Конспект урока по казахской литературе "Алтын са?а" ертегі

Қазақ әдебиеті 6 сынып

Сабақтың тақырыбы: «Алтын сақа» ертегісі

Сабақтың мақсаты:

Білімділік: Оқушылардың қиял-ғажайып ертегілер туралы білімдерін толықтыру, «Алтын сақа» ертегісінің мазмұнымен таныстыру.

Дамытушылық: оқушылардың тілін, ойлау, дүниетанымын, сөздік қорларын толықтыру, етрегі идеясын анықтай білуге, мазмұндай білу қабілеттерін дамыту.

Тәрбиелік: тілге, ауыз әдебиетіне деген ынта-ықыласқа тәрбиелеу, ақылдылық, тапқырлық- таусылмас байлық екенін оқушы бойларына дарытуға ықпал ету.

Сабақтың түрі: аралас сабақ.

Сабақтың әдіс-тәсілдері: мәнерлеп оқу, баяндау, сұрақтарға жауап беру, шығарманы талдау.

Сабақтың барысы:

І.Ұйымдастыру кезеңі: Оқушылардың санын түгелдеп, сабаққа зейіндерін аудару.

ІІ. Үй жұмысын тексеру:

1. Ертегі деген не?

2. Ертегілердің түрлерін атаңдар?

3.Қиял - ғажайып ертегілердің ерекшеліктері қандай?

4.Қалай ойлайсыңдар, қиял-ғажайып ертегілерінің адамдарға пайдасы болды ма? Қазіргі заманда қиял-ғажайып ертегісін құрастыруға бола ма? Олардың кейіпкерлері кімдер болар еді?

ІІІ.Жаңа сабақ:

1. «Алтын сақа» ертегінің мазмұнын мәнерлеп оқу.

2.Сөздік жұмыс жүргізу: перзент, өкпе, алтын сақа, жүген, тұлпар, төбет, шұңқыр, зар болу, тоқым, бесті ат, үрку, үзеңгі, бір топ қарға, құрық, тезек.

3. Сұрақтарға жауап беру:

а) «Алтын сақа» ертегісінің кейіпкерлері кімдер? Ертегі неге «Алтын сақа» деп аталған?

ә) Бай не үшін көлге келеді?

б) Неліктен кемпір байды қоя береді?

в) Неге баланың әке-шешесі үлкен той жасайды?

г) Неліктен осы ертегіні қиял-ғажайып ертегісіне жатқызады?

ғ) Ертегінің басты идеясы қандай?

д) Сендер баланың орнында болғанда, не істер едіңдер?

4. Берілген кестені толтырыңдар

Қорыту: Сендер бүгін қандай ертегіні оқыдыңдар? Бас кейіпкері кім? Бұл ертегі қандай ертегі түріне жатады?

Оқушыларды бағалау.

Үйге тапсырма: Хрестоматияда берілген «Алтын сақа» атты башқұрт халық ертегісін оқып кестені толтырыңдар.