kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Урок-КВН "Прилагательнайсь"

Нажмите, чтобы узнать подробности

Урок-КВН по теме"Прилагательное" На уроке закрепляются знания учащихся по теме"Прилагательное". Класс делится на 2 команды. Каждой команде даются задания. В конце урока жюри оценивает работу каждой команды.

Просмотр содержимого документа
«Урок-КВН "Прилагательнайсь"»

Филиалсь «Вечкенинскяй средняй общеобразовательнай школась»

МБОУ «Парапинскяй средняй общеобразовательнай школась»







УРОК–КВН

«Прилагательнайсь»




Урокть ётафтозе 6-це классонь тонафнихнень мархта

мокшень кялень тонафтысь Р.П. Семеновась.

УРОК–КВН «Прилагательнайсь» темать коряс.



Урокть целец: лятфтамс ётаф материалть прилагательнайть коряс.


Образовательнайхть: кемокстамс тонафнихнень содамошиснон

прилагательнайть коряс и нолямс тевс синь эрь кодама заданиянь тиемста;

Развивающайхть: касфтомс тонафнихнень корхтама маштомаснон,

мяльснон сяда лама содама вирень касыкснень,

колга.

Воспитательнайхть: воспитандамс иттнень кельгомаснон мокшень кяльти,

Универсальнай учебнай действиятне:

Предметнай сатфксне:

1)формировандамс маштомоши эльбятьксфтома корхтамати и сёрмадомати;

2)маштомс нолнемс тевс содамошитнень прилагательнайть коряс максф заданиятнень тиемста;

3) маштомс вятема диалог тонафтыть и ялгатнень мархта

Метапредметнай сатфксне:

1) маштомс корхтама мокшень кяльса.

2)маштомс шарьхкодемс и ванфтомс темать и урокть целензон, вешемс спосопт синь сатомост;

3) формировандамс содамоши шарьхкодемс сатфкснень и аф сатфкснень тонафнемста;

4) маштомс кизекфксонь лангс максома кувака и нюрьхкяня каршек вал;

5) маштомс учительть мархта, ськамост сёрмадома ;

6) максомс анализ и оценка тиф заданиятненди;

Личностнай сатфксне:

1)шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;

2) маштомс кочкаф содамошитнень и сатфкснень нолямс тевс школань и эрь шинь эряфса;

3) касфтомс маштомашитнень ялга и оцю мархта прянь вятема;

4) кеподемс шабатнень мяльснон ванфтомс перьфпяльть.

Урокть формац: кемокстамань урок

Оборудованиясь: компьютерсь, видеопроекторсь, экранць, компьютернай презентация Урок-КВН «Прилагательнайсь» темать коряс, карточкат задания мархта эрь командати.

Литературась: Мокшень кяль 6-це классонди,М.А. Келин «Занимательнай грамматика», «Якстерь тяштеня» журналсь.



Урокть молемац.


Классь явови кафта командава, кочкави жюри. Урокть молемста тиф заданиятненди максовихть баллхт, конат азовихть командатненди и сёрмадовихть доскати. Урокть аделамда меле тиевихть итокт и азовихть сяськихне.

Класса повтафт таблицат.

Качественнай прилагательнайхнень тонафнемста сявондеви тяфтама таблица:


Тюс

Размер

(конашка предметсь)

Таньф

Возраст (признак, кона няфтьсы ломанть, касыксть пингснон, касомаснон)

Пингонь таргавома

Качества, кона кулеви пилеса, няеви сельмоса

Ломанень, жуватань промоз, асу, кор

Акша, равжа,

сенем

Ёмла, оцю

Шапама, ламбама

Од, сире

Нюрьхкяня, кувака

Калгода, ляпе

Ёжу, сятяв


Относительнай прилагательнайхнень тонафнемста сявондеви тяфтама таблица:


Материал (мезьста тиф предметсь)

Шачема-касома, эрама-ащема васта

Пинге

Признак, кона сотф ломанть, ракшать и лия лицань, предметонь мархта

Васта

Шуфтонь куд

Паксянь панчфт

Сёксень варма

Мокшэрзянь ёфкст

Вярце песь


1-це слайдса сёрматфт кизефкст.


  • Мезти мярьгихть прилагательнай?

  • Азость прилагательнайхнень разрядснон.

  • Мезе няфтихть качественнай прилагательнайхне?

  • Мезе няфтихть относительнай прилагательнайхне?

  • Мезе няфти сравнительнай степенць?

  • Кода тиеви сравнительнай степенць?

  • Мезе няфти превосходнай степенць?

  • Кода тиеви превосходнай степенць?

  • Азость, кодама смузь максыхть прилагательнайхненди –ня, -кя, -за, -на суффиксне?

  • Кодама корхтама пяльксста тиевихть прилагательнайхне?

  • Кодама суффикс вельде тиевихть прилагательнайхне?

  • Кодама прилагательнайхненди мярьгихть производнайхть (тифт)?


Учительть (тонафтыть) валоц. Ётафтови беседа.

Кода содаф, прилагательнайсь – тя корхтама пялькс, коза канневихть валхне, конат няфтихть предметонь признак, кепотьксонди: акша, ляпе, танцти, парьхциень, ловонь, вии, тараду и ст. тов. Эряви азомс, мокшень кяльса прилагательнайть аф теждя эряй явфтомс лия корхтама пялькснень эзда. Сон аф эряви шорсемс существительнайть и наречиять мархта, сяс мес мокшень кяльса прилагательнаень тии башка аффикста аф пяк лама. Валхне, конат канневихть существительнайти, наречияти, молемок валрисьмоса сказуемайкс или определениякс, эсь смузьснон коряс малат прилагательнайти, кепотьксонди:

Горенцясь вальмафтома, кеншкфтома, а пяшксе ломаньда. Тя валрисьмоса валхненди (вальмафтома, кеншкфтома) путтама кизефкс. Горенцясь кодама? Горенцясь вальмафтома, кеншкфтома. Тя валрисьмоса синь кандыхть сказуемайнь функция и няфтевихть существительнайса основной склоненияса изъятельнай падежень формаса.

Ялгафтома ломанць, кода юрфтома шуфта. Тя валрисьмоса ялгафтома валсь моли определениякс и тяфта жа няфтеви существительнайса основной склоненияса изъятельнай падежень формаса.

Но кда валрисьмоса прилагательнайсь моли ськамонза (существительнайфтома), то сон и смузень, и формань коряс арай существительнайкс. Эста сон полафневи склонениянь, падежень и лувксонь коряс. Да, да аньцек павазуфне мезьдовок аф пелихть, павазуфне сяськондьсазь любой сталмотнень (Кузнецов 1979: 115). Тя валрисьмоса павазуфне валсь моли подлежащайкс.


Вятись няфтьсыне заданиятнень командатненди.


Васенце командати максовихть тяфтама заданият.

  1. С. Самошкинонь «Акша келу» стихстонза мусть прилагательнайхнень, няфтесть разрядснон.


Акша келу


Веле песон пиче вирсь

Тоса акша келу касы,

Мазы, кода мокшень стирь,

Од нарядонц коста щасы.

Ляпе сянгяря руцяц,

Щамоц акша ловонь лаца,

Мярьгат, шобда вень кучкать,

Палы штатол оцю садса.




2. Содама ёфкснень и валмуворкснень эзда мусть прилагательнайхнень. Азость, кодама признак синь няфтихть (тюс, качества, материал, пинге, васта и ст. тов).

а) Пизему кизось сёкседа кальдяв; б) Цебярь ломанть тевоцка цебярь; в) Пилать шовасазь, штоба кероль, ломанть тонафтсазь, штоба ёнияль. Тонафнеф ломанти шись сяда валда; г) Якстерня, ламбамня, шинять мельге ванонды; д) Куд кучкаса акша атякш; е) Тядясь эчке, стирец якстерь, цёрац равжа – вяри туй; ё) Вайгялец ляпоня, якай кяпоня, пятналангса утци, шеернят кунци; ж) Пиндолды равжа орняц, кайги мазы морняц, олга пряса кудняц; и) Пара тефт тият – пара валхт кулят.


3. Кие сяда курок? Вятись доскати сёрмады валхт. Ученикненди максови 2 минутат, штоба точкатнень вастс сёрмадольхть прилагательнайхненди синонипт. Валхне: ёню – … пара – ...; летьке – …; пяндра – … ; ташта – …; вии –….


4. Максф прилагательнайхнень ётафтость рузкс. Аф весяла – (скучный, тоскливый, невеселый, печальный, грустный); ёлаж – (ласковый, приветливый, веселый); нюрьхкяня – (короткий, сжатый, непродолжительный); отькорь – (бойкий, шустрый, проворный).


5. Вятись азы карань-каршек характерс коря литературань кафта геройхт, конатненди эряви максомс характеристика антонипнень вельде. Можна сявомс Ф.С. Атянининонь или А.С. Пушкинонь ёфксснон. Кепотьксонди:

«Сельведь-богатырьсь».

Иганясь(добрай, ляпе вайме, тевонь кельги, сятяв, ашу);

Жаднай Филясь – (кяжи, кевонь седи, нола, ордаж, козя).

«Сказка о мертвой царевне и семи богатырях).

Царевнась – (добрай, ляпе вайме, тевонь кельги, сятяв);

Царицась-мачехась – (кяжи, кевонь седи, нола, ордаж).


6. «Кие сяда цебярь редакторсь?». Ученикненди максовихть карточкат, ков сёрматфт речевой эльбятькс мархта валрисьмот. Тонафнихненди эрявихть мумс эльбятьксне и петемс синь.

Эсь тиф шрать ваксса тумонь эчке мокорь лангс озафоль атя, порсь шурьхкя толгада и сускондсь верок тувонь сивольда (С. Ларионов). Подполковниксь лоткафтозе фкя рабочайть, салаваня мярьгсь чистай рузонь кяльса (М. Кяшкин). А сяльде марянь валхт: «Стяк ни. Мес тнярс удат?». Шарфтонь, няень каршестон апак нарак алянь шама, кона тейне няевсь сирекс (Мокшень правда). И арась акша мокшень щамоц шуфтоннекс (Мокша).


7. Кие сяда лама. Капитаттнень конкурссна. Лемдесть мокшэрзянь писательхнень произведенияснон, коса васьфневихть валхне: кели, розень, хрусталень, сиянь, вишке, пси, тундань, шава, ташта.


8. Содама ёфкснень эзда мусть антонипнень.

Кинь нюрьхкяня, кинь кувака,

Кинь пяк тёждя, кинь пяк стака,

Кажнайть сонцень

И вельф питни

Кирьфнесазь сонь ётни шитне.


9. Максф валхнень эзда тиеда прилагательнайхть и арьседа валзюлмот.

Куд, ведь, пона, вай, идь, тунда, сёвонь, иляназ.


10. Мусть прилагательнайхнень, конат арасть существительнайкс. Азость валрисьмоса синь функцияснон.

а) Акшесь вельхтязе сельмонц, якстерсь валозе шаманц; б) Сась тялось, масторть акшесь вельхтязе; в) Коста тяфтама кельмонясь (ведсь)?; г) Катк оттне кштикшнихть-морсихть!; д) Сяда сиренятне штасазь шамаснон курмозьса ведень амолязь; е) Оцюнясь якай вирь кучканява, шава вастова. Ёмланясь якай ляйбря потмакска, ляйнять кучкава.


11. Налхксемат (командатненди заданият).

  1. Кодама медсь аф ламбама?

  2. Кодама модась аф соксеви?

  3. Кодама пилетне аф кулихть?


12. Налхксема «Куцема». Эряви куцемс вяри или валгомс алу валхнень лангса, конат ушедыхть у букваса. «Куцемать» эса валхне прилагательнайхть.


В





В






В








В







В








В









В

















Омбоце командати максовихть тяфтама заданият.


1. И. Костинать «Мазышись» стихстонза мумс прилагательнайхнеь, няфтемс разрядснон.


Мазышись

Мазыня, мазыня, мазыня

Велеса пиже тундась.

Каземазь, каземазь, каземазь

Панчфса и садсь, и лугась.

Мазыня,мазыня, мазыня

Велеса кизонь пингсь.

Казезе тейнек, казезе

Сёронь козяшить тингсь

Мазыня, мазыня, мазыня

Велеса сёксень тюссь.

Каземазь, сёксесь каземазь,

Максозе, мезец ульсь

Мазыня, мазыня, мазыня

Велеса акша ловсь.

Каземазь, тялось каземазь,

Акшет и тяшттне, и ковсь.


2. Содама ёфкснень и валмуворкснень эзда мусть прилагательнайхнень. Азость, кодама признак синь няфтихть (тюс, качества, материал, пинга, васта и ст. тов).

а) Апак симнек, апак антт. Шобдавас тись сери пантт; б) Кядьфтома, узерьфтома, а эстейнза куд тии; в) Акша сакал атясь, вирьге-ловга якась; г) Тячи мазы оронц щась, тейнек школав праздникс сась; д) Кичкор карьхкясь аф видептеви; е) Тинголангсь козя сёроса, а обедсь – кшиса; ё) Тевсь аф тиеви кяльса, тейнза кундама оцю мяльса; ж) Ёмла сяканя, эсонза танцти ямня; з) Вирьса кузня, алонза рузня, прясонза якстерь вазьня; и) Пряц кшнинь, ронгоц шуфтонь.


3. Кие сяда курок? Вятись доскати сёрмады валхт. Ученикненди максови 3 минутат, штоба точкатнень вастс сёрмадольхть прилагательнайхненди синонипт. Валхне: ёню – … пара – ...; летьке – …; пяндра – … ; ташта – …; вии –….


4. Максф прилагательнайхнень ётафтость рузкс. Ингольдень (ранний, давний, предыдущий); кельговикс – (любимый, дорогой, уважаемый, симпатичный, привлекательный); лафча – (слабый, некрепкий, непрочный, поверхностный); пиже – (зеленый, незрелый, неспелый).


5. Вятись азы карань-каршек характерс коря литературань кафта геройхт, конатненди эряви максомс характеристика антонипнень вельде. Можна сявомс Ф.С. Атянининонь или А.С. Пушкинонь ёфксснон. Кепотьксонди:


«Сельведь-богатырьсь»

Иганясь(добрай, ляпе вайме, тевонь кельги, сятяв, ашу);

Жаднай Филясь – (кяжи, кевонь седи, нола, ордаж, козя).

«Сказка о мертвой царевне и семи богатырях).

Царевнась – (добрай, ляпе вайме, тевонь кельги, сятяв);

Царицась-мачехась – (кяжи, кевонь седи, нола, ордаж).


6. «Кие сяда цебярь редакторсь?». Ученикненди максовихть карточкат, ков сёрматфт речевой эльбятькс мархта валрисьмот.

Эсь тиф шрать вакса тумонь эчке мокорь лангс озафоль атя, порсь шурьхкя толгада и сускондсь веерок тувонь сивольда (С. Ларионов). Подполковниксь лоткафтозе фкя рабочайть, салаваня мярьгсь чистай рузонь кяльса (М. Кяшкин). А сяльде марянь валхт: «Стяк ни. Мес тнярс удат?». Шарфтонь, няень каршестон апак нарак алянь шама, кона тейне няевсь сирекс (Мокшень правда). И арась акша мокшень щамоц шуфтоннекс (Мокша).


7. Кие сяда лама. Капитаттнень конкурссна. Лемдесть мокшэрзянь писательхнень произведенияснон, коса васьфневихть валхне: Сембода лямбе, якстернят, сятявня, сёксень, эрзянь, тундань, мазы, мокшень, коряй.

8. Содама ёфкснень эзда мусть антонипнень.

И калгода, и ляпе

И ламбама, и сяпи

Аф няемс, аф кундамс

Азови сельгонь прамс.


9. Максф валнень эзда тиеда прилагательнайхть и арьседа валзюлмот.

Вирь, ёнь, паваз, вий, лов, локсти, нармонь, киза.


10. Мусть прилагательнайхнень, конат арасть существительнайкс. Азость валрисьмоса синь функцияснон.

а) Кроватьсост удость шабатне. Ёмланясь нюрямнясоль, пильгонзон мархта ёрдазе вельхксонц; б) Озафтонь келунят, нолдазь юрняснон, валдоптозь акшетне сембе курнять; в) Тоса, кода содасасть, эряйхть акша и равжа кедь ломать. Акшетне равчненди шумбракснезь кядьснон аф венепнесазь; г) Тамарань шамастонза пцтай ётась якстерсь; д) – Срхкак ичкоздень району книгань лувихнень мархта васетькшнема, – мярьгсь тейне оцюнязе; е) Оцюнянте кеняртьфтемань, кле, цёраце пара киге моли.


  1. Налхксемат (командатненди заданият).

  1. Кода седьге аф ётават?

  2. Кодама тяште аш менельса?

  3. Кодама дулясь аф сивови?


12. Налхксема «Куцема». Эряви куцемс вяри или валгомс алу валхнень лангса, конат ушедыхть к букваса. «Куцемать» эса валхне прилагательнайхть.


К





К






К








К







К








К









К















Жюрись азсыне итокнень и сяськихнень.

Учительть (тонафтыть) мекольце валоц.








Получите в подарок сайт учителя

Предмет: Прочее

Категория: Уроки

Целевая аудитория: 6 класс.
Урок соответствует ФГОС

Скачать
Урок-КВН "Прилагательнайсь"

Автор: Семенова Роза Петровна

Дата: 17.01.2021

Номер свидетельства: 570418

Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства