"Хайваннар дөньясында" 4нче сыйныф дәрес планы

ФИО Гарәфетдинова Гөлсинә Магзум кызы

Эш урыны: Чистай шәһәре” 4 нче урта

гомуми белем бирү мәктәбе”

Хезмәте Татар теле һәм әдәбияты укытучысы

Фән Татар теле

Класс 4 А (рус төркеме)

Дәрес темасы “Хайваннар дөньясында”

Дәреслек Р. З. Хайдарова Күңелле татар

Тема “Хайваннар дөньясында”

Планлаштырылган нәтиҗәләр

Шәхескә кагылышлы:белем алуга мотивация формалаштыру,татар теленә карата кызыксыну уяту күнекмәләрен формалаштыру.

Метапредмет:

Танып-белү УУГ:укытучы ярдәмендә эшне планлаштыру,текстны кабул итү һәм аның эчтәлегендә ориентлашу.Төп төшенчәләрне аеру.

Коммуникатив УУГ:коммуникатив максатлардан чыгыпсүзләрне дөрес куллана белү,үз фикереңне әйтә һәм дәлилли белү.

Регулятив УУГ:дәреснең темасын һәм максатын формалаштыру;уку мәсьәләсен кую,хаталарны табу,бәяли алу,төзәтү

Дәреснең тибы

Сөйләм телен үстерү дәресе

Төп төшенчәләр

Дәрес темасына бәйле яңа сүзләр,төшенчәләр

Предметара бәйләнеш

Татар теле,рус теле,әйләнә-тирә мохит

Эшне оештыру

Фронталь,төркемдә,парларда,индивидуаль

Чыганаклар

Дәреслек Р.З.Хайдарова, Г.М.Ахметзянова, Л.А.Гиниятуллина Татар теле 3 класс

Җиһазлау

Проектор,ноутбук,презентация,карточкалар

Дәрес барышы:

Музыка ,хайваннар рәсемнәре.Музыка туктагач,хайван тавышы.

1.Укучылар, бу нинди тавышлар?

(хайваннар тавышы)

• Димәк,без сезнең белән нәрсәләр турында сөйләшүебезне дәвам итәбез?

• Хайваннар турында.

• Дөрес

• Сез ике төркемгә бүленеп утырдыгыз.Әйдәгез,хәзер төркемнәргә исемнәр сайлыйбыз

(Һәр төркемнән берәр кеше чыгып,төркем исемнәрен ала)

1 нче төркем –йорт хайваннары

2 нче төркем-кыргый хайваннар

(полумаскалар сайлыйлар)

-Исемнәрегезне әйтегез әле

Хәзер, әйдәгез үзегез турында сөйләгез әле

-Мин- аю.Мин зур,көчле

-Мин- төлке. Мин хәйләкәр

2.Сез бер-берегез турында тагын нәрсәләр беләсез? Бирелгән җөмләләрдән хаталарны табып төзәтегез эле.

Карточкалар таратыла.

Берсе укый ,калганнары тикшерә.

-Сез бу фикер белән килешәсезме?

Слайдтан укып тикшерәләр.

3.Ә хәзер хайваннар турында кечкенә генә хикәяләр укырбыз.Бу нинди хайваннар икән,тыңлагыз әле.Слайдтан чиратлашып укыйлар,җавап бирәләр.

Бу нинди хайван?Ни өчен шулай уйлыйсыз?Нинди билгеләренә карап белдегез?

Бу хайван турында тагын нәрсәләр әйтә аласыз?

4.Укучылар,ә сезнең өегездә,йортыгызда нинди хайваннар яши?

Хәзер үзегезне хәбәрчеләр итеп хис итегез һәм бер-берегездән интервью алыгыз.

-Сезнең өйдә нинди хайваннар яши?

-Алар нинди?

5.Укучылар сез барыгыз да хайваннарны яратасыз.Ә аларга ничек ярдәм итеп була соң?

-Аларны кыерсытырга ярамый

-Аларны ашатырга кирәк

-Аларны сакларга кирәк

6.Укучылар,дәресебез ахырына якынлаша

Дәрестә без нәрсәләр турында сөйләштек?

-Хайваннар турында

- Хайваннарны сакларга кирәклеге турында.

-Хайваннарга карата мәрхәмәтле булырга кирәклеге турында сөйләштек.

7.Өй эше бирү

8.Билгеләр кую