Конспект урока"Хайваннар дөньясы"

Тема: « Хайваннар дөньясы”

 (Кабатлау дәресе)

4 нче сыйныф (рус мәктәпләрендә укучы рус телле укучылар өчен.Балалар төркемләп утыра)

И.Л.Литвинов дәреслеге буенча

Укытучы:Зайнуллина Г.Х.

I. Максатлар:

Фәнни максат: укучыларда татар телен өйрәнүгә ихтыяж тудыру, тормышта рус телле балаларның татарча сөйләшә белүенә ирешү, хайваннар турында алдагы дәресләрдә алган белемнәрне ныгыту;

Коммуникатив максат: укучыларга хайваннар исемнәре  ярдәмендә җөмләләр төзеп, сөйләмдә дөрес кулланырга өйрәтү, кыргый хайваннар һәм йорт хайваннарны танырга өйрәнү,  бәйләнешле сөйләм һәм язма телне, мөстәкыйльлекне, иҗади активлыгын үстерү; кызыксынучанлык, коллективта эшли белүне арттыру;

Тәрбияви максат: хайваннарга карата кайгыртучанлык, мәрхәмәтлелек, сакчыл караш тәрбияләү.

Дәрес методлары : Фонетик күнегүләр, сүзлек белән эш, җөмлә төзү һәм язу, тәрҗемә эше, әңгәмә, схема буенча хикәя төзү, сәнгатьле сөйләм  (шигырь уку ), монологик һәм диалогик сөйләм карточкалар белән эш.

II.Бурычлар:

1) хайваннар турында алган белемнәрне ныгыту, кабатлау;

2) күнегүләрне эшләү, сөйләм күнекмәләре формалаштыруга игътибарны юнәлтү, проблемалы сорауларга җавап бирү;

3) укучыларның фикерләү сәләтен, иҗади активлыгын үстерүгә күнекмәләр формалаштыруга әңгәмәләр үткәрү;

III. Укыту ысуллары:

1)    Аңлату-күрсәтү ысулы;

2)    Өлешчә эзләнү ысулы.

IV. Укыту алымнары: карточкалар белән эшләү, дәреслек белән эшләү, күнегүләр эшләү, фонетик күнегүләр белән эшләү.

V. Дәреснең төре: ныгыту дәрес.

VI. Җиһазлау: компьютер, рәсемнәр, карточкалар, дәреслек.

Дәрес планы.

уку максатын кую этабы.

1. Уку максатын чишү .      

2. Хайваннар исемнәрен искә төшерү.

3. Кыргый хайваннарны йорт хайваннардан  аера белү.

4. Физкультминутка.

5. Ныгытуга күнегүләр.

    Рефлексия һәм өй эше.   

1. 1.Уку эшчәнлегенә мотивлаштыру -ориентлаштыру:

Максат: эмоциональ һаләт тудырып, укучыларны уку эшчәнлегенә мотивлаштыру.

а) - Исәнмесез, укучылар!

- Исәнмесез!

- Хәерле көн, балалар!

- Хәерле көн!

- Кәефләрегез ничек соң?

- Рәхмәт ,яхшы,шәп!.

- Рәхмәт. Утырыгыз.

б) Кизү чыгышы (кизү укучы белән бүгенге число , атнадагы көн , һава торышы турында сөйләшү).

1. Аудирование.

2. . Актуальләштерү һәм проблема тудыру.

Максат: - яңа белемнәр алу өчен белемнәрне актуальләштерү;

              - фикер йөртү сәләтен, анализ, гомумиләштерү күнекмәләрен үстерү;

              - бүгенге теманы ачыклау.

 Өй эшен тикшерү. 40 бит ,№6

Тикшерәбез.

1. Уку максатын чишү. 

1.Проблеманы чишү.

Максат: - Кыргый хайваннарны йорт хайваннардан  аера белү;

                 -дәресне темасын Һәм максатын билгеләү.

а) Проблема тудыру.   

1.  Дәреснең темасы ,максаты белән таныштыру.

-       Укучылар без хайваннар турында әле күп беләбезме соң?

-        Күбрәк беләсегез киләме соң?

Димәк бүгенге темабыз: “Хайваннар дөньясы”(кабатлау , йомгаклау дәресе.)

Дәреснең максаты:

-         Хайваннар турындагы белемнәребезне тирәнәйтербез.

-        Йорт хайваннар исемнәрен кыргый хайваннардан аерырга өйрәнербез .

-        Сөйләм телебезне һәм иҗади фикерләү сәләтләребезне үстерербез.

-        Хайваннарга ихтирамлы булырга, табигатьнең матурлыгын күрә белергә аны сакларга кирәклегенә төшенербез.

Проблема тудыру. (Интерактив тактада.)

  Хәзер игътибар белән тактага карагыз әле .Сез монда нинди хайваннарны күрәсез ?(Бүре, песи, керпе, төлке, ,  поши)

- Аларны ничә төркемгә бүлеп була? (ике)

-        йорт хайваннары ,кыргый хайваннар

(2 нче слайдта сүзләрне икегә бүләбез)

-Афәрин!

2.  Карточкалар белән эш. (язмача)

( Һәр балага бер хайван исеме .Бу хайван нинди?нишли? соравына җавап бирә.Өстәмә җавап биргән төркемгә балл бирелә)

 Физкультминут.

 Белем-күнекмәләрне ныгыту.

Максат: - өйрәнгәннәрне практикада кулланырга өйрәтү,сөйләм телен үстерү

        Дәфтәрләрен алабыз. Дәфтәрләргә число язып куябыз. Дәфтәрләргә язып эшлибез.Бер бала тактада эшли

1 -Нәрсә? кайчан? кайда? нишли? .

-Нәрсә? кайчан? кайда? нинди? нишли?

схемасы буенча җөмлә төзе.

Төркемдә эшләү.

Кәгазь битләрендә һәр бала бер сорауга гына җавап яза,һәм ахырда җөмлә килеп чыгарга тиеш.

Башкалар тәрҗемә итә.

1. Ситуатив күнегүләр: 42 бит№6,

1. Тәрбияви момент.

Зоопаркта җәнлекләрне .......ярамый.

Без кечкенә дусларыбызга...... тиеш.

Укучылар сез барыгызда хайваннарны яратасызмы?

Аларга ничек ярдәм итеп була соң

V.  Рефлексия.

1. Рефлексия. -Бүгенге дәрестә без нәрсә турында сөйләштек?

- Хайваннарны  нинди ике төркемгә бүлдек?

2.Өй эше: 

Ошаган хайван турында кечкенә хикәя яз;

3. Үзбәя.

-  Укучылар,сезгә дәрес ошадымы? Бүгенге дәресне “5” легә кемнәр үзләштерде? Шул укучылар кулларына кояшлар алап күрсәтәләр. Кемнәр үз эшчәнлегенә “4” ле куя, шулар болытлы кояшны күтәрәләр, кемнәргә иптәшләреннән ярдәм кирәк, шулар болытлар күтәрәләр.

4.  Дәрес бетте .Сау булыгыз, укучылар!