Т?л с?з бен автор с?зі

Сабақтың тақырыбы: Төл сөзбен автор сөзі

Сабақтың мақсаты:

1. Білімділік: төл сөз бен автор сөзі, оның жасалу жолдары туралы

түсінік беруде «Сыни тұрғыдан ойлау»

стратегияларын қолдану.

2.Дамытушылық: оқушы бойында поэзияға деген қызығушылықты

ояту, өнерге баулу, өзіндік пікірін жеткізуге ықпал жасау.

3.Тәрбиелік: поэзия арқылы оқушыға рухани тәрбие беру,

топпен жұмыс үстінде оқушы арасындағы бәсекелестік

пен алға ұмтылу қасиеттерін жетілдіру, бір-бірін тыңдай

білуге тәрбиелеу.

Сабақтың көрнекілігі: интербелсенді тақта, оқулық, кітаптар.

Сабақтың әдісі: сұрақ-жауап, жаттығу жұмыстарын орындату.

Сабақтың барысы:

І. Ұйымдастыру

а) амандасу, түгелдеу

ә) түрлі-түсті қағаздар арқылы оқушыларды 4 топқа бөлемін.

ІІ. Үй тапсырмасын 4 топқа ұяшық таңдату арқылы пысықтаймын.

ІІІ. Жаңа сабақ. Қызығушылығын ояту.

• Балалар бүгінгі сабағымыздың тақырыбын білу үшін бейнеклипті

мұқият қарап, тыңдауларыңызды сұраймын.

Бейнеклип көру 1 минут.

• Біз не тыңдадық?

• Мұқағалидың рөлін сомдаған кім?

• Ол Мұқағали туралы не айтты?

• Драматург жазушы Серік Тұрғынбекұлы Мұқағали өмірін қалай сипаттайды?

Мағынаны тану. «Ұлылар сөзі» Диалогті оқыту.

• 1.«Егер мен туралы білгің келсе,түсінгілерің келсе,менің өлеңдерімді рет-ретімен оқы»,-деген болатын Мұқағали өз күнделіктерінде.

• 2. «Өлгеннен кейін дәріптеп отырмыз ғой. Мұқағали шын мәнісінде,ақындар арасындағы мықты ақын. Айналасындағыларға риза болмай кетті»-дейді қазақ вальсінің королі Ш.Қалдаяқов.

• 3.Әйгілі драматург жазушы Серік Тұрғынбекұлы : «Мұқағали өмірінің ерекшелігі-тұнып тұрған драма.Көшеге шықса,милицияға соқтығып қалады.Жиналыста әкім басшы, қаралармен соқтығысып қалады. Отбасында туралық айтып,әйеліне жақпай қалады,»-дейді.

• - Сонымен, балалар, айтылған сөздің авторы кім? (Ш.Қалдаяқов,Серік Тұрғынбекұлы)

• - Автордың сөзі кім туралы? М.Мақатаев

• - Міне, сөйлеушінің өз сөзін автор сөзі дейміз.

• - Ал, сөйлеуші жеткізген Ш.Қалдаяқовтің сөзі қайсы ?

• - Біреудің сөзінің бұлжытпай, өзгеріссіз берілуі төл сөз деп аталады.

• Сөйлеуші тарапынан өзгеріске үшырап біреудің сөзінің тек мазмұнын ғана сақтап жеткізуді төлеу сөз дейміз. Мысалы: С.Тұрғынбекұлы Мұқағали өмірінің ерекшелігі-тұнып тұрған драма екендігін айтқан болатын.

• - Енді, балалар, қандай тыныс белгілері қойылған? (: «» , - .)

• Автор сөзі төл сөздің кімнің сөзі екенін, кімге қаратылып айтылатынын, қандай жағдайда айтылғандығын белгілеп тұрады. Автор сөзі жазылуда тыныс белгілері арқылы ажыратылады. Төл сөз бен автор сөзі "де" (деді, деп, дейді, деген, дегендей) көмекші етістігі арқылы байланысады.

• Оқулықпен жұмыс.156-жаттығу

• Төл сөзді төлеу сөзге айналдырып жазу СТО технологиясы «Түртіп алу стратегиясы»

• І топ.Морфологиялық талдау жаса.

• ІІ топ.Синтаксистік талдау жаса.

• ІІІ топ.Сатылай кешенді талдау жаса.

• Шығармашылық жұмыс.

• І топ .Мына шығармадан төл сөздерді теріп жаз,тыныс белгісін қой.

• ІІ топ.Мына төл сөзді сөйлемдерді төлеу сөзге айналдыр.

• ІІІ топ.Мына мәтінді оқып шығып,диалог құрастыр.

• Сергіту сәті:

Видеороликтен көргені бойынша мәтін құрастырып, әр топтан 1 оқушы өз постерін қорғайды.

Қорытындылау. Әр топқа әдеби кітаптардан тапсырмалар беремін.

Үйге тапсырма.158-жаттығу .Төл сөзді төлеу сөзге,төлеу сөзді төл сөзге айналдырып жазып келу.

Бағалау. Сабаққа белсенді қатысып отырған оқушыларды бағалау.