kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Урок по теме: «Зонд кæм и, æрхъуыды дæр уым и», Кочысаты Розæйы пъесæ "Гæды лæг, кæнæ нæ пъырыстыф сæрра"-мæ гæсгæ.

Нажмите, чтобы узнать подробности

Конспект по теме о том, как хорошо иметь острый ум и сообразительность

Просмотр содержимого документа
«Урок по теме: «Зонд кæм и, æрхъуыды дæр уым и», Кочысаты Розæйы пъесæ "Гæды лæг, кæнæ нæ пъырыстыф сæрра"-мæ гæсгæ.»

Темæ: «Зонд кæм и, æрхъуыды дæр уым и» , Кочысаты Розæйы пъесæ "Гæды лæг, кæнæ нæ пъырыстыф сæрра"-мæ гæсгæ .

Нысан:

1.Пьесæйы идейон мидис ахуырдзауты æххуысæй раргом кæнын.

2. Скъоладзауты дзырдуат фæхъæздыгдæр кæнын диалогон ныхасы руаджы.

3.Сывæллæттæм цымыдисдзинад гуырын кæнын цыргъзонд адæммæ.

Урочы эпиграф

Зондджын-амондджын,

æнæзонд-æнамонд“

Урочы цыд.I. Бацæттæгæнæн рæстæг.

Мотивацион уавæр урокмæ.

Ахуыргæнæг æмæ сывæллæтты диалог:

Хъуысы музыкæ Умархан заргæ æрбацæуы…

Пьесæйæ скъуыддзаг (Мызылон æмæ Умархан)

Ахуыргæнæг: Уæ разы уыд рагон царды ныв.

-Чи уыдысты ацы персонажтæ?

(-Мызылон æмæ Умархан)

- Уæдæ нæ Мызылон æмæ Умархан хонынц рагзамантæм

Абон на урочы архайдзысты:

I къорд-иртасджытæ

II къорд-историктæ

III къорд- нывгæнджытæ

IY къорд-актёртæ

Кусдзыстæм ахæм пъланмæ гæсгæ:

1.Уацмысы сæйраг хъуыды сбæрæг кæнын.

2.Цы рæстæг нын æвдисы пьесæйы автор?

3. Равзарын уацмысы æвзаг.

4. Абарын æй абоны цардимæ.

5. Цæмæн нæ хъæуынц уыдæттæ?

Ныхасы бар иртасджытæн:

Кочысаты Розæйы номæй дзуры чызг :"Æз райгуырдтæн Ольгинскæйы 12 майы 1888 азы. Мæ фыд уыдис рæстæмбис цæрæг зæхкусæг. Уый тыг хорз зыдта ирон æгъдæуттæ, таурæгътæ, кадджытæ, зарджытæ, аргъæуттæ.Фыццаг ахуыр кодтон нæ хъæуы дыууæкъласон дины скъолайы, уый фæстæ мæ радтой ирон чызджыты скъоламæ Дзæуджыхъæуы. Мæ сабидуг баст уыд кæддæриддæр мæ хъæу æмæ мæ бинонтимæ. Æз дæр, сымахау, уыдтæн чысыл æмæ тынг бирæ уарзтон ме 'мгæрттимæ хъазын, тезгъо кæнын.Уæлдай тынгдæр та уарзтон, мæ фыд мын цы аргъæуттæ дзырдта, уыдонмæ хъусын. Иу хатт мæ сбадын кодта йæ уæрагыл æмæ мын радзырдта "Мæгуыр зæронд лæг æмæ усы аргъау". Мæ зæрдæмæ афтæ арф бахъардта æмæ сфæнд кодтон уыцы аргъауы бындурыл чысыл пьесæ ныффыссын ирон цардæй: "Гæды лæг, кæнæ Нæ пъырыстыф сæрра". Лæварæн мын æй айсут .

Ахуыргæнæг:

-Чи уыд ацы чызг, йæ царды хабæрттæ уын чи радзырдта?

Дзуапп:Ацы чызг уыд Кочысаты Розæ.

Ныхасы бар историктæн:1774 азы Ирыстон баиу Уæрæсеимæ. Æмбырд цыди Мæздæджы. Ирыстонæй уырдæм æрвыст æрцыдысты дзырддзæугæ лæгтæ. Уæрæсе æмæ Ирыстон баныхас кодтой, кæй сæ ничиуал хъыгдардзæн, хъахъхъæд кæй цæудзысты знаджы ныббырстытæй, æххуыс сын кæй кæндзæн Уæрæсейы паддзах. Паддзах ирон адæммæ сæрвыста йæхи æвзæрст лæгтæ. Уыдон не 'мбæрстой не' гъдæуттæ æмæ не 'взаг . Паддзах сæм пъырыстыфты сæрвыста. Хорз бынæтты сæ æрæвæрдта, фæлæ уыдон та сæхи куыд æвдисынц ?

Ныхасы бар иртасджытæн:

Розæйы сфæлдыстад.

Розæйæн литературон куыст йæ професси нæ уыдис. Фысгæ дæр уымæн чысыл ныккодта-æдæппæт дыууæ пьесæйы. Уыдонæй иу -”Гæды лæг кæнæ нæ пъырыстыф сæрра“, иннæ та ”Мæ уарзондзинад æви мæ фыды ныхас?“. Уыдон адæмы зæрдæмæ афтæ тынг фæцыдысты æмæ суанг абоны бонмæ дæр сценæйæ нæ цух кᴂны.Уыцы пьесæтæм куы бакастысты , уæд хъæуы скъоладзау чызджытæ сарæзтой ”сылгоймæгты драмон къорд“ æмæ Розæ йæ пьесæтæ фыста уыцы къордæн.. Афтæмæй ирон чызджытæ сæхицæн фæндаг сарæзтой канд театры аивадмæ нæ , фæлæ драматургимæ дæр. Фæстæдæр фæзындысты æндæртæ дæр, фæлæ Розæ уыд фыццаг ирон сылгоймаг фыссæг.

Дзырдуатон-фразеологион куыст:

æргъæу чырын-рæсугъд, аив чырын.

грустæ-капеччытæ, æхцатæ афтæ хоны Мызылон.

дари-зæлдаг хъуымац

къулер-хицау рарвит-барвит кæнынæн кæй дардта, ахæм адæймаг

комдзог цæуын-дзырдтæ хæсссын, искæуыл æвзаг кæнын, гадзрахатæй цæуын.

пъырыстыф- адæммæ æвæрд лæг(пристав-приставленный)

Пъырыстыф æмæ Умархан тæлмацы руаджы ныхас кæнынц. (сценкæтæ)

Дыккаг акт (1-аг рацыд).

-Куыд дары йæхи пъырыстыф?

-Кæм лæууы Умархан?

Ахуыргæнæг: Цы базыдтам ацы скъуыддзаг бакæсгæйæ

1-аг къорд: Лингвистикон анализ скæнын текстæн.

Иртасджытæ, ныхасы бар уын(бауынаффæйы фæстæ дзуапп дæтты иу ахуырдзау)

Тексты æмбæлынц :

-сидæнтæ..

-æлгъыстытæ…

-ахæсгæ ныхас..

-фидистæ ..

-гуымиры дзырдтæ…

-сомытæ…

-бустæ..

-бирæнысанон дзырд-(зылын)

-æрбайсгæ дзырдтæ

- Цавæр хъуыдыйæдтæ дзы æмбæлы фылдæр сæ загъды нысанмæ гæсгæ?

- Архайджыты ныхас куыд хуыйны?(диалог)

Умархан, Мызылон, Мча, Къомиан







2-аг къорд: Историктæн ныхасы бар:

Ссарут -ма сæ сымах дæр.

Цæмæн сæ пайда кæны автор?

  1. персонажты миддуне æргом кæны;

  2. авторы ахаст персонажтæм;

  3. характеристикæ сын дæтты



3-аг къорд: Ныхасы бар нывгæнджытæн:

Нывгæнджытæ сæ хæс куыд сæххæст кодтой, уымæ байхъусын:

Æвдисынц, сæхæдæг цы сурæттæ скодтой нывты, уыдон.

Иннæ къордты архайджытæ хъуамæ базоной , персонажтæй кæцытæ сты, уый.(фæйнæгыл сывæллæтты нывты равдыст)

Нывгæнджытæ нывтæй фæрсынц.

4-æм къорд: Ныхасы бар актёртæн:

Скъуыддзаг пьесæйæ (дзурынц сæ хъуыдытæ)

Ахæццæ кæнын æмбисæндтæ кæронмæ райуæрст сыфтыл ( къорды куыст)

1.Рухс цы талынг къуымтæм не 'ххæссы,….

2.Рæдыдыл басæттынæн дæр …

3. Æрхъуыдыйы бын –…

4. Хæссинагæн-йæ рог,

5. Тых зондæн-…

6. Зонд кæм и,…

Алы æмбисондыл дæр хицæнæй æрдзурын.

Раст сæ ныффыстой, уый сбæрæг кæнын

1.Рухс цы талынг къуымтæм не 'ххæссы,

уырдæм дæр ныккæсы зонд.

2.Рæдыдыл басæттынæн дæр хъару хъæуы.

3. Æрхъуыдыйы бын –сой.

4. Хæссинагæн-йæ рог, зондæн-йæ уæззау.

5. Тых зондæн-лæгъстæйаг.

6. Зонд кæм и, æрхъуыды дæр уым и.

Кæцы æмбисонд у цымæ адонæй нæ абоны урочы темæ?

Зонд кæм и, æрхъуыды дæр уым и

Ныхасы бар историктæн:

Пьесæйы историон равзæрд.

Пьесæ фыст æрцыд 1905 азы, мыхуыры фæзынд фыццаг ирон аивадон журнал "Зонд"-ы фыццаг номыры 1907 азы. "Гæды лæг, кæнæ Нæ пъырыстыф сæрра" йæ жанрмæ гæсгæ у скетч- чысыл , худæг ныв. Амад у ирон адæмон хъæлдзæг ныхасы (анекдоты ) бындурыл.

Расыггæнаг , фæлæ цыргъзонд æмæ хин лæг Умархан ссардта æхцатæ. Зоны, йæ ус æдылыдзæф æмæ дзæгъæлдзых кæй ,уый. Æхцатæ ссардта, уый куы зæгъа йæ усæн, уæд ыл комдзог рацæудзæн уайтагъд. Уый барæй æнгуырыл тæрхъус бакодта, къæппæджы та кæсаг нывæрдта æмæ йе 'фсинмæ дзуры: …

Пьесæйы аив каст рольтæм гæсгæ, раст интонациимæ, раст æвæрын цавд…

Уацмыс кæсгæйæ ,скъоладзаутæ иртасынц архайджыты ахастдзинæдтæ кæрæдзимæ, пьесæйы сюжет хи ныхæстæй дзурынц.

Рефлекси

1. Нæ урочы нæ размæ цавæр нысантæ æвæрд уыди?2. Куыд уæм кæсы, сæххæст сæ кодтам?

3. Цавæр хъуыдытæ уæм æвзæры?

4. Цы уыдис цымыдисагæй урочы?

5. Алы урок дæр ахæм хъæлдзæг хъуамæ уа æви нæ?

6. Цы райстат уæхицæн ногæй?

Хъæууон хицæутты ницæйагдзинад (тæлмац,Мычъа,Къомиан ,Мызылон)

IV. Æрмæг бафидар кæнын.

1.Цы базыдтам ногæй нæ урочы?

2.Уæ зæрдæмæ фæцыд æви нæ?

3. Цæмæй хицæн кодта нæ урок иннæ уроктæй?

4.Пьесæйы архайджытæй уæ зæрдæмæ чи фæцыд?

5. Характеристикæтæ раттын персонажтæн.

7. Чи у се 'ппæтæй зондджындæр ацы пьесæйы архайджытæй?

Хатдзæгтæ .

Ахуыргæнæг:

Нæ абоны урокæн хатдзæг скæндзыстæм цыбыр тесты хуызы.

1.Умархан сайы йæ усы:

2.Мызылон æмæ Къомианы ныхас.

3.Пъырыстыф дæр у худæг( нымайы йæхи зондджыныл, афтæмæй та у æдылы).

4.Персонажты æвзаг у конд æлгъыстытæй. Мах худæм ницæйаг адæймæгты гуымиры ныхæстыл.

5.Пъырыстыф уырыссаг æвзагыл дзуры + ирон персонажты реакци+ тæлмацгæнæджы амцæф-уымцæф ныхæстæ.

6.Худæг у иумæйаг уавæр дæр,худæг сты пьесæйæн йæ архайджытæ, стæй се 'взаг æмæ сæ митæ дæр.

Ахуыргæнæг:

-Нæ абоны урочы темæ цавæр уыд?

-Зонд кæм и, æрхъуыды дæр уым и.

-Уæхицæн дзы хорзæй цы райстат?

-Зонд кæддæриддæр фæуæлахиз вæййы .

"Нарты кадджытæй" сывæллæттæ дæнцæгтæ хæссынц

(Сослан æмæ Тары фырттæ)

Бæрæггæнæнтæ сæвæрын.

Хæдзармæ куыст. Ныффыссын цыбыр нывæцæн æмбисонд : « Зонд кæм и, æрхъуыды дæр уым и»








Получите в подарок сайт учителя

Предмет: Прочее

Категория: Уроки

Целевая аудитория: 6 класс.
Урок соответствует ФГОС

Автор: Мамитова Ранета Петровна

Дата: 26.01.2019

Номер свидетельства: 497272

Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства