Разработка урока: "Тәуелсіздік жырындағы қазақ әдебиеті. Роза Мұқанова - жазушы-драматург"

9 «АБ» сыныбы қазақ әдебиеті 06.05.2016

Сабақтың тақырыбы: Тәуелсіздік жырындағы қазақ әдебиеті.

Роза Мұқанова - жазушы-драматург

Сабақтың міндеті: Оқушыларға имандылық, азаматтық. Гуманистік қасиеттер дарыту.
Сабақтың мақсаты:

1.Білімділік: Роза Мұқанованың өмірбаяны мен шығармашылығы туралы мәлімет беру. 2.Тәрбиелік: Оқушыларды ұлтжандылыққа, елін, жерін сүюге тәрбиелеу. Тәуелсіздіктің қадірін білуге шақыру.

3.Дамытушылық: Оқушыларды жазушының тіл шеберлігіне назар аударта отырып, оқушылардың ойлау қабілетін, тіл байлығын дамыту. Оқушылардың салыстыра білу, зерттеу, қорытынды, тұжырым жасау сияқты дағды-машығын дамыту;

Көрнекіліктер: Қазақстан тарихы, географиялық карта, Роза Мұқанованың слайды, үнтаспа, сызбалар.

Әдістер: Баяндау,әңгімелеу, түсіндіру, сұрақ – жауап,көрнекілікті қолдану.

Сабақ барысы :

1. Ұйымдастыру кезеңі. 1. Сәлемдесу. 2. Түгендеу.

2. «Ой қозғау» стратегиясы:

1. Сен қай республикада тұрасың ? (Қазақстан)

2. Қазақстан қандай мемлекет? (Тәуелсіз,көпұлтты,егеменді)

3. 2015 жылы Тәуелсіздікке неше жыл (24жыл)

4. Сен туған өлкеңді сүйесің бе ? (сүйемін,мақтан етемін)

5. Сенің туған жерің қай жер? (Шығыс Қазақстан)

III. Жаңа сабаққа дайындық :

Тәуелсіздік – қазақ халқының ғасырлар бойы күткен асыл арманы, ар-намысы.Қазақ елі тарихи даму жолында бойындағы ақыл-парасатын, еңбегі мен ерік-жігерін Тәуелсіздік атты ұлы ұғыммен байланыстырды.

Қазақстан Республикасы тәуелсіздігін алып, демократиялық даму жолын таңдады.Еркіндікті аңсаған қазақ ақын-жазушылары үшін бұдан асқан бақыт, қуаныш болмады.

Қазақ әдебиеті қазіргі кезеңдегі әлеуметтік-қоғамдық мәселелерді, мәдени рухани жағдаяттарды, заман талаптарын кең көлемде көрсетіп келеді. Қазіргі қазақ әдебиетінде адам мен оның еңбегі, заманға көзқарасы, елімізде кең өріс алған демократия, тәуелсіздік талаптары көрініс табуда.

Соңғы жылдары әдебиетте ой еркіндігімен, талғам биіктігімен танылып үлгерген бір топ жас буын өкілдері бар. Сол топтан шыққан Асқар Алтай, Талаптан Ахметжан, Нұрғали Ораз және біздің жерлесіміз Роза Мұқанова.

Бүгінді сабағымызда Роза Мұқанова туралы айтамыз.

VI. Жаңа сабақ:

1. Сабақтың тақырыбы мен мақсатымен таныстыру.

Сабақтың негізгі бөліміне көшу үшін оқушыларды 3 топқа бөлемін.

Топен жұмыс:

I топ - Роза Мұқанованың өмірбаяны

II топ- Роза Мұқанованың еңбектері

III топ- Роза Мұқанованың сыйлықтары

Роза Мұқанова

1964 жылы 14 қазанда Шығыс Қазақстан облысы, Үржар ауданы, Көлденең ауылында дүниеге келген. 1987 жылы ҚазМУ-нің журналистика факультетін тамамдады. 1987 жылы Орталық мұражайдың Әдебиет және өнер бөлімінде қызмет жасады. 1989 жылы Қазақстан Жазушылар одағының Аударма коллегиясында аға редактор болды. Қазір ҚР Ақпарат министрлігінде жауапты қызметкер.

«Жарық дүние» (1994), «Дүние кезек» (1997) әңгімелер жинағы, «Құдірет-Кие» (2000) әңгімелері мен драмалық хикаяттары жарық көрді. 2001 жылы Рабғұзидің «Қисса-сүл-Әнбий-я» кітабын алғаш рет қазақ тіліне тәржімалады.

1996 жылы Қазақтың мемлекеттік М.Әуезов атындағы академиялық драма театрында «Мәңгілік бала бейне» пьесасы қойылды. 1997 жылы Ғ.Мүсірепов атындағы мемлекеттік академиялық  жастар мен балалар театрында М.Әуезовтің «Қаралы сұлу» әңгімесінің желісінде драмалық қойылымы сахналанды.

2001 жылы Ш.Айманов атындағы «Қазақфильм» киностудиясы «Қыз жылаған» әңгімесінің желісімен кино түсірді.

Қазақстан Жастар одағы сыйлығының, «Жалын» журналының Т.Айбергенов атындағы сыйлығының (1989), Халықаралық «Алаш» әдеби сыйлығының (2002, «Құдірет-Кие») лауреаты.

V. Жаңа сабақты бекіту:

1. Кестені толтыру.

VI. «Менің елім» әнін Мұзарт тобымен бірге орындау.

VII Қорытындылап бекіту: Әр адам өзінің елін, жерін, Отанын, Республикасын сүйіп, қадір тұтуы керек.

VIII. Үйге тапсырма: 263бет (оқулық), 1 –3 сұрақтар мен тапсырмалар, 105-107 беттер (хрестоматия).