Открытый урок мокшанского языка "Валрисьмонь второстепеннай члеттне".

Валрисьмонь второстепеннай члеттне.

5-це классь

Цельсь: тонафтомс явфтома второстепеннай члеттнень главнайхнень эзда, мумс второстепеннай члеттнень валрисьмоста.

Урокть типоц: проблемнай

Методическяй оснащениясь:

1. Явондомань материал

2. Карточкат

3. Схемат

4. Компьютерса презентация

5. 5-це классонь учебник «Мокшень кяль»

Урокть конспектоц

1. Организационнай моментсь

1. Ётаф материалть ваномац

1.Ванцаськ главнай понятиятнень

Доскаса:

• Сказуемайсь

• Подлежащайсь

• Валрисьмоть основац

• Валрисьмонь главнай и второстепеннай члеттне

• Валрисьмонь грамматическяй основась

- Арьседа, мезень колга кармай корхтамась урокса?

Кодама понятиянь квалма тинь арьсетяда? Азость.

Виде, тячи минь карматама корхтама валрисьмонь члеттнень колга.

3. Од материалть ваномац

1. Проблемать путомац.

Доскаса:

1. Кели паксяса касы келуня.

2. Касы келуня.

3. Келуня.

4. Кели паксяса…

– Ваность, кона примерхне молихть валрисьмокс, а конат – аф? Мезьса аф фкат фкя-фкянь мархта? Мусть подлежащайть и сказуемайть.

Проблемать решамац:

1, 2, 3 – валрисьмот
4 – аф валрисьме.

Доказательства:

1 – ащи главнай и второстепеннай членцта.
2 – ащи аньцек главнайста
3 – аньцек главнайста.
4 – аньцек второстепеннай членцта.

Выводсь: Валрисьмось может ащемс главнай и второстепеннай членцта, или аньцек главнайста, второстепеннайста – не может. Сяс мес подлежащайти и сказуемайти мярьгихть главнайхть, а илятненди – валрисьмонь второстепеннай члетт.

– Итак, тячиень урокса корхтамась кармай валрисьмонь второстепеннай члеттнень колга.

Уроконь темать сермадомац тетрадти: «Валрисьмонь второстепеннай члеттне»

2. Од материалть тонафнемац

– Тячи минь ваттама мезе-бди од. Ванцаськ учебникста 380-це стр. 81-це упражнениять.

Минь мархтонт тонафнеськ определениять, обстоятельствать, дополнениять. Содасаск, кодама синь алгаст таргавихть китькскат. А тячи минь ванцаськ, кода синь фкя-фкянь мархта сотовихть.

Лувсаськ васенце валрисьмоть: Шочкошка осётратне ноласта якафтыхть пулоснон

Кода арьсетяда, мезе поясняндайхть второстепеннай члеттне? Ванцаськ лувксста «поясняндайхть» валть.

Давайте варжасаськ тиемс схема валрисьмоти максф китькскятнень эзда.

Доскаса:

– А тяни ванцаськ, мезе лиссь.

– Кодама кизефксса сотовихть главнай члеттне второстепеннайхнень мархта? Путода кизефкст.

4. Од материалть кемокстамац

1. Доскаса:

Васенце ловсь фалу дивандафты акшенц мархта.

– Кодама действият и кодама порядкаса эряви тиемс, штоба валрисьмоть явфтомс членонь-членонь?
Мезьста ушеттама?
Сёрмадость валрисьмоть, таргада китькскат второстепеннай члеттнень алга.

2. Контрольнай тест (по вариантам)

(Самопроверкась ётафтови ключть лезксонц мархта.)

3. Психологическяй разгрузка

Карточка мархта тевсь

5. Кудонь тевсь

– Сёрмадомс аф оцю сочинения фкя тема лангс:

• “А вальмала тага тяла”.

• “Шумбрат, тялоня!”

• “Якшам атять узоронза монь вальмасон”.

Кудонь тевть тиемста сочиненияти путода валрисьмот второстепеннай член мархта.

6. Обобщениянь тиемась

– Стака ли ульсь тячи урокса?

Мезе тейнть анок содаф?

Мезе од тячи маряде?

Няфтесть тинь шамаликонтень.