Открытый урок по казахскому языку на тему "Электронды поштаны пайдалану"

Қазақстан Республикасы Білім және Ғылым министрлігі

«Ақсу қаласының №3 арнайы жалпы білім беру мектеп-интернаты»ММ

Ашық сабақ

Тақырыбы: Электронды поштаны пайдалану

Пән: қазақ тілі

Қазақ тілі мен әдебиеті пәнінің мұғалімі: Бүркітбаева Гүлмира Анасқызы

2016-2017 оқу жылы

Пән: Қазақ тілі

5 -сынып (орыс)

Сабақтың лексикалық тақырыбы: Электронды поштаны пайдалану

Сабақтың грамматикалық тақырыбы: Етістікті қайталау

Сабақтың мақсаты:

1. Білімділік: Оқушыларға электронды поштаны пайдалану тақырыбын игерту, етістіктен өткенді қайталау.

2. Дамытушылық: Оқушылардың ой-өрісін, сөйлеу тілін, ойлау қабілетін дамыту. Өздігінен ойын жеткізе алу қабілетін жетілдіру. Сөздік қорын толықтыру.

3.Тәрбиелік: Тапсырмалар мен жаттығулар арқылы оқушылардың пәнге деген қызығушылығын артыру.

Сабақ түрі : жаңа сабақ

Көрнекіліктер:

Әдіс-тәсілдер: жұптық, жеке тұлғаға бағытталған

Сабақтың барысы:

І. Ұйымдастыру кезеңі. Психологиялық дайындық.

Күзгі жаңбырды іс-әрекетпен көрсету. Айа-райының қолайсыздығына қарамастан сабақтың сәтті өтуіне тілектестік білдіру.

ІІ. Үй тапсырмасын қайталау.

Жаңа сөздерді қалай меңгергенін ойын арқылы тексеру. (Балалар шеңбер бойымен тұрады. Мұғалім допты кез-келген оқушыға орыс тілінде жаңа сөзді айтып лақтырады. Оқушы допты қағып алып, сөзді қазақ тіліндегі аудармасын айтуы қажет. Егер жауап болмаса, сыныптастардан көмек сұрайды)

Ұялы телефон-сотовый телефон

Тышқан-мышка

жүйелік блок -процессор

пернетақта -клавиатура

Монитор-монитор

Достық-дружба

Адал дос-верный друг

Хат-письмо

Ақпарат-информация

Ғаламтор-интернет

ІІІ. Жаңа сабақ.

1. Мұғалім: -Балалар, бүгін бізге қонаққа аңыз кейіпкері келді. Қараңдаршы, қанекей кім таныды оны? –Әрине, дұрыс, Алдар Көсе.

Баллар, Алдар Көсе бізге жай келген жоқ, өзінің сендерге деген тапсырмаларын алып келіпті. Орындаймыз ба? Ескеретін жайт, тапсырманы дұрыс орындаған балаға Алдар Көсе фишкасы береді. Сабақ соңында кім фишканы көп жинайды, жақсы баға алады.

Ал, сабағымызды бастаймыз. Тақтаға қараңдаршы, сендердің ойларыңша не жетпейді? –Дұрыс балалар, ай, күн атауы, сынып жұмысы жазылған, ал тақырып атауы жоқ. Ендеше , балалар, тақырыпты табу үшін, біз сендермен «Алдар Көсе құписы» ойынын ойнаймыз.

Алдар Көсе сендерге 2 көмек беріледі. Біріншісі: 3 сөйлем ұсынады. Бұл сөйлемдердің мазмұны бүгінгі тақырыпты ашады және осы сөйлемдерді байланыстырып сендер бүгінгі тақырыпқа өздерің анықтама бере аласыңдар.

1. Техниканың дамуы

2. Оны ғаламтор арқылы пайдаланады

3. Алыс-жақынды әп-сәтте, тіпті минут ішінде жақындатады.

ОЛ НЕ?

Екіншісі: Берілген есептерді шығар, шыққан нәтижелерді өсу ретімен орналастыр. Ар жағындағы әріптерді қосып, оқы.

2*2=4 (л)

2*3=6 (е)

2*4=8 (к)

2*5=10 (р)

2*6=12 (о)

2*7=14 (н)

2*8=16 (ы)

2*9=18 (п)

3*3=9 (т)

3*5=15 (д)

3*7=21 (о)

3*8=24 (ш)

3*9=27 (т)

3*1=3 (э)

3*10=30 (а)

-Ал, балалар, таптық па? Бүгінгі тақырыбымыз не екен?

-Дұрыс, электронды пошта, яғни электронды поштаны пайдалану.

Ал, анықтамасын берейік?!

Әп-сәтте алыс жақынды табыстыра алатын, ғаламторда жүзеге асырылатын электронды байланыс.

Мұғалім: Жақсы балалар, Алдар көсенің фишкасына барлығың лайықсыңдар.

Мұғалім: Ғаламтор желісінде балалар, электронды пошта- e-mail деп белгіленеді. Яғни, ағылшын тілінен аударғанда электроник майл-электронды пошта деп аударылады.

1. Ал, балалар, электронды пошта бізге не үшін қажет және оны қалай қолданатынын білу үшін оқулықтың 50-бетіндегі 2-тапсырмаға назар аударайық!

(оқушылар мәтінді оқиды, бірге аудармасын жасаймыз, талқылаймыз)

Сонымен балалар, электронды поштаның негізгі қызметі-хат жіберу екен. Солай ма?

Олай болса жіберемін сөзіне назар аударыңдар!

Жіберемін-Қай сөз табына жатады? (Дұрыс етістік) Ендеше, жіберемін етістігін жіктейміз. Жекеше және көпше түрінде. Қане кім шапшаң орындайды, Алдар Көсенің фишкасына ие болады.

Сергіту сәті.

1. Сөзге фонетикалық талдау жаса. Қыздар –жіберу сөзіне, ал ұлдар –көшір сөздеріне талдау жасайсыңдар. Қанекей , тақтаға бір ұл бала, және бір қыз бала шықсын. Тапсырма орындауларына тиісті фишка беріледі.

2. Келесі тапсырма «Графикалық диктант». Бізге өте жақсы тапсырма. Үнемі сабақтарда орындаймыз. Солай ғой?!

Ұялы телефон Электронная почта

Тышқан Интернет

Жүйелік блок Информация

Пернетақта письмо

Монитор дружба

Достық клавиатура

Хат монитор

Ақпарат процессор

Ғаламтор сотовый телефон

Электронды пошта мышка

Мұғалім: Графикалық диктантты дұрыс орындаған балаға –фишка.

ІҮ. Қорытынды: -Ал, енді балалар сабақты қорытындылайтын сәт те жетті. Сұрақтар жасырынған қорапты мұғалім әрбір балаға лақтырады. Қай сұрақ түсті, сол сураққа оқушы жауап береді.

Сұрақ:?

Сұрақтар:

1. Бүгінгі сабақ саған ұнады ма? Несімен?

2. Бүгін қандай жаңа тақырып өттік?

3. Электронды пошта не үшін қажет?

4. Өмірде саған электронды пошта қажет пе?

5. Өзің үшін қандай жаңа ақпарат алдың?

Ү. Бағалау. Мұғалім: -Өте жақсы балалар, бүгінгі сабақ маған да өте жақсы әсер қалдырды. Сабаққа белсенді түрде қатысуға тырыстыңдар. Ендеше, Алдар Көсе фишкаларын жинап, бірге бағалайық?! (оқушылармен бірге бағалау, талқылау)

ҮІ. Үй тапсырмасы: «Электронды поштаны пайдалану» тақырыбына парталас достарыңмен жұптасып диалог құру (4-5 сөйлем)