Саба? жоспары М.Ма?атаев «?мір с?рейік алмасып» ?ле?і

Сабақтың тақырыбы: М.Мақатаев «Өмір сүрейік алмасып» өлеңі

Сабақтың мақсаты: 

1.Білімділік

а) Мұқағали Мақатаевқа  арналған диафильм арқылы ақынның өмірі және  шығармашылығымен   таныстыру.

дамытушылық

а) Мәнерлеп оқу, талдау,  сұрақ-жауап, іздендіру, «Ой шақыру»,  «Топтастыру» ,  Блум таксономиясы, «Еркін жауап стратегиясы», «insert стратегиясы»   арқылы оқушылардың ойлау және тілдік қабілеттерін, қарым – қатынастық біліктілігін дамытуға  мүмкіндік  тудыру;

ә) Сөздікпен жұмыс, сұрақ-жауап,  аудару   арқылы оқушыларды қазақша сөйлей білуге дағдыландыруға  жағдай  жасау.

тәрбиелік

а) Қаламгердің өмір жолын оқушыларға  үлгі  ету;

б) «Өмір сүрейік алмасып» өлеңі  арқылы  ұлтжандылық сезім оятып,  табиғатты, елді сүюге, салт-дәстүрді құрметтеуге ой  салу.

Сабақтың  түрі:  жаңа  білімді   меңгерту  сабағы

Сабақтың көрнекілігі: оқулық,  слайд-презентация,  ақынның өімірі мен шығармашылығына арналған диафильм.

Сабақтың  әдіс-тәсілдері:  Сөздікпен  жұмыс, аудару  сұрақ-жауап, іздендіру,   түсіндіру,  мәнерлеп  оқу, талдау.

 Пәнаралық байланыс:  қазақ тілі,  орыс тілі.

Сабақтың барысы:

І. Ұйымдастыру кезеңі:     

— амандасу;

— кезекшінің жауабын тыңдау;

— оқушыларды түгендеу;

ІV. Жаңа сабақ:а) Мұғалімнің кіріспе сөзі (түсіндіру  арқылы):

Балалар, біз бүгінгі  сабағымызда  ұлкеннін де, кішінің  де сүйікті  ақынына айналған , Қазақстанның халық жазушысы,  «Ғасыр ақыны» аталған Мұқағали Мақатаев  туралы  сөйлеспекпіз. Мұқағали Мақатаев Алматы облысы,Нарынкөл ауданында дүниеге келді. Ол «Аққудың қанатына жазылған жыр», «Аққулар ұйықтағанда», «Дариға-жүрек» жинақтары арқылы әдебиетке қосылған талант екенін танытты. Ақын тау мен даласын, ұлы Отанын, адамзаттың асыл бесігі-жұмыр жерді сүйеді, қадірлейді. Мақатаев өлеңдерінде адамдар бойындағы асыл қасиеттерді барынша дәріптеумен бірге, өмірде іске енжарлық, бойкүйездік, даңғойлықты қатты сынады. Оның жүрекке жылы, сезімге әсерлі, кімге де болса тіке айтатын өткір әрі сұлу жалын атқан жырларын оқушы қауым сүйіп оқиды. 2011  жылы ақиық ақынның 80- жылдығы елімізде кең тойланды.

Оқулықпен жұмыс:

Ақын туралы мәліметпен танысу

Сұрақтар құрастырып, бір-бірлеріне сұрақ қою (жүппен жұмыс)

«Ой шақыру» бағыты.

А)өзім мәнерлеп оқимын;  

ә) оқушылар әр шумағын жеке-жеке оқиды;

Сөздік жұмысы

(Жаңа сөздермен сөз тіркестерін, сөйлемдер құрастыру.)

қайың – береза

жанымды айырбастайын – меняемся душами

адам көзімен – человеческим взглядом

нәр алдың – питался

ұзақ жасайсың – долго будешь жить

құрдасы келер заманның – ровесник будущей эпохи

ІҮ.Бекіту

1.Өлең мазмұны бойынша сұрақтар:
1. Өлең кейіпкерлері кімдер?
2. Ақын сөзін неге арнап айтқан?
3. Өлеңде қайың туралы не айтылған?
4. Қай сөз тіркестері қайталана береді?
5. Ақын өлеңді қандай көңіл-күймен жырлаған?
6. Өздерің білетін өмір туралы мақал-мәтелдерді естеріңе түсіріңдер.

.Қазақ тіліне аударыңдар.

(Сөздерді қазақ тіліне аударып, сөз тіркестерін құрау.)
Жүрек, жан, айырмашылық, дүние, өмір, заман.

Өлең мазмұнымен жұмыс

3.“Келгенде жасыл көктемің, 
Тірілер қайта дүркіреп.”
1. Өлеңде табиғаттың қай мезгілі туралы айтылады?
2. Көктемде ауа райы қандай болатынын байқадыңдар?
3. Көктемде жануарлар қандай күйде болады?

4.“Рафт” әдісін қолдану

РОЛЬ - қайың

Аудитория - адамзат

Форма – хат

Тақырып - өмір

5. Кестені толтыру

Лирикалық шығармаларды талдай білу іскерлігін дамыту.

Өлеңнің аты

Тақырыбы

Лирикалық кейіпкер

Ақынның айтар ойы

Өз қабылдауың

Оқушылар сезімдерін, алған әсерлерін, өз ойын жазады.

Ү.Қорытындылау

Мұқағали үшін өлең жазудан артық бақыт болмаған. Ол өлең боп өмір сүрді, өлең боп өмірден өтті.
Артына мол мұра қалдырған Мұқағали:
Нұр жауып тұрған көктемде,
Гүл тере барсаң бөктерге,
Қоңыраулықтан аспанды
Найзағай шаншып өткенде
Есіңе мені алғайсың, - 
деп өсиет етті...

ҮІ.Үй тапсырмасы

М.Мақатаев өмірі мен шығармашылығын мазмұндау;

Өлеңді жаттау.

ҮІІ.Бағалау