Конспект урока "Біз осындай баламыз" 2 класс

Сабақтың мақсаты: «Өзін-өзі тану» адамгершілік құндылығы туралы түсініктерін кеңейту.

Міндеттері:

Білімділігі: - 2-сыныпқа арналған «Өзін-өзі тану» пәнінің мазмұнымен таныстыру;

Дамытушылығы: - өзін және айналасын тануға деген қызығушылықтарын арттыру;

Тәрбиелілігі: - ізгілікке тәрбиелеу.

Сабақ барысы:

1. Ұйымдастыру кезеңі

Тыныштық сәті:

Балалар көзімізді жұмамыз, сіздер енді мектекптен шығып барасыздар, самал жел таза ауа орманға да кеп қалдыңыздар, өте әдемі, гүлдер, гүлдер бірінен кейін бірін иіскеп жүрсіздер, құстардың жағымды дауысы қандай керемет кішкене отырып дем алыңыздар. Енді артқа келген жолмен сабаққа асығып келесіздер, кеп қалдыңыз да, енді көзімізді ашып сабаққа дайындалайық.

1. Мәтінмен жұмыс:

• Арман мен Нұрлан балапанға қандай қамқорлық көрсетті?

• Сендер жазғы демалыс кезінде қандай қамқорлық істер жасай алдыңдар? Енді сол туралы әңгімелеп беріңдер.

1. Дәйексөз:

«Өзіңді танығанда ғана өзгені білесің»

А.Пивен

1. Ойын

Ойынныі шарты бойынша тапсырма беру: «айнаға қарап тұрып өздеріңнің бір жыл ішінде қалай өзгергендерің туралы ойланыңдар». Мейлі ол, сыртқы келбеті болсын, мейлі ол ішкі ойлары болсын, мейлі ол, ақылдары мен адамгершілік қасиеттері болсын, мейлі ол жақын, туыстарымен, достарымен қарым-қатынастары болсын. Ойлануға 1-2 минут уақыт беру. Оқушылардың ойын жетелеу үшін мынадай сұрақтар қою:

• 1-сыныпта сен нені жақсы көруші едің? Ал қазір ше?

• Не істей алмаушы едің? Ал қазір қолыңнан не келеді?

• Былтыр сен нені армандадың? Ал биыл ше?

• 1-сыныпта досың қанша еді? Ал қазір ше?

1. Дәптермен жұмыс:

Тапсырма: «Менің жазғы демалысым» тақырыбына шағын әңгіме жазыңдар.

1. Шығармашылық жұмыс:

• Өсімдіктер мен жан-жануарлардың өсуі үшін не қажет?

• Адамның дамуына не ықпал етеді?

• Өскен сайын өз бойларыңнан қандай өзгерістер байқадыңдар?

• Өз бойларыңда қандай қасиеттер болғанын қалайсыңдар?

1. Соңғы тыныштық сәті.

Көздеріңді жұмып, манаураған қалыпқа келіңдер.

Демдеріңді ішке алып, сыртқа шығаруға және сыртқа шығарғаннан кейінгі аз үзіліске назар аударыңдар.

Тыныс алу фазаларына сәйкес ойша: «Демді ішке алу, дем шығару, үзіліс», - деген сөзді 3 рет қайталаңдар. Үзіліс жасамай-ақ осылайша тыныс алып, демді ауызбен жай үрлеп шығарыңдар. Осы кезде сыртқа шыққан леппен жағымсыз сезім мен әдеттер бірге кетті деп елестетіңдер.

Дем шығарғанда: «Сенімсіздік, жалтақтық, алаңдаушылық, ашу-ыза», - бірге кетті деп айтыңдар. 5 – 10 рет қайталау керек.

1. Бағалау:

Оқушылардың сабаққа белсене қатысқандары үшін бағалау.