инкишаф этмек;
-китапларгъа меракъ ве севги ашламакъ
Дерснинъ донатылувы:
Компьютер, мультимедиа проекторы ве тахтасы , презентация,
« языджылар» ве «шаирлер» группаларнынъ адлары язылгъан карточкалар.
Дерснинъ эпиграфы:
Китап -медениетнинъ энъ буюк къазанчыдыр.
Дерснинъ кетишааты
I Тешкилий къысым: Селямлашув. Фронталь сорав:
- Бугунь айнынъ къачынджы куню?
- Афтанынъ къайсы куню?
-Шимди насыл йыл мевсими?
-Бугуньки ава акъкъында не айта билесинъиз? (Ава насыл?)
II Эв ишини тешкерюв ве онынъ нетиджесини чыкъарув.
III Мевзу узеринде чалышув :
Слайд №1 Балалар, бирильген эпиграфыны окъунъыз. Дерсимизде не акъкъында сёз юрьсетеджекмиз?
Дерсимизнинъ мевзусы «Китап –бильги чокърагъыдыр».
Слайд №2. Китапнынъ илюстрациясы.
Оджанынъ сёзю . Балалар, китап неден ибарет ола экен? Китап джылты, китапнынъ биринджи саифеси ( титульный лист), форзац, кириш сёз, иллюстрациялар (ресимлер, фоторесимлер) ве мундеридже
Слайд № 3 Лугъат иши.
Аджайип-замечательный
Муджизе-чудо
Инсаниет-человечество
Асыр-век
Битмез-тюкенмез- не искончаемый
Чокъракъ-родник
Дуйгъу – чувство
Пис-отвратительный
Ибрет – поучительный пример
Видждан-совесть
Майышыр - будет гибким
Садыкъ- верный
Раф-полка
Слайд №4.
Оджанынъ сёзю. Асылында китап къайдан кельди?
Китапнынъ аяты орманда башлана. Башта терекни кеселер, сонъра исе фабрикагъа алып келелер. Ишчилер оны пычалар, пиширелер, кягъыт хамыры ясайлар. Сонъра кягъыт хамырны индже ёлакълар этип джаялар, рулонларгъа саралар.Азыр кягъыт нешрияткъа келип тюше. Мында джыюв, басув, джылтлав цехлери бар. Андан китап китапханеге, тюкянгъа, сонъра окъуйджыгъа барып тюше.
Вазифе: Метинде олгъан фииллери тапып, дефтеринъизге кочюрип язынъыз.
Слайд №5. «Кунешчик» усулы. Чифтлерде чалышув.
«Китап» сёзюне уйгъун кельген сыфатларны къошып язынъыз, сёз берикмелери тизинъиз.
Джеваплар бойле ола биле: меракълы китап, мундериджели китап, севимли китап, индже китап, екяне китап, багъышлангъан китап, янъы китап,белли китап, эски китап, керекли китап,
муим китап, эмиетли китап,ренкли китап.
Чифтлерде чалышув.
Берильген метинде «китап» сёзюне тамырдаш сёзлерини кочюрип язынъыз. Келишлерини бельгиленъиз.
Слайд № 6. Китап! Не аджайип сёз! Не аджайип шей! Китап энъ буюк муджизедир, чюнки китапта эр шей акъкъында окъумакъ мумкюн.
Инсаниетнинъ асырлар девамында араштыргъан, топлагъан бильгилери-эписи китапларда сакълыдыр. Сиз неге авесленсенъиз, ненен меракъ-
лансанъыз –эр шейни китаплардан окъуп бильмек мумкюн. Китап битмез-тюкенмез бильги чокърагъыдыр. Инсаннынъ бутюн омюри бою садыкъ досту ве улу оджасыдыр. Медениетли, бильгили адам олмакъ ичюн чокъ китап окъумакъ керек. Севинъиз ве окъунъыз китапны. Рафларынъыз китап толсун. Топланъыз ве сакъланъыз оларны. Сизге эр шейни огретеджек, омюрде догъру ёл косьтереджек – китаптыр.
Командаларнен чалышув
Талебелер 2 командагъа болюнелер:«Языджылар»ве «Шаирлер».
Вазифе. Китап акъкъында насыл аталар сёзлерини билесинъиз. Маналарыны анълатынъыз.
Талебелер рус тилинде де мисаллер кетире билелер.
Джеваплар бойле ола биле:
-Китап-бильги чокърагъыдыр.
-Китап-бильги анахтары.
-Энъ яхшы дост-китаптыр.
-Китап язмакъ-иненен къую къазмакъ.
-Китап-дюньяда энъ буюк муджизедир.
-Говори о том, что в книге есть,
А не о том, чего в ней нет.
- Кто много читает, тот много знает.
- Книги не говорят, а правду сказывают.
7. Вазифе. Китап акъкъында насыл тапмаджаларны билесинъиз?
Джеваплар бойле ола биле:
Къат-къат къапыста,
Ичи толу кърмыскъа.
Къат-къат –къапыста дегиль,
Тикиши бар-антери дегиль,
Бенеги бар-басма дегиль.
Тили бар-инсан дегиль,
Тикиши бар-кольмек дегиль,
Япрагъы бар-терек дегиль.
Вазифе. Берильген метинлерни ифадели окъуп, рус тилине терджиме этинъиз (командаларгъа бирер метин бериле).
Слайд 7. №1 метин. Китаплар кузьгю кибидирлер. Оларда бутюн ом-рюмиз джанланыр. Юреклеримиздеки энъ чиркин, энъ пис дуйгъулары-мызнынъ янындаки энъ гузель ве энъ темиз дуйгъуларымызны да коре-миз. Олар бирер ибрет мейданыдыр. Виджданларымыз оларнынъ къатында майышыр, агълар ишлеримиз догърулыр , юреклеримиз темизленир.
№ 2 метин. Инсан китаплардан эр шейни тапар. Олар адамны
эм кульдюрир, эм агълатыр. Китап саифелеринде биз къышнынъ энъ зеэрли сувукъларында, омюрнинъ энъ аджджы дакъкъаларында биле баарьнинъ энъ гузель левхаларыны коре билемиз…Языджылар инсанларнынъ юреклерине кирер, къандамарларында долашыр, тюшюнджелерини, дуйгъуларыны корер, эшитмеген шейлеримизни эшитир, бизге де бильдирирлер.
Вазифе. Китап акъкъында насыл шиирлер билесинъиз?
Муэллифлери ким? Шиирни ифадели окъунъыз.
Мисаллер : «Китап» Ю.Темиркъая.
«Китапнынъ монологы» Къ. Велиев
Дерснинъ нетиджеси:
Баалав.
Агъзавий суретте рефлексияны кечирюв:
Дерсте мен фааль чалыштым я да пассив.
Меним кейфим эйилешти, феналашты.
Дерснинъ мевзусы манъа файдалы олды (файдасыз олды).
Эвге вазифе: «китап» сезюнен 5-7 джумле тизинъиз.
Слайд №1 Дерснинъ эпиграфы:
Китап-
медениетнинъ
энъ буюк къазанчыдыр
Слайд №2
Слайд №3
Лугъат иши
Аджайип-замечательный
Муджизе-чудо
Инсаниет-человечество
Асыр-век
Битмез-тюкенмез- не искончае-мый
Чокъракъ-родник
Дуйгъу – чувство
Пис-отвратительный
Ибрет – поучительный пример
Видждан-совесть
Майышыр - будет гибким
Садыкъ- верный
Раф-полка
Слайд №4
Слайд №5
Слайд №6
Севинъиз китапны!
Китап! Не аджайип сёз! Не аджайип шей! Китап энъ буюк муджизедир, чюнки китапта эр шей акъкъында окъу-макъ мумкюн. Инсаниетнинъ асырлар девамында араштыргъан, топлагъан бильгилери-эписи китапларда сакълыдыр. Сиз неге авесленсенъиз, ненен меракълансанъыз –эр шейни китаплардан окъуп бильмек мумкюн. Китап битмез-тюкенмез бильги чокъра-гъыдыр. Инсаннынъ бутюн омюри бою садыкъ досту ве улу оджасыдыр.
Севинъиз ве окъунъыз китапны. Рафларынъыз китап толсун. Топланъыз ве сакъланъыз оларны. Сизге эр шейни огретеджек, омюрде догъру ёл косьтереджек – китаптыр.
Слайд №7
№1 метин. Китаплар кузьгю кибидирлер. Оларда бутюн омрюмиз джанланыр. Юреклеримиздеки энъ чиркин, энъ пис дуйгъуларымызнынъ янындаки энъ гузель ве энъ темиз дуйгъу-ларымызны да коремиз. Олар бирер ибрет мейданыдыр. Виджданларымыз оларнынъ къатында майышыр, агълар ишлеримиз догърулыр , юреклеримиз темизленир.
№ 2 метин. Инсан китаплардан эр шейни тапар. Олар адамны эм кульдюрир, эм агълатыр. Китап саифелеринде биз къышнынъ энъ зеэрли сувукъларында, омюрнинъ энъ аджджы дакъкъала-рында биле баарьнинъ энъ гузель левхаларыны коре билемиз…Языджылар инсанларнынъ юреклерине кирер, къан дамарларында
долашыр, тюшюнджелерини, дуйгъуларыны корер, эшитмеген шейлеримизни эшитир, бизге де бильдирирлер.
