С?йлемні? т?рлаусыз м?шелері

Сабақтың тақырыбы: Сөйлемнің тұрлаусыз мүшелері

Сабақтың мақсаты:

1. Білімділік : тұрлаусыз мүшелер бойынша алған білімдерін жинақтау, тұрлаусыз мүшелерді ажырата білуге дағдыландыру.
2.Дамытушылық :оқушылардың байқампаздығын, ойлау шеберлігін, сөйлеу мәдениетін дамыту, шығармашылықпен жұмыс істеуге дағдыландыру, тіл байлығына үлес қосуға жол ашу.
3.Тәрбиелік: деңгейлік тапсырмалар арқылы ізденімпаздық қасиеттерін қалыптастыру, ұлттық құндылықтарды сүйе білуге тәрбиелеу.

Сабақтың түрі: жаңа сабақ

Сабақтың әдісі: жұптық жұмыс, сын-тұрғысының ойлау технологиялары, ой қозғау, сұрақ-жауап

Сабақтың көрнекілігі: кеспе қағаздар, слайдтар, интерактивті тақта

Сабақтың барысы:

І. Ұйымдастыру кезеңі:

а) Топқа бөлу.

-Сіздер қазір өздеріңізге ұнаған түстерді алып, орыңдарыңа барып отырыңдар.

ә ) Оқушылар топ ережесін қайталап шығады.

Топ ережесі:

• Сабақта бір-бірімізді тыңдау;

• Ойын ашық айта білу;

• Ұйымшылдық;

• Жаңалыққа құштар болу;

• Бір-бірін сыйлау;

• Берілген тапсырмаларды уақытында орындау;

• Біреудің сөзін қайталамау;

• Уақытты үнемдеу.

ІІ. Ой шақыру.

1. Сөзжұмбақ арқылы бүгінгі сабақтың тақырыбын анықтау.

"Сөйлемнің тұрлаусыз мүшелері"

2. Мысалдар айту: Айдар озат оқушы. Астанада қар жауды. Қанат саған хат жазды.

3. Сабақтың мақсатымен таныстыру.

ІІІ. Жаңа сабақ:

І айналым: Әр топқа тапсырма беріледі.

1. Сөйлемнің тұрлаусыз мүшелері, жасалу жолдары.

2. Әр топ ортаға шығып қорғайды.

ІІ айналым: Мәтінмен жұмыс.Тұрлаусыз мүшелерді тауып түрлерін ажырату.

Майра кітапты кітапханадан алды. Саят бүгін ерте тұрды. Мен бесінші курста оқимын. Халықаралық конференция Мәскеуде өтті. Олар Медеуді аралады. Кеше жел соқты. Әйгерім-әдемі қыз. Студент дәрісханаға кірді. Мәскеу қаласы-Ресейдің астанасы. Қыс ерте түсті. Ақшаңызды санап алыңыз. Талғат пен Ғалия театрга барды.Төбеден төмен қарай сырғанады.

ІІІ айналым. Семантикалық картамен жұмыс

ІV айналым. Бос орынға керекті тұрлаусыз мүшелерді қойып жазу.

І-топ. Құралай ... келді. ... екі томдық кітабы жарық көрді. Студенттер ... дайындалып жатыр. ... туристер келді.

Керекті сөздер: кеше, Мәскеуден, Абайдың, сессияға.

ІІ-топ. Шыңғыс ... курста оқиды. ... күз мезгілі. Кітапхана ... орталығында орналасқан. Мараттың мекемесі....

Керекті сөздер: қазір, қаланың, төртінші, үлкен.

V айналым. Шығармашылық жұмыс.

Екі топқа сурет беріледі, тұрлаусыз мүшелерді қатыстырып әңгіме құрастыру.

VІ айналым. Кубизм стратегиясы.

1. Пысықтауыш мағынасына қарай нешеге бөлінеді?

2. Анықтауыштың жасалу жолдары.

3. Тура толықтауыштың негізгі белгілері нешеу?

ІV. Сабақты қорытындылау.

VІІ айналым. Оқушылар қолдарының суретін салып, сөйлем мүшелерін жазып шығады.

V. Үй тапсырмасы: Газет-журнал беттерінен тұрлаусыз мүшелерді табу.

VІ. Рефлексия:

Не ұнады? Нені білдім? Не қиын болды?

VІІ. Бағалау: критерий арқылы