Саба?ты? та?ырыбы: Жануарлар ?лемінде

Сабақтың тақырыбы: Жануарлар әлемінде

Сабақтың мақсаты:

1. Өткен ая тақырыптары мен сөйлем түрлерін қайтаталау, жылдық кесінді – мазмұндамаға дайындалу.

2. Оқушының ойлау қабілетін, тілін дамыту, өз бетінше жұмыс жасауға баулу.

3. Тапқырлыққа, шапшаңдыққа, мысалдар арқылы танымдық қасиеттерін шыңдауға, ой-қиялын өз сөзімен айта білуге тәрбиелеу.

Сабақтың түрі: аралас сабақ.

Сабақтың әдісі: топтастыру, ой қозғау, айтылудың бес әрекеті, т.б.

Сабақтың көрнекілігі: интерактивті тақта (флипчарттар мен бейнеролик, суреттер мен аудиожазба).

Сабақтың барысы:

І. Ұйымдастыру кезеңі.

ІІ. Үй тапсырмасын тексеру: «Үйшік» ертегісінің жазба аудармасын жинап алу.

ІІІ. Жаңа сабақ:

1) Мотивация.

1.1. Сабақтың тақырыбы мен мақсатына шығу үшін бір минуттік бейнеролик көру.

1.2. Көру диктанты (WORD презентациясы арқылы жануарлар суреттермен жұмыс жасау).

1) Суреттер ішінен 1 топ төрт түлік малды, 2 топ жабайы жануарларды, 3 топ жыртқыштарды, 4 топ қасиетті (киелі) жануарларды теріп жазыңдар.

2) Берілген тақырыпша бойынша бір сөйлем құрастырыңдар.

2) Грамматикалық тақырыпты қайталау.

2.1. Сөзжұмбақты шешіңдер.

2.2. Жазған сөйлемдеріне синтаксистік талдау жасаңдар.

3) Ертегімен жұмыс.

3.1. Суретпен жұмыс.

3.2. Тыңдалым: Аудиожазбаны тыңдау.

3.3. Оқылым: Мәтінді іштей оқып шығу.

3.4. Мәтінмен жұмыс: Ертегі мазмұны бойынша тапсырмаларды орындау.

1) Ертегіні атаңдар.

2) Тиісті сөздерді қойыңдар.

3) Қай сөздер ертегіде бар? Қайсылары жоқ?

4) Сұрақтарға жауап беріңдер?

5) Қарама-қарсы сөздерді табыңдар.

6) Ертегінің мазмұны бойынша қателерді түзетіңдер.

1. Бір түлкі орманда жүгіріп келе жатады да, әдейі терең апанға түсіп кетеді .

2. Шыға алмай тұрғанда, бір қой су іздеп жүреді де, апанға кез болып, қасқырды көреді.

3. Ешкі: "Сен де салқындайын, әрі шырын ішейін,"- деп ойлап, апанға секіріп түсті.

4. Сонда ақымақ түлкі ешкінің астына секіріп, онан соң мүйізіне табан тірепті де, көшеге шығып кетіпті.

5. "Өтірікке сен, аяғың бәлеге душар болар" деген сөз осыдан қалыпты.

7) Оқыңдар. Үзінділерді ертегі мазмұны бойынша рет-ретімен белгілеңдер.

Сонда қу түлкі секіріп, ешкінің үстіне мініп, онан мүйізіне табан тірепті де, далаға шығып кетіпті.

Шыға алмай тұрғанда, бір ешкі су іздеп жүріп, апанға кез болып, түлкіні көреді.

- Ой, не қыласың, жаным жай тауып тұр. Қырда әрі сусап, әрі ыстықтап өліп едім. Апанның іші әрі салқын, әрі түбінде тұнық суы бар екен, - депті түлкі.

Мұны естіп ешкі: "Мен де салқындайын, әрі су ішейін",- деп ойлап, апанға секіріп түсіпті.

Бір түлкі қырда жүгіріп келе жатады да, абайсызда терең апанға түсіп кетеді .

- Ей, түлкі батыр, не қылып тұрсың? - сұрапты ешкі.

"Өтірікке алданба, басың бәлеге душар болар" деген сөз осыдан қалыпты.

ІV. Рефлексия: Ертегінің мазмұнын әңгімелеу.

1) Ертегі қалай аталады?

2) Ертегі не туралы?

3) Ертегі саған ұнады ма?

V. Бағалау: бағалау парағын толтыру.

VІ. Үйге: Ертегінің мазмұнын жазу, өз ой-пікірлеріңді білдіру.