Урок по ФГОС 5 кл. Сугыш кайтавазы

5 сыйныф, рус төркеме, татар әдәбияты. Дата: 04.03.2016

Тема: Сугыш кайтавазы

Максат. Бу бүлектә өйрәнелгән материалны гомумиләштереп кабатлау, белемнәрне тикшерү.

Планлаштырылган нәтиҗәләр:

М е т а п р е д м е т- укыганны гомумиләштерә, нәтиҗә ясый, иң мөһим мәгълүматны аерып ала белү.

Регулятив УУГ: максат кую; планлаштыру; үз фикереңне төгәл җиткерү;
Танып белү УУГ: тиешле мәгълүматны табу һәм аерып алу; төрле рәвештә бирелгән мәгълүматны кабул итү һәм аңлау; укыганны анализлау; аңлап укуга ирешү.

Коммуникатив УУГ: башкаларның сөйләмен ишетү һәм тыңлау; үз фикереңә ышандыра белү; башкаларга аңлаешлы сөйләм төзү; сораулар кую; әңгәмәдәшнең тәртибенә җитәкчелек итү

П р е д м е т- укыганнарны гомумиләштереп кабатлау.

Шәхескә кагылышлы- укучылар белән тынычлык өчен көрәш алып баручылар турында фикер алышу, аларга багышланган истәлекләргә сакчыл караш тәрбияләү.

Материал: дәреслек (2 нче кисәк) ,Интернет челтәреннән алынган мәгълүматләр.

Җиһазлау: мультимедиа проекторы, экран, төрле презентацияләр.

Дәрес барышы:

I. Мотивлаштыру-ориентлаштыру

1. Дәресне оештыру.

Исәнләшү. Уңай психологик халәт тудыру. Моны төрле фонда эшләргә була (укучылар бер-берсенә елмаеп карыйлар, яхшы теләкләр әйтәләр, хәл сорашалар, укытучы матур теләкләр әйтә, һава торышы турында сөйләшеп алалар h.6.).

2. Өй эшен тикшерү.

Укучыларның өй эшләрен тыңлау.

З. Актуальлаштерү.

Укытучы, юнәлдерүче сораулар биреп, укучылар белән сугышта катнаәкан язучылар турында әңгәмә оештыра.

- Бөек Ватан сугышында катнашкан кайсы язучылар турында укыдык?

- Бу язучыларның нинди шигырьләрен беләсез?

4. Уку мәсьәләсен кую.

Укытучы бүген дәрестә бу бүлектә өйрәнелгән материалны гомумиләштереп кабатлау, белемнәрне тикшерү.

турында укучыларга җиткерә.

II. Уку мәсьәләсен өлешләп чишү этабы.

1. Авторларның биографияләрен искә төшерү.

1) Укытучы язучыларның шигырьләрен, китапларын күрсәтеп, тормышы һәи иҗаты буенча сораулар бирә.

2) Укучылар дәреслектән шигырьләрне, белешмәләрне табып кабат укыйлар.

3) Укытучы , бирем һәм сораулар ярдәмендә. укучыларның аңлавын тикшерә.

2. Сүзлек белән эш

1) Укытучы сүзләрне укый, укучылар аның артыннан кабатлыйлар. Авыр сүзләрне аерым укучылардан кабатлаттыра.

2) Укытучы русчасын әйтә, укучылар тәрҗемәсен әйтәләр.

3) Укучылар чылбыр буенча сүзләр белән сүзтезмәләр яки җөмләләр төзеп әйтәләр.

3. Фатих Кәримнең “Илең турында уйла” шигырен яттан сөйләү.

4. Тест эшләү .

1) Методик ярдәмле 156-157 биттәге биремнәр эшләнелә. Укучылар биремнәрне мөст. эшиләр.

2) Дәфтәрләрдә эш.

III. Рефлексия

1. Рефлексив кабатлау.

- Дәрескә куелган уку мәсьәләсе чишелдеме?

- Нәрсәләр белдегез?

2. Бәяләү. Укучыларга дәрестә катнашканнары бәяләнеп билгеләр куела.

З. Өй эше: укучыларга дәреслектәге 3нче һәм 7нче биремнәр тәгъдим ителә, укучылар сайлап алалар.

4. Алдагы дәрескә проблема кую.

Укытучы,дәресне тәмамлаганчы,йомгаклап,нәтиҗә ясар өчен сораулар бирә:

-Ни өчен Бөек Ватан сугышында солдатлар гомерләрен дә кызганмыйча көрәшәләр? ( Алар туган илләрен саклыйлар).