Разработка урока производственного обучения "Adobe Photoshop графикалы? редакторында суретті монтаждау."

Өндірістік оқыту.

Сабақтың тақырыбы: Adobe Photoshop графикалық редакторында суретті

монтаждау.

Сабақтың мақсаты:

Білімділік: Студенттерді Adobe Photoshop бағдарламас арқылы фотосуреттегі адамның келбетін монтаждауды үйрету.

Дамытушылық: Студенттердің логикалық және фантазиялық ойлау қабілеттерін арттыру, өз пікірін айтуға, өздігінен және топпен жұмыс істеуге дағдыландыру,ғылыми көзқарастарын арттыру.

Тәрбиелік: Студенттерді техникалық қауіпсіздік ережесін сақтауға, ұжымшыл-дыққа, еңбекқорлыққа, уақытты үнемдей білуге, тиянақтылыққа тәрбиелеу.

Сабақтың типі: Практикалық сабақ

Сабақтың әдісі: Сұрақ-жауап, түсіндіру,тест, ойын, кубизм, БҮҮ стратегиясы, жаттығу.

Пәнаралық байланыс: орыс тілі, ағылшын тілі, сызу, бейнелеу, информатика.

Сабақты өткізу орны: №6 Компьютер кабинеті

Өткізу уақыты: 6 сағат

Сабақта орындалатын оқу- өндірістік жұмыстар (жаттығулар) :

№1. «Лечащая кисть» құралын қолданып, беттегі артық дақтарды кетіру.

№2. «Полигинальное лассо» құралын қолданып, көздің қарашығыныңның түсін өзгерту.

№3. «Перо» құралын қолданып, шаштың түсін өзгерту.

№4.»Кисть» құралын пайдаланып, ерін бояу.

Сабақтың материалдық – техникалық жасақталуы: Интерактивті тақта, компьютер,веб камера, флипчарт , кубик, БҮҮ кестесі, бейнеролик « Как изменить цвет волос с помощью Photoshop», Adobe Photoshop бағдараламасы.

Сабақтың барысы:

Ұйымдастыру кезеңі: 10 мин

1.Студенттермен амандасу, сабаққа қатыстарын түгендеу.

Тренинг «Сәлемдесу» студенттер бір-бірімен Филлиппин елінің сәлемдесу рәсімі арқылы амандасады.

(Филиппин елінде сәлемдесу рәсімі жас ерекшеліктеріне байланысты әр қилы. Мысалы, жас жігіт үлкен кісіні көрген кезде ол басын изеп, оң қолымен үлкен кісінің оң қолын ұстайды. Кейін саусағының ұшын оның маңдайына тигізеді де «мано по» деп айтады. «Мано» - қол, «по» - құрмет деген мағына береді).

2.Жұмыс орнын дайындау.

3.Зейіндерін сабаққа аудару.

І.Кіріспе нұсқау: 50 минут

1. Үй тапсырмасын сұрау, бекіту.

1.1 «Кубизм стратегиясы.

/ кубикті лақтыру арқылы сұрақтарға жауап беріледі.Кубиктің алты бұрышына 1,2,3,4,5,6 сандары жапсырылады және сандарда жасырылған сұрақтарға жауап алынады.

1.Фотошоп қандай редактор ? Программаның іске қосылуы?

2.Құжаттарды ашу және сақтау , құжаттың кеңейтілімі?

3. Adobe Photoshop программасының терезе элементтері? Файл, Редактирование, Слой, Изображение, фильтр менюлері қандай қызмет атқарады?

4. Adobe Photoshop программасының терезе элементтері? Выделение, вид, Окно, Помощь менюлері қандай қызмет атқарады?

5.Негізгі палитралар қандай түстерден құралады?

6.Фотошоп құралдары қандай құралдардан тұрады?

1.2. Кестемен жұмыс.БҮҮ» стратегиясы .

Білетінім	Үйренгенім келеді	Үйренгенім

Әр студентке БҮҮ кестесі орналасқан парақ ұсынылады. Студенттер кестенің «Білетінім» бағанына өздерінің білетіндерін, «Үйренгім келеді» бағанына фотошоп программасында не жасап үйренгілері келетіндіктерін толтырады. «Үйренгім келеді» бағаны арқылы жаңа сабақ байланысады. «Үйренгенім» бағаны сабақ соңында толтырылады.

2.Жаңа сабақ.

Adobe Photoshop - фотосуреттерді өңдеуде, түзетуде ең кең тараған бағдаралама. Мұнда фотосуреттің жарықтығын күшейтуге, әлсіретуге, қажет емес элементтерді алып тастауға немесе бір элементті қосуға , артқы фонын өзгертуге, суретті әсемдеуге т.б. болады.

Полигинальное лассо құралын қолданып көздің қарашығы-ныңның түсін өзгерту.

1. Полигинальное лассо → мұқият көздің қарашығын ерекшелейміз

2. Изображение → Регулировки – Оттенок /насыщение

3. Тон/Насыщенность → Тонировать өрісінде қанат белгішесін қоямыз

→ОК.

1. Бейнені қажетті форматта сақтаймыз.

Видеоролик «Как изменить цвет волос с помощью Photoshop? »

ІІ.Ағымдағы нұсқау

Студенттердің өздігінен істейтін жұмысы (жаттығулар) және ағымдағы нұсқау

/4 сағат 30 мин/ уақыт.

Студенттермен орындалатын жұмыстардың /жаттығулардың/ мазмұны:

Тапсырма№1. Лечащая кисть құралын қолданып, беттегі артық дақтарды кетіру.

1 -суретте бейне көрсетілген, бейнеге қарама-қарсы жарықтық түсіріп, қажет емес элементті алып таста.

1. Файл → открыть → изображение

2. Лечащая кисть →Alt пернесін жібермей басып отырамыз → терідегі меңнің қасынан тышқанмен түртеміз.

2-сурет . Лечащая кисть іс жүзінде терінің бір аймағынан басқа аймаққа білдіртпей орын ауыстырылуы.

Суреттің сол жағы-түп нұсқасы, оң жағы-өзгертілгені.

3. Изображение → Регулировки → яркость/контраст 4. Бейнені фотосурет форматында сақта .

№2. Перо құралын қолданып шаштың түсін өзгерту.

1.Қажетті файлды ашыңыз → слой тақтасында кілтті алып тастаймыз.

2. Перо → Пути құралын таңдап шашты ерекшелейміз.

3. Сделать выделение → Радиус растушевки писелы өрісінде 1 санын енгізіп → ОК батырмасын шертеміз.

4. Изображение → Регулировки –Оттенок/Насыщение командасын таңдаймыз.

5. Тон/Насыщенность → Тонирование өрісіне қанат белгішесін қойып → ОК батырмасын шертеміз.

6. Слой → Создать новую заливку или уровник →Уровни немесе Кривие командаларының бірін қолданамыз.

7. Файлды .JPG,JPEG,JPE форматында сақта.

№3.Кисть құралын пайдаланып ерін бояу.

1. Слой→ новый → слой → немесе Ctrl+J пернелері арқылы..

2.Кисть →түстер палитрасынан қызыл түс таңдау →ерінді кисть арқылы бояу

3. Слой → Мягкий цвет режимін таңдаймыз.

4. Файлды қажетті форматта сақтаймыз.

Өз бетімен жұмыс

Тапсырма № 1 . Полигинальное лассо құралымен бейнені басқа фонға орналастыру.

Тапсырма № 2 . Рамканың стилін өзгерту.

Жаңа сабақты бекіту:

«VIP test» бағдарламасы арқылы студенттердің алған білімдерін анықтау.

Тест

1.Шашты ерекшелеу кезінде Радиус растушевки пикселі қанша болады?

1.3

2.2

3.0

4.1

2. Көз қарашығын ерекшелеу кезінде Радиус растушевки пикселы өрісінде қанша пиксель береміз?

1.3

2.2

3.0

4.1

3. Многоугольное ласссо, перо құралдары қандай қызмет атқарады?

1.Бейнелерді бояйды

2.Бейнелерді бір жерден екінші жерге алмастырады

3. Бейнелерді ерекшелейді

4. Бейнемен жұмыс жасайды.

4. Жаңа слой қосу үшін

1. изображение – слой- новый

2. Слой-новый- слой

3. Слой- данные –слой

4. Выделение- новый-слой

5.Лечащая кисть құралының қызметі?

1. Бейнені ерекшелейді

2.Бейнедегі артық нысандарды алып тастайды

3. Бейненің жарықтығын күшейтеді.

4. Бейнеге бір элемент қосады.

6.Бейнеге көлеңке түсіру

1. Изображение – регулировки - Яркость /контраст

2. Изображение – регулировки - Тень/Блик

3. Слой- регулировки - Тень/Блик

4. выделение - регулировки - Тень/Блик

7.Бейненің өлшемін өзгерту

1. Изображение – Размер изображение

2.Вид- Размер изображение

3. Редактирование – Размер изображение

4.Окно- Размер изображение

8. сурет салу, ретеуіш құралдар

1. кисть, емдеуші кисть, ластик,

2.Тіктөрбұрыш, лассо, сиқырлы таяқша,

3. Рука,жарықтандырғыш, перо

4.Ластик, перо, тіктөртұрыш

9.Бейнелердің түсін, өлшемін, режимін өзгерту менюі

1. файл

2. редактирование

3.Изображение

4. Окно

10. Бейнедегі ерекшелеуді алып тастау қай меню арқылы жүзеге асырылады?

1. радактирование

2. Выделение

3.Изображение

4. Вид

ІІІ.Қорытынды нұсқау . 15-20 минут

1. Әр студенттің жұмысы тексеріліп, талқыланады.

2. БҮҮ стратегиясы. Кестенің « Үйренгенім » бағаны толтырылады.

Жұмыс орнын, құрал-жабдықтарды, аспапты жинау:

Компьютердің бағдарламаларын талапқа сай аяқтату, жұмыстарын алдымен сақтату.

Бағдарлама терезесін жабу,компьютер жұмысын аяқтау.

Жұмыс орнын ретке келтіру.

Бағалау.

Кері байланыс: Студенттер бүгінгі сабақ бойынша өз ойларын ортаға салады.

Үйге тапсырма: 1. «Adobe Photoshop мүмкіндіктері» тақырыбында эссе жазу.

2.«Adobe Photoshop» бағдарламасына интернеттен материалдар жинақтап келу.

Тренинг «Жарайсың» .