"?аза?стан ?алалары" та?ырыбына саба? жоспары.

Сабақтың тақырыбы: Қазақстан қалалары.

Сабақтың мақсаттары: 1) Оқушылардың мультимедиялық кабинетте жұмыс істеу

дағдыларын қалыптастыру;

2) Оқушылар СКТ бойынша білімдерін жүйелеу;

3) Қазақстан қалалары туралы білімдерін кеңейту арқылы

өз Отанына деген сүйіспеншіліктерін арттыру.

Көрнекіліктер мен жабдықтары: интерактивті тақта, электрондық оқулық, перфокарталар.

Сабақ барысы:

1. Ұйымдастыру кезең.

Сабақтың тақырыбын мына шашылған әріптер арқылы табыңдар

А,а,а,қ,қ,с,н,т,з қ,л,л,р,а,а,а,ы.

(Қазақстан қалалары)

- Қазақстанның қандай қалаларын білесіңдер?

2.Жаңа тақырып.

Мультимедиялық кабинетін пайдалану арқылы, электрондық оқулығындағы бейнефильмді көріп, тыңдау

Одан кейін қойылатын сұрақтар:

1) Қазақтың ұлы ақыны, ойшылыАбай Құнанбаев туған жер қай қала? (Семей)

2) Қазақстанның ең оңтүстігінде орналасқан, Өзбекстан республикасымен шектес қала қалай аталады? (Шымкент)

3) Көне қалалардың бірі, қазақ ақыны Жамбылдың атымен аталған қай қала? ) Тараз)

4) Қазақстанның ең ірі қалаларының бірі, біз оңтүстік астана деп атайтын қала. ( Алматы)

5) Ғарышкерлер ғарышқа ұшатын космодром орналасқан қала қалай аталады? (Байқоңыр)

6) Көмір өндіретін шахталар көп қаланың атын атаңдар. (Қарағанды)

7) Қазақстанның бас қаласы, жас қаласы қандай қала? (Астана)

Ал, енді осы қала туралы өздерің не білетіңдерінді айтып беріңдер.

3.Жаңа білімдері мен бұрынғы білімдерін бекіту

Қазір біз грамматика бойынша жұмысқа кірісейік.

1-тапсырма.Сендерге берілген қала атауларын білдіретін сөздерге математикалық тәсілмен фонетикалық талдау жасаңдар.

1 оқушы интерактивті тақтаға шығып жасайды (ШЫМКЕНТ)

Басқа оқушылар перфокарталар бойынша (1-н.- ТАРАЗ, 2-н.- СЕМЕЙ)

Тексерілгеннен кейін – компьютердегі тапсырманы орындау: қалаларды дұрыс орналастыру (картамен жұмыс)

2-грамматикалық тапсырма. Тақтада не жазылғанын атаңдар (сөз тәркестері)

Сұрақ: Сөз тіркесі деген не?

Тапсырма:Сөз тіркестер мен олардың сызбаларын сәйкестіріңдер

1) Қазақстан қалалары 1) сын есім + зат есім

2) Мен тұрамын 2) зат есім + зат есім

3) Жас қала 3) сан есім + зат есім

4) Жиырма бесінші қабат 4) есімдік + етістік

Қалған оқушылар осы тапсырманы перфокарталардағы сөз тіркестерімен жасайды.

(тексеру)

Сұрақтар: 1. Сөйлем деген не?(Бір сөз немесе бірнеше сөз тіркесінен жасалған

тиянақты ойдың көрсетеішін сөйлем дейміз)

2. Сөйлемнің айтылу мақсатына қарай қандай түрлері бар?

( хабарлы, лепті, сұраулы, бұйрықты)

3. Сөйлемдегі сөздердің орын тәртібін айтып беріңдер.

( оқулықтың 37-беті)

Тапсырма: берілген сөздерді дұрыс қойып, сөйлемдер құраңдар.

Тақтада: «Қазақстан», Алматыда, 25 қабатты, бар, қонақ үйі.

Басқа оқушылар перфокарталардағы сөйлемдерді құрайды.

(тексеру)

Сұрақ; Қазақстанның неше қаласы бар?

Солардың ішінде үлкен қалалар да, кіші қалалар да бар.

Ал біз қандай қалада тұрамыз? (кіші қала Жітіқарада)

Тапсырма. «Менің қалам» тақырыбын сөйлесу (диалог) ретінде айтып беріңдер.

Септіктерді қайталап шығайық.

Тәуелдеп септеудегі жалғауларын атап беріңдер.

4-ші грамматикалық тапсырма.Тәуелдеп септеу.

1-нұсқа - МЕНІҢ ҚАЛАМ

2-нұсқа – ЖІТІҚАРА ҚАЛАСЫ

Тақтада - жай септеу: ЕСКЕРТКІШ.

Осымен, құрметті оқушылар, бүгінгі сабаққа қойылған барлық тапсырмалар орындалды, бірақ сабағымызды аяқтау үшін мына адасқан буындарды орын-орнына қойып, сендерге арналған сөйлемді оқып шығыңдар

МЫ ЖҰ ҢЫЗ СЫ ШІН Ү КЕН ҮЛ МЕТ РАҚ.

(ЖҰМЫСЫҢЫЗ ҮШІН ҮЛКЕН РАҚМЕТ.)

Бағалау.