Открытый урок "Рик1к1ен"

МБОУ «Лологонитлинская средняя общеобразовательная школа»

Открытый

урок

тема:

Подготовила учительница

родного языка и литературы

Пахрудинова Айшат Назирбеговна

Лологонитль 2019с.

Дарсил тема:Рик1к1ен

Дарсил мурадал:

1. Лъай кьеялъул:

- Рик1к1еналъул х1акъалъулъ лъай г1ат1ид гьаби.

2. Лъай цебет1еялъул:

-Авар мац1алде рокьи бижизаби

- Хъвавул бажари цебет1езаби.

- БатIи –батIиял даражаялъул тIадкъаял тIуразари

-Хъвавул ва кIалзул калам цебетIезаби

3. Тарбия кьеялъул:

- Нилъерго мац1ги ц1арги к1очене бегьунгут1и бич1ч1изаби.

- Кицабаздалъун малъа-хъвай гьаби.

Дарсил алатал: т1ахьал, раг1икъот1, компьютер, кицаби хъвараб плакат, суратал.

Дарсил план.

1. Класс дарсиде х1адури

1. Синонимал рате.

1. Антонимал рате.

1. Раг1икъот1(дарсил темаялъул ц1ар рагьи)

2. Тестал

3. Кицаби

4. Х1алт1и гьаби (№1,гьумер 82)

5. Мисалал ц1ализе ва хъвазе

6. Гъалат1ал рит1изаре

1. Бицанк1аби ч1вай

2. Суалал

3. Дарсил х1асил гьаби (Рефлексия)

4. Рокъобе х1алт1и кьей

Дарсил ин.

1. Класс дарсиде х1адури

1. Синонимал рате

-Т1оцебесеб х1убиялда хъварал раг1абазе к1иабилеб х1убиялда ругел раг1абазулъ синонималлъун кколел раг1аби рате, гьоркьоб х1учч ц1ай.

Г1ЕНЕККАНА

Ц1ОРОРАБ

КОЧ1ОХЪАН

ХЕХАБ

ПОДПИСЬ

БИЛАНА

Г1АНТАВ

ШАГ1ИР

ГЪУЛБАС

Г1АДАЛАВ

Г1ИНТ1АМУНА

КВАЧАРАБ

Т1АГ1АНА

Г1ЕДЕРАБ

1. Антонимал рице.

Ч1ЕГ1ЕРАБ (хъах1аб)

ЛЪИК1АБ (квешаб)

К1УДИЯБ (гьит1инаб)

БОРХАТАБ (т1уцаб)

ВАС (яс)

Т1АД (гъоркь)

ХАЛАТАБ(къокъаб)

1. Раг1икъот1 (дарсил темаялъул ц1ар рагьи)

-Гьал суратазул ц1арал хъвай.

-Сунда релълъараб раг1икъот1 лъугьараб нилъер?(щуйил тарихалда)

-Щуго –кинаб каламалъул бут1а кколеб?(рик1к1ен)

-Бит1ун буго, лъимал, жакъа нилъеца дарсида рик1к1еналъул бицине буго.

-Нилъер жакъасеб дарсил тема буго « Рик1к1ен такрар гьаби»

Дарсил мурадал: 1.Рик1к1еналъул х1акъалъулъ лъай г1ат1ид гьаби, гьелъул х1акъалъулъ щвараб лъаялъул хал гьаби.

2. Авар мац1алде рокьи бижизаби.

3. Нилъерго мац1ги ц1арги к1очене бегьунгут1и бич1ч1изаби.

1. Тестал

1.«К1инусазарго»-хъвала

А)Рек1ун Б)Бат1а В)Дефисгун

2. Предметалъул ирга ва къадар бихьизабулеб каламалъул бут1а ккола:

А)Предметияб ц1ар Б)Рик1к1ен В)Прилагательное

3. «Миллион»-каламалъул бут1а:

А)Предметияб ц1ар Б)Рик1к1ен В)Прилагательное

4.каламалъул бут1аби рикьула к1иго группаялде:

А)Г1адатал ва бак1алъул

Б)Г1адатал ва журарал

В)Жалго жидедаго ч1арал ва кумекалъул

5.Къадаралъул рик1к1еназул ахиралда хъвала:

А) О Б)У В)Н

6. Журарал рик1к1енал хъвала:

А)Рек1ун Б)Бат1а В)Дефисгун

7. «Щуго-анлъго»-ккола:

А)Цадахълъиялъул

Б)Г1ага-шагарлъиялъул

В)Т1олголъиялъул

8.Кида рик1к1ен падежазде сверулеб?

А)Кидаго

Б)Цадахъ предметияб ц1ар бугони

В)Предметияб ц1аралъул бак1алда х1алт1изабун бугони

9.Къадаралъул рик1к1еналда хадуб предметияб ц1ар кинаб формаялда бук1унеб?

А)Цолъул

Б)Г1емерлъул

10. «2894»-тарих х1арпаздалъун хъвай.

1. Кици (Г1урус мац1алде буссинабе)

-Гьудул нусгоги дагьав, тушман цоги г1емерав

-Сто друзей у тебя- мало друзей у тебя; враг у тебя один – много врагов у тебя.

Гьудуллъиялъул кеч1

• Дие тушманасул гъванща бокьула,

• Дие гьудуласул гьумер бокьула,-

• Гьудуллъидул рахъалъ ах1илин цо кеч1.

• Дун г1ураб ракь буго кьурабаз ц1ураб.

• Гьелъул лъимал руго лъабго хъат ц1урал,

• Ц1ар буго васазул нусго хъат ц1ураб.

• Гьаниб г1олохъанлъи халат бук1уна,

• Херлъи , гьит1инаб мех къокъаб бук1уна.

• Къан рачелгун ,нусго соналъ хьвадула.

•  

• Цо нухалда херав маг1аруласда,

• Хвел аск1обе бач1ун, гьикъардун буго,

• Гьелъ пашманаб хабар байбихьун буго:

• Хвелалъ абун буго дур къоял щванин,

• Къокъиналда цебе дуца бицеян

• Гьаб дунялалда т1ад дурго г1умрудул.

• Херас жиндир г1умру, халатаб г1умру

• Г1одовго ч1еч1ого, къокъго бицана…

• Бицине жо гьесул дагьаб бук1ана:

• Гьав радал вахъана, къаси вегана,

• Къад лъабабго нухалъ ригьда кванана.

• Я чагъир, г1аракъи – щибго гьекъеч1о.

• Гьас жеги лъийниги квешлъи гьабич1о,

• Гьереси бицинч1о, бикъа-хъамич1о.

• Рукъ тун къват1исеб бак1 щибго ц1ехеч1о.

• Гьебмехалда хвелалъ гьесда абуна:

• Мун г1езег1ан лъик1аб чи вук1ун вугин,

• Лъик1ал гьудулзаби ратила дурин.

• Гьедиг1анги соназ ч1аго телин мун,-

• Гьел тун мун вачине рак1 гурх1илин дир.

• Херав балагьана , гьав пашманлъана

• Цох1ониги гьудул жиндир вук1инч1ин,

• Жеги хъизан-лъади- гьебцин бук1инч1ин.

•  

• Гьудуллъи гьеч1ого г1умру гьеч1илан,

• Дида гьанжелъаг1ан мун щай лъач1евин,

• Ана херав вачун хвелалъ гьебсаг1ат…

• Дир халкъалъ абуна бит1ун гьабунин-

• Гьудуллъи гьеч1ев чи – чи гурин гьеван,

• Чол малакь хут1изе кколин хвезе гьев.

•  

• Нек1ого хвелаан дур муг1рул халкъал,

• Гьаб хирияб вацлъи бук1инч1ебани,

• Рек1елъа рек1елъе нух щвеч1ебани.

• Амма буго гьаниб г1аммаб биги т1ун

• Босараб гьудуллъи халкъазда гьоркьоб,

• Хвел гьеч1еб г1агарлъи Россиялдехун.

• Гьелъин гьанир чаг1и хеккого г1олел,

• Г1олохъанаб заман халат бук1унеб,

• Халкъазул гьунарал къват1ир раг1улел.

•  

• Гьудуллъи бищунго г1агараб буго,

• Гьудуллъиялде кеч1 г1емераб буго…

• Гьезда гьоркьоб гьабги бук1аян абе

-Коч1олъ рик1к1енал рате.

1. Х1алт1и гьаби(№1,гьумер 82)

(Гъалат1 биччач1ого, 80 секундалде кеч1 ц1ализе х1адурлъе.

Коч1олъ рик1к1енал рате. Гьезие суалал лъе. Кина-кинал разрядазул гьел кколелали баян кье. )

1. Мисалал ц1ализе ва хъвазе

8+7=15

15-6=9

40:5=8

4.2=8

1. Гъалат1ал рит1изаре

Ихдал маг1арухъе роржун рач1уна аза-азарго х1анч1и.

Анц1ила к1ияйго ясаз цо-цо ккун рекъезаруна т1угьдул памятникалда цере.

(Ихдал маг1арухъе боржун бач1уна аза-азарго х1инч1.

Анц1ила к1ияйго ясалъ цо-цоккун рекъезаруна т1угьдул памятникалда цере.)

1. Бицанк1аби ч1вай

-Азарго сон баниги, херлъулареб жо.

-Ич1-ич1 берзул бардахо.

-К1иго бет1ер, анлъго х1ет1е, цо рач1.

-К1иго эбел, анц1го т1инч1.

-К1иябго бадиб килщалги къазарун, билълъунеб жо.

-Цох1о эбелалъул аза-азар т1инч1, эбел яккарайго, т1олго рахчулел.

-Радал ункъида, къаде к1ийида, къасиялде лъабида хьвадулеб жо.

(Рак1,хинк1бахъ,чугун чи, квералги килщалги, михир,моц1гун ц1ваби,инсан)

1. Суалал

-Сунда абулеб рик1к1ен?

-Г1уц1иялде балагьун рик1к1енал кина-кинал рук1унел?

-Лъабго, лъабайго, лъабавго – рик1к1енал падежазде сверизаре

-Рик1к1еналъул разрядал рик1к1е.

-Рик1к1еналъул бит1унхъваялъул бице.

1. Дарсил х1асил гьаби (Рефлексия)

1. Рокъобе х1алт1и кьей