?зін - ?зі тану п?нінен саба? жоспары "Салауатты ?мір салты"

Сабақ мақсаты:оқушыларға салауатты өмір салтын ұстануын дұрыс әрекет екендігін ұғындыру;

Міндеттері:

-салауатты өмір салтының мәнін түсіндіру;

-зиянды заттарды қолданудың алдын алуы;

-салауатты өмір салтын ұстануға,тазалыққа,ұқыптылыққа,адалдыққа тәрбиелеу;

Ресурстар:(құралдар, мәлiметтер)

Дәйексөз,ұнтаспа,аңыз,әндер жинағы.

Сабақ барысы:

1. Ұйымдастыру кезеңi. Тыныштық сәтi.

Маужырап отырған күйдегідей ыңғайланып отырыңдар.Көзімізді жұмамыз.Ыстықтан әбден маужырап,тіпті саусағыңды да қимылдата алмайтындай әсер болғаны дұрыс.Басқа тітіркендіргіштер әсер етпес үшін көзіміз жұмулы болу керек.Алдымен еркін,жайлап,тыныс алыңыздар./6-8рет/.Қарныңмен ауаны жұтып,ауыз арқылы жіңішке әрі әлсіз лепті үрлеп шығара отырып,сен сол үрленген леппен аяғыңнан мойныңа дейін бүкіл денеңді бүркемелеп қойғандай ойша елестетіңдер.Осы жаттығуды 4-5рет қайталап,дем шығарғанда ойша: «Мен өз сезімімді ұнамсыз эмоциялардан арылттым»-деп айтамыз.Одан кейін екі рет дем шығарғанда «Енді мен ұнамсыз эмоциядан арылдым» -деп айтамыз.Жаттығуды жасап болғаннан кейін денелерімізді бос ұстап,әлденеден үрікпей,өзімізді жақсы сезінетін болайық.Енді көзімізді ашып,айналаға күлімдей қараңыздар.

1. Үй тапсырмасын тексеру

Салауатты өмір салты туралы түрлі суреттер әкелу керек,тексеріледі.

Сабақ барысын талқылау:

1. Дәйек сөз.

«Өмірді әрқашанда қуанышты сезіммен қабылда,ол сенің даналығыңды көрсетеді.» М.Монтень

-мағынасын қалай түсінеміз?

- қуанышты сезім болуы үшін нестейміз?

1. Әңгiмелеу (сұхбат).

Аңыз әңгіме: Қарттың әңгімесі. /8 сын,әд құрал,130-б/

-Өзгелерге зиянды заттарды ұсынатын адамдар үнемі шындықты айта ма?

-Кейбір адамдар неліктен темекіге,ішімдікке әуес болады?

-Зиянды нәрселердің адам денсаулығына қаншалықты қауіпті екенін білесіңдер ме?

-Зиянды нәрселерден қалай бас тартуға болады?

1. Шығармашылық жұмыс, топтық жұмыс.

Үйден әкелген суреттерден коллаж жасап,құрастырып,постер қорғаймыз.

1. Топпен ән айту.

«Жастар әні» Қ.Жұмағалиевтің әнін орындаймыз.

1. Үй тапсырмасы.

Ұ.Есдәулетовтің «Қара пима» поэмасын оқу. Сіздерге арнап кеңес беріледі.Салауатты өмір салтын сақтауға кеңесімді қабылдаңыздар:

• Ұстанымың-салауатты өмір салты болсын және оны бұлжытпай сақта;

• Денсаулығыңды жастайыңнан сақта;

• Әркез,мейірімді,ұстамды,сабырлы,ақылды бол,мазасыздық пен қобалжу жүрекке күш түсіреді;

• Жақындарыңды құрметте,ақыл-кеңестеріне құлақ сал-олар сенің өміріңдегі басты құндылықтар;

• Өзіңе қызықты,рухани жақтан қанағаттандыратын іс-әрекеттеріңді таңдап ал;

• Таза ауада көбірек болуға тырысып,дене еңбегімен шұғылдан;

• Уайым-қайғыға берілме,көңіл-күйіңді түсірме;

• Қалыпты нәрсенің бәрі денсаулыққа пайдалы,ал шамадан тыс нәрсе зиянды;

• Жаның мен тәніңді мұқият тыңдай біл,оны сезін,зертте,сырына үңіл,үніне құлақ сал;

/үлестіріліп беріледі./

1. Соңғы тыныштық сәтi.

Көзімізді жұмып,бір сәт баяу музыканы тыңдап,жер бетінде өмір сүретін әрбір адамның бақытты болуға ұмтылу-заңдылық.Ендеше бақыт дегеніміз не, ол ұзақ,зор денсаулық, жалындаған жастық,терең білім. Осыған қарама-қарсы бақытсыздық деген бар.Сондықтан адамдар бақытты болуға талпынып,бақытсыздықпен күресуі үшін салауатты өмір сүруге ұмтылуы керек.Осы сабақтан алған әсерлерімізді жүрегімізге түйіп алайық. Сабақ аяқталды.Сау болыңыздар.