Конспект урока по крымскотатарскому языку на тему "Наречие" для 7 класса

План урока по крымскотатарскому языку

Мевзу: Зарф.

Сыныф: 7

Дерснинъ макъсады:

Талебелернинъ зарф акъкъында бильгилерни пекитмек;

• талебелернинъ агъзавий ве язма нутукъларны инкишаф этмек.

• сёз байлыгъьны арттырмакъ

• ана тилимизге авеслик ашламакъ.

Дерснинъ донатулывы: презентация, проектор, компьютер, джедвеллер, видеофильм «Ава. Йыл мевсимлери».

Дерснинъ чешити: умумийлештирюв дерси.

Дерснинъ кетишаты.

1. Тешкилий къысым

Селямлашув.

2. Кечильген материалыны умумийлештирюви. Слайд № 1

2.1. Алынгъан бильгилерини актуаллештирюв.

1. Балалар, насыл мустакъил сёзлерни билесинъиз?

2. Кечкен дерсте сиз Зарфнен таныш олгъан эдинъиз.

• Зарф нени бильдире?

• Насыл чешитлери бар? Мисаль кетиринъиз.

3. Бугуньки дерсимизде кечильген мевзуны чешит мешгъулиетлер иле текрарлайджамыз ве пекитеджекмиз. Дефтерлеринъизни ачып, бугуньки куньни ве мевзуны язынъыз. (Февральнинъ йигирми экиси. Зарф.).

3. Шимди насыл йыл мевисми? Авасы насыл? Келинъиз, талебелерим, дерсимизни меракълы вазифеден башлайыкъ. (Видео «Ава мевсимлери» бакъылып чыкъа). Вазифе: Къызларгъа – джумлелерде хаталарны тапмакъ.

Огъланларгъа – джумлелерде зарфларны тапмакъ( аз )

Къайделерни текраламакъ ичюн, мен булмачаны чезмеге теклиф этем.

Эр бир догъру джевап ичюн менден бирер жетон аласынъыз. Слайд № 3

3.1. Булмача.

Суаллер.

Горизонталь:

1. Чокъ зарфына келишкен антонимны тапынъыз: а) ярым, б) бутюн, в) азчыкъ.

2. Насыл зарф чешитини иш-арекетнинъ япылув яда барып токъталгъан ерини анълата? ( ер)

3. Бирден, кене, тез, яваш киби сёзлер насыл зарф чешитине аит? (ал)

Вертикаль

1. Иш арекет япылгъан алыны, ерини, микъдарыны бильдирген сёз чешитине не дерлер? (Зарф)

2. Бала яхшы язды. Бу джумледе зарфны бельгиленъиз. (яхшы)

3. Ер зарфнынъ суаллеринден бириси? (къайда)

3.2. Группаларнен чалышув. Слайддаки аталар сёзлерини окъуп, дефтерлеринъизге кочюрип алынъыз, оларны къайд этинъиз. Аталар сёзлернинъ маналарыны анълатынъыз. Джедвеллерни толдурынъыз.

1 группа

• Азбарда хораз чокъ олса, саба тез ачылыр. Слайд № 4

• Халкъ йыры узакъ эшитилир.

• Бир кунь эвель сачсанъ, бир афта эвель алырсынъ.

• Яман хабер тез джайрар Тенбель акъшам яталмаз, саба туралмаз.

2 группа

• Догъру сёз аджджы олур.

• Тенбель акъшам яталмаз, саба туралмаз.

• Терек мейвасыз олмаз, йигит – севдасыз.

• Манъа тиймеген йылан бинъ яшасын.

Меселя,

1. Беден тербие дакъкъасы «Учьфенер» оюны

Эгер оджа ешиль тёгерикни косьтерсе, балалар бир ерде юрелер. (адымлайлар)

Сары тёгерекни – сагъ ве сол тарафкъа бакъалар

Къырмызы исе – сыныф одада тынчлыкъ ола.

1. Агъавий иш. Зарфларыны тапынъыз, оларны къайд этинъиз, чешитини бельгиленъиз. Слайд № 5

• Куньдюз аяз топракъны бузлатты.

• Тышарысы пек сувукъ олды.

• Акъшам иштен къайткъан адамлар

• ушюп къайталар. Анам исе уйледе ишке кеткенде, къат-къат кийинип кетти. Адамларнынъ устьлеринде урба олса, олар бузламаз.

• Бу йыл къыш бизни аджыды, аяз он-он беш девам этти.

1. «Ким энъ дикъкъатлы» оюны.

Оджа джумлелерни окъуй, балалар исе зарф олгъан джумлелерни эшиткенде- эль чырпалайлар.

1 Балалар гузель ойнайлар.

2. Оджа сыныфкъа кирип, талебелернен селямлашты.

3. Алиме анда чокъ раатланса да, саба зорнен турды.

4. Азбарда терек осе.

5. Селим мектепке тез чапып кельди.

6. Сыджакъ къаве ичемиз.

7. Къартана бизге гузель сёзлер айтты.

8. Талебелер окъуп, эп огге кетелер.

4. Дерснинъ нетиджеси.

1. Бугунь дерсте не яптыкъ?

2. Насыл мевзуны пекиттик?

3. Озь нуткъынъызда зарфларны айырып олурсызмы?

4. Нени бегенъдинъиз?

5. Эвге вазифе берюв:

Зарфнынъ эр бир чешитине 2-шер джумле уйдырып язаджакъ.

6. Баалав.