Та?ырыбы: ?арумен сапты? т?рыс

Тақырыбы: Қарумен саптық тұрыс.

Мақсаты: Білімділік: оқушыларға қарумен саптық тұрысты, автоматты әр түрлі

жағдайда ұстауды, қарумен саптық тәсілдерді дұрыс әрі жылдам

орындауды үйрету;

Дамытушылық: саптық дайындық дағдыларын жетілдіріп дамыту;

Тәрбиелік: мерзімді әскери қызметке дайындап, әскери патриоттық тәрбие

беру.

Сабақтың түрі: практикалық.

Берілген уақыт: 45 минут.

Өту орны: Саптық алаң.

Сабақтың әдісі: баяндау, көрсету, жаттығу.

Көрнекілігі: АӘД оқулығы, АК- 74 макеті.

Сабақ барысы:

I. Ұйымдастыру кезеңі :

Оқушыларды сапқа тұрғызып, взвод командирінің рапортын қабылдау.

Оқушылармен әскери тәртіпте сәлемдесу.

Түгелдеу, формаларын тексеру.

ІІ. Өтілген тақырыпты сұрау кезеңі:

• бөлімшенің жазылма сабы қандай болуы мүмкін?

• бөлімшені 1 немесе 2 қатарлы сапқа тұрғызу қандай пәрмен бойынша жүргізіледі?

• бөлімше құрамын 1 немесе 2 қатарлы сапқа тұрғызу ретін айтыңдар.

қозғалыста бас киіммен және бас киімсіз әскери сәлемдесуді қалай орындайды?

IIІ. Негізгі бөлім:

1. Қарумен саптық тұрыс. «Бауды – босат (тарт!)» пәрменін орындау.

2. Автоматты «Белдікте» жағдайынан «Кеудеге» жағдайына орындау тәсілі.

3. Автоматты «Кеудеде» жағдайынан «Белдікке» жағдайына орындау тәсілі.

4. «Автоматты кеудеге! », «Белдікке!» тәсілдерін толық орындау. Тәсілді жұппен жаттығу.

5. «Қаруды – арқаға!», «Белдікке!» тәсілдерін орындау.

6. Автоматты «Арқада» жағдайынан «Белдікке» жағдайына алу.

7. «Қаруды – арқаға!», «Белдікке!» тәсілдерін толық жұппен орындап жаттығу.

Қарумен саптық тәсілдерді орындау барысында кездесетін негізгі кемшіліктер:

• автоматты иықтан алған кезде дененің алға еңкеюі, автоматтың денеден тым алшақтауы;

• саптық ережесінің дұрыс сақталмауы;

• бауды бастан асырғанда бастың алға еңкеюі;

• автоматты және бауды жоғары көтермеудің салдарынан баскиімнің түсіп қала беруі.

ІV. Қорытынды:

Саптық тәсілдерді дұрыс әрі жылдам меңгерген оқушыларды атап өту және бағалау.

Негізгі кемшіліктеріне назарларын аудару және оны жою жолдарын көрсету.

Үйге тапсырма беру. VI тарау. § 4.

Әскери тәртіпте қоштасу.