Артюшина Мария Семён кызы- Казан шәһәре Киров районының “Аерым фәннәр тирәнтен өйрәнелә торган 70 нче урта гомуми белем бирү мәктәбе” муниципаль белем учреждениесе
3 нче сыйныфның рус телендә сөйләшүче балалар төркемендә үткәрелгән дәрес эшкәртмәсе
Дәрес темасы: “Исемнәрнең күплек саны”
Дәреснең максатлары:
исемнәргә күплек сан кушымчаларын дөрес ялгау күнекмәләрен актуализацияләү һәм ныгыту; бәйлек сүзләрне куллану күнекмәләрен ныгыту;
“Үсемлекләр дөньясы” темасына кагылышлы сүзләрне искә төшерү һәм ныгыту;
татар телендә сөйләшү һәм сөйләмне тыңлап аңлау күнекмәләрен үстерү
Дәрес барышы
Оештыру өлеше.
Укытучы сүзе: Исәнмесез! Хәерле көн! Мин сезне күрергә бик шат. Утырыгыз, балалар.
Без бүген сезнең белән яңача утырабыз (Мэнэдж мэт). Безнең өстәлләрнең дә, өстәл артында утыручы укучыларның да саннары бар. 1 нче сан астында кемнәр утыра? Торыгыз әле (2, 3, 4 нче саннар астында утыручы укучылар да торалар һәм утыралар).
..., сиңа каршы кем утыра? Барыбыз да каршыда утыручы иптәшкә сәлам бирдек.
..., синең янда кем утыра? Барыбыз да янда утыручы иптәшкә сәлам бирдек.
Тэйк оф- тач даун- “торырга- утырырга” уку-укыту төзелмәсе, мәгълүмат алу һәм үсемлекләр темасына кагылышлы сүзләрне кабатлау өчен кулланыла
Кем агачлар турында күп укый һәм белә?
Кем куак исемнәрен белә һәм безгә әйтә?
Кем файдалы үләннәрнең исемнәрен белә?
Кем җиләк ашарга ярата һәм җиләк исемнәрен безгә әйтә?
Кереш өлеш.
Һәр өстәлдә яшел карточкалар бар. Алар миннән уң якта. 1, 3 нче санлы укучылар, карточкаларны алыгыз, күрсәтегез. Карточкадагы сүзләрдә хәрефләр төшеп калган. Минем команда буенча каршыда утыручы иптәшегез белән шул хәрефләрне чиратлашып язасыз. Эш өчен 2 мин. вакыт бирелә. (Рэлли-тэйбл өйрәтү төзелмәсе, 2 укучы чиратлашып 1 бит кәгазьдә эшлиләр) .
Эшләрне тикшерәбез. Такта янына 1 нче өстәл 2 нче сан астындагы укучы чыга, төшеп калган хәрефләрен әйтә һәм тактага яза бара( 2 мин.) Дөресме? Хаталар бармы? Рәхмәт.
Микс пеа шеа Көй яңгырый , укучылар хәрәкәт итә башлыйлар, көй туктауга, укытучы аларга сорау бирә һәм җаваптагы санга туры китереп басарга куша. ( Агач сүзендә ничә хәреф бар? )
Сорау: җыр нәрсә турында? (таймер- 5 с)
Сорау: яшел карточкада 1 исем башкалардан аерыла, ул нәрсә белән аерыла? ( Таймер 5 секундка куела) Аннан соң парларны алышалар, фикер уртаклашалар Җавапны иң озын буйлы кеше бирә (3 м)
Көтелгән җавап-1 исем күплек санда. Рәхмәт, утырыгыз.
3. Төп өлеш
Дәрес темасы: Исемнәрнең күплек сан кушымчалары. Дәфтәргә число, атна көне исемен, теманы язып куябыз.
3.1 Исем нинди сорауга җавап бирә? Исемнең күплек сан кушымчалары нинди? Сез аларны беләсезме? (Таймер- 5 с)
-нар/-нәр нинди хәрефләрдән соң кушыла? –лар/-ләр нинди хәрефләрдән соң кушыла? (таймер- 5 с.) Нәтиҗә ясыйбыз.
Күнегү өстендә эш. Экрандагы сүзләргә кушымчалар ялгыйбыз( кушабыз). Өстәлләрдә, зәңгәр төстәге кәгазьләрдә- кушымчалар. Сүзне әйтәбез һәм кушымчаны күрсәтәбез. 2 нче өстәл, 4 нче санлы укучы җавап бирә башлый, язып барабыз.
Сезнең өстәлләрдә сүзләр ята. Һәрберегез 1 карточка ала һәм шушы сүз туры килгән почмакка бара (Тимбилдинг- команда формалаштыру )
Урман- умырзая, энҗе чәчәк, гөмбә, чыршы;
Бакча- кишер, карлыган, чөгендер, суган;
Базарда- карбыз, кавын, армут, йөзем
Ашханәдә- гөмбәле аш, солы боткасы, өчпочмак, бәлеш
Син нигә бу почмакка килдең? Күплек саны ... Чөнки умырзая бакчада үсә... (5м)
3.3 Һәр команда үзенә исем, девиз сайлый. Почмак исеменә туры килгән темага текст төзи Раунд тэйбл (Чир- бергә әйтү) ( 10 м)
3.4. Вакыт калса, үсемлекләр дөньясына нәрсәләр керә?
Шушы темага табышмаклар беләсезме? Әйтә аласызмы?
4.1. Өй эшен аңлату (сораулар бирелгән, шул сорауларга телдән күмәк җавап бирү).
Татарстанда чыршы агачлары үсәме? Чыршы агачы кайда үсә? Ул җәен нинди төстә була? Чыршы кышын нинди төстә була? Чыршының яфраклары бармы? Аның нәрсәләре бар?(Энәләре) Чыршы агачы кайсы (нинди) бәйрәмдә иң зур кунак? (3 м)
Өй эше: “Чыршы агачы” дигщн темага хикщя язарга
. Йомгаклау өлеше. Рефлексия: сезгә дәрес ошадымы?
Смайликлар ясыйбыз, ошаса- алар елмая, ошамаса- елыйлар. Нәрсә ошады? Нәрсә ошамады? (Смайликларны “Дәрескә” стендына беркетәбез)
Сау булыгыз. Рәхмәт.
