Урок крымско-татарского языка в 11 классе тема: Распространенные и нераспространенные предложения.

4

11 сыныфта ачыкъ дерс.

КЪЫРЫМТАТАР ТИЛИ

МЕВЗУ: КЕНИШ ВЕ КЕНИШ ОЛМАГЪАН ДЖУМЛЕЛЕР

МАКЪСАТ: 1. Талебелернинъ кениш ве кениш олмагъан джумлелер акъкъында олгъан бильгилерини кенишлетмек ве текрарламакъ.

2. Т алебелернинъ агъзавий ве язма нутукъларыны инкишаф этмек. Талебелерде озь фикирлерини ифаделев къабилиетини, нутукъ медениетини инкишаф этмек.

3.Ана тилимизге ве эдебиятымызгъа севги ашламакъ.

ДЕРСНИНЪ ДОНАТЫЛУВЫ: дерслик, мевзу боюнджа джедвеллер, перфокарталар, ситуатив ресимлер, мультимедия тахтасы, бор, тахта.

ДЕРСНИНЪ КЕТИШАТЫ.

I. ТЕШКИЛИЙ ВАКЪЫТ .

Селямлашув ве дерске азырлыкъ.

II. Дерснинъ мевзусы.

Талебелерни дерснинъ макъсадынен таныштырмакъ

ОДЖА. Балалар , бугуньки дерсимизде биз кениш олмагъан ве кениш джумлелер акъкъында сез алып рараджакъмыз.Бу мевзунен сиз орта сыныфларда таныш олгъан эдинъиз/

А) ЛУГЪАТ ИШИ.

Кениш олмагъан - не распространенные

Кениш - распространенное

Б) ДЖЕДВЕЛЬНЕН ИШ АЛЫП БАРУВ

(Джедвеллер дерс конспектинден сонъ)

1. Неге биз джумле деймиз?

2. Джумленинъ грамматик негизини насыл азалар тешкиль эте?

3. Муптида ве хабер насыл суаллерге джевап берелер? Мисаль кетиринъиз?

4. Муптида ве хаберден гъайры даа насыл джумле азалары ола?

В) ДЖЕДВЕЛЬГЕ НЕТИДЖЕ ЧЫКАРЫЛА.

• Насыл джумлелерге кениш олмагъан джумле дейлер?

• Тек баш азаларындан тешкиль олгъан джумлелерге кениш олмагъан джумле дерлер.Мисалллер окъула.

• Мисаль кетирильген джумлелерге башкъа сезлер къошылса насыл джумле мейдангъа келе?

III. МЕВЗУНЫ ПЕКИТЮВ.

А) Мультимедия тахтасына чыкъарылгъан джумлелер окъула, язылы ве талиль этиле.

Слайд 1.

1. КЪЫШ КЕЛЕ.

2. КЪАР ЯГЪА.

Слайд 2.

Джумлелерге келишкен сезлерни къошынъыз ве талиль этинъиз.

1. КЫШ КЕЛЕ.( сувукъ, къар-боранлы)

2. КЪАР ЯГЪДЫ. ( акъшам, бем-беяз)
   
   

Слайд 3.

1.Урбалар кийдилер ( инсанлар, сыджакъ)

2.Балалар таялар.( чанада, буз устюнде)

Б) ЧИФТ ГРУППАЛАРДА ИШ АЛЫП БАРУВ

(ЭДЕБИЯТ ДЕРСИНЕН БАГЪ)

Талебелер ичюн 2 метин азырлана.Биринджи къатарда отургъан талебелерге «Юсуф Болат» метини бериле. Экинджи къатарда отургъан талебелерге - «Алим Азамат огълу.»

Талебелерге вазифе анълатыла. Яшхы окъугъан талебелер метинлерини сес чыкъарып окъуйлар.

Талебелер озь ара келишип, бири кениш олмагъан джумлелерни, дигерлери кениш олгъан джумлелерни сечип алалар,дефтерлерине язалар.Язылгъан джумлелер окъула. Талиль этиле.

В) ИНДИВИДУАЛЬ ИШ

( ОКЪУВ СЕВИЕСИ ЮКСЕКЧЕ ОЛГЪАН БАЛАГЪА )

Дерснинъ мевзусынен багълы «Меним достум» я да «Меним бош кунюм» метинни тизмеге теклиф этиле.

Г) ПЕРФОКАРТАЛАРНЕН ИШ АЛЫП БАРУВ.

(ИНДИВИДУАЛЬ ИШ)

Д) ДЕРСЛИК. С.199. 295-ИШ.

(АГЪЗАВИЙ )

IV. НЕТИДЖЕ ЧЫКЪАРУВ.

Балалар, бугуньки дерсимизде биз кениш олмагъан ве кениш джумлелер устюнде чалыштыкъ. Оларда олгъан фаркъларны билемиз.

V. ТАЛЕБЕЛЕРНИ БААЛАВ.

VI. ЭВГЕ ВАЗИФЕ С.199. 295-ИШ.

(ЯЗУВ, ДЖУМЛЕЛЕРНИ ТАЛИЛЬ ЭТЮВ)