kopilkaurokov.ru - сайт для учителей

Создайте Ваш сайт учителя Курсы ПК и ППК Видеоуроки Олимпиады Вебинары для учителей

Интеллектуальная игра по коми-пермяцкой литературе "Парма"

Нажмите, чтобы узнать подробности

Интеллектуальная игра по коми-пермяцкой литературе "Парма" состоит из 3 тем:

  • Знаменитые люди Пармы
  • Чудеса Пармы
  • Коми-пермяцкая литература

Игра делится на 3 части:

  1. "Пентагон"
  2. "Дальше! Дальше! Дальше!"
  3. "Что? Где?когда?"
Вы уже знаете о суперспособностях современного учителя?
Тратить минимум сил на подготовку и проведение уроков.
Быстро и объективно проверять знания учащихся.
Сделать изучение нового материала максимально понятным.
Избавить себя от подбора заданий и их проверки после уроков.
Наладить дисциплину на своих уроках.
Получить возможность работать творчески.

Просмотр содержимого документа
«Интеллектуальная игра по коми-пермяцкой литературе "Парма"»

Интеллектуальнöй орсан — вермасян «Парма»


Моггез:

- пыдынсьӧтны тӧдӧммез да интерес округ история дынӧ;

- зорӧтны чужанiн дынӧ радейтӧм;

Урок чулӧтӧм понда отсӧт: презентация «Менам Парма»


Уроклӧн мунӧм.


  1. Класс удж вылӧ туйдӧтӧм.

Талун миян роднöй , дона, учöт чужанiнлö, миян округлö, тырö … год.

Февраль 26 лунö 1925годӧ чужис Коми-Пермяцкöй округ.

1925-1977гг. - шусис национальнöйöн, 1977-2005гг. - автономнöйöн, а декабрь 1 лунсянь 2005 годӧ пырö Пермскöй крайлöн составö. Сiйöн мийö талун чулöтам интеллектуальнöй орсан «Парма». Быд морт, кöда олö округын , должен тöдны ассис учӧт родинасö. Мийö öксимö сы понда, медбы проверитны тiянлiсь тӧдӧммез эта тема сьöртi , а сiдзжӧ тӧдны мыйкӧ эшӧ вильӧ.

Игралöн темаэз:

1. Пармаись гора нима отир.

2.Пармалöн чудоэз

3.Пармалöн кöркöся олан

4.Коми-пермяцкöй литература

Условиеэз:

1. Орсан пондас чулавны кыдз орсан-вермасян командаэз коласын .

  1. Орсан сулалö 3 торись: «Пентагон», «Одзлань! Одзлань! Одзлань!», «Мый? Кытöн? Кöр?»

  2. Ответ пондатö гижны листок вылö гусьöна.

Тöдсасямö жюрикöт.

Бура орсны! Унажык öктыны баллэз!

1 тор : орсан «Пентагон».

1 тема: Пармаись гора нима отир

1 гора нима морт

1 отсӧт: Сiя чужис Кудымкарскöй районын д. Тебеньковаын крестьянскöй семьяын,кытöн любитicö cьывны (5 б)

2 отсӧт: Уджалiс солисткаöн Сыктывкарскöй, Горьковскöй, Московскöй филармонияын (4 б)

3 отсӧт : Сы сьыланкыввезöн гижöмась 3 ыджыт пластинка, снимайтöмась 3 кинофильм коми- пермяккезлöн культура йылiсь (3б)

4 отсӧт : Сылöн вöлiсö 2 желаннё: лэдзны книга миян округ йылiсь, снимайтны кинофильм земляккез йылiсь (2 б)

5 отсӧт: Эта гора нима мортыс — Заслуженнöй артистка Россияись, кöда сьылiс народнöй сьыланкыввез мирись 40 кыв вылын (1 б).

Ответ: Екатерина Васильевна Плотникова (портрет)


2 гора нима морт

1 отсӧт: Эта мортыс — тöдса кинорежиссёр миян округын (5 б)

2 отсӧт: Уджалö Свердловскöй киностудияын (4 б)

3 отсӧт: Сiя снимайтiс кинофильммез, кытöн геройезöн лоöны коми-пермяккез, сылöн земляккез, и учöт родина — Парма (3 б)

4 отсӧт: Чужис Кочёво посадын (2 б)

5 отсӧт : Коми- пермяккез йылiсь снимайтic cэтшöм кинофильммез: «Тупи-тап», «Мам», «Мы были дымом», «Быкобой» (1 б)

Ответ: Анатолий Данилович Балуев (портрет)


3 гора нима морт

1 отсӧт: Эта мортыс вöлi художникöн, академикöн, профессорöн (5 б)

2 отсӧт: Велöтчис Кудымкарын, Перемын, Кировын, а сыбöрын Москваын, Строгановскöй художественно-промышленнöй училищеын (4 б)

3 отсӧт: Сы руководство увтын велöтчиссез кыйисö пестредь да кушаккез, гöрдззисö банiсь , лепитiсö глинаись, керисö сюррезiсь сынаннэз (3 б)

4 отсӧт : Сiя осьтiс Кудымкарын музей (2 б)

5 отсӧт: Сы нимöн öнi шуöм окружнöй краеведческöй музей (1 б)

Ответ: Пётр Иванович Субботин – Пермяк (портрет)


4 гора нима морт

1 отсӧт: Эта мортыс уна вын сетiс крайлöн культурно- хозяйственнöй строительстволö да округ аркмöтöмлö (5 б)

2 отсӧт : Зорöтiс письменность, национальнöй литература , отсалiс лэдзны медодзза газета «Гöрись» (4 б)

3 отсӧт : Сiя вöлi бур ёртöн А.Н.Зубовлöн, öтлаын пондöтiсö зорöтны коми- пермяцкöй культура да письменность (3 б)

4 отсӧт : 1937 годö вöлi репрессируйтöм, 5 год пукалiс заключеннёын.(2 б)

5 отсӧт : Медбöрья годдэзö уджалiс и олic Cыктывкарын (1 б)

Ответ: Фёдор Гаврилович Тараканов (портрет)


Тема 2 :Пармалöн чудоэз


1 чудо

1 отсӧт : Эта чудоыс миян округын ойвыв ладорын (5 б)

2 отсӧт :1979 годсянь лыддиссьö заказникöн(4 б)

3 отсӧт :Эта тыын олö лебедь-кликун (3 б)

4 отсӧт : Ты йылiсь эмöсь легендаэз (2 б)

5 отсӧт: Народын шуöны этö местасö адöн (1 б)

Ответ: Адово ты


2 чудо

1 отсӧт: Эта местаыс окружнöй центрын (5 б)

2 отсӧт : Сiя медвылын места карын (4 б)

3 отсӧт :Ю да сылöн крут керöс- врагсянь дорйисян места (3 б)

4 отсӧт : Сы вылынiнсянь тыдалö парма — вöр(2 б)

5 отсӧт: « Ачыс шондiыс мыччалö,кытöн пондам овны,»-висьталiс Кудым-Ош да иньдöтчис сэтчин, Иньва ю дорас (1 б)

Ответ: Изъюр керӧс (Красная горка)


3 чудо

1 отсӧт: Эта достопримечательностьыс сулалö Кудымкарын (5 б)

2 отсӧт : Сiя лоö архитектурнöй памятникöн (4 б)

3 отсӧт : Авторöн эта проектлöн лоö Андрей Никифорович Воронихин(3 б)

4 отсӧт : Эта местаын кöркö вöлi окружнöй музей (2 б)

5 отсӧт: Эта сооруженнёыс городын лоö медшöрись символöн-пасöн (1 б)

Ответ: Свято- Николаевскӧй вичку


Тема 3 : Коми-пермяцкöй литература


1) Кытшöм эта книга?

1 отсӧт : Авторыс эта книгалöн Т.П.Фадеев (5 б)

2 отсӧт : Гижисьлöн эта книгаыс медбöрья , но сiя этö книгасö эз видз киас

(4 б)

3 отсӧт : Книгаыс петiс 1998 годö (3 б)

4 отсӧт : Гижисьыс тшöктiс этö книгасö посвятитны ыджыт уваженнёöн да муöдз копыртчöмöн сы дона морт- коллегалö, гижöмын велöтiсьлö В.В.Климовлö (2 б)

5 отсӧт : Эта книгаыс лоö кыдз справочник биология сьöртi : природалöн явленнёэз, тшаккез, насекомöйез,пресмыкающöйез,кайез, зверрез,пуэз, кусттэз да туруннэз йылiсь(1 б)

Ответ: «Лолалан шор»


2) Кин эта поэтыс?

1 отсӧт : Эта поэт чужис Косинскöй районын (5 б)

2 отсӧт : Не профессиональнöй поэт, а поэт- любитель (4 б)

3 отсӧт : Кончитiс автодорожнöй техникум, уджалiс ДРСУ — ын мастерöн (3 б)

4 отсӧт : 2003 годö сылö присудитöма А.Н.Зубов нима премия (2 б)

5 отсӧт : Эта поэтлöн петiсö 3 поэтическöй сборник : «Лихолетье», «Итоги», «На распутье» (1 б)

Ответ: Василий Павлович Кузнецов


3) Кытшöм эта книга ?

1 отсӧт: Эта книгаыс кыдз справочник коми- пермяцкöй фольклор сьöртi (5б)

2 отсӧт : Позьö лыддьöтны сiйö и виль коми-пермяккезлö , сiдз кыдз гижöма роч кыв вылын (4 б)

3 отсӧт : Абу стыд ошшасьны этöн книганас вылын гöссез одзын (3 б)

4 отсӧт : Автор книгалöн В.В.Климов (2 б)

5 отсӧт : Эта книгаыс — настоящöй клад (1 б)

Ответ: «Заветный клад»


4) Кин эта поэтыс ?

1 отсӧт : Эта поэтыс чужис Отево посадын , Иньва ю дорын (5 б)

2 отсӧт : Сiя поэт-песенник, народнöй поэт, медолзза учебниккезлöн автор, коми-пермяцкöй классик, РСФСР -ись заслуженнöй уджалiсь (4 б)

3 отсӧт : Вöлi Великöй Отечественнöй война вылын (3 б)

4 отсӧт : Эта поэтлöн вöлicö крепыт йитöттэз композитор А.И.Клещинкöт (2 б)

5 отсӧт : Гижис поэмаэз: «Кöр мунiс война», «Анна Хомякова», «Алексей Добрынин» (1 б)

Ответ: Степан Иванович Караваев


Шоччисян пауза

2 тор

« Орсан «Одзлань! Одзлань! Одзлань!»

Заданнё: Вуджöтны коми- пермяцкöй кыв вылö кыввез:

1 команда

Малина-öмидз,холст- дöра, липа- нинпу, хвощ полевой- кöктоин, простокваша-шöмйöв, сито- сипож, колыбель- зыбка, сундук- коробья,клюква- туримоль, крупа- шыд .


2 команда

Брусника- пуягöд, суп- шыд, лучина- сартас, цветок- дзоридз, праздник- вежалун, бурак- туис, горностай- чужмöр, скалка- быгрöтчан. жаворонок- ыбшар, оса- зi.


3 команда

Словарь- кывчукöр, радуга-енöшка, спичка- истöг, молния- чардби, счастье- шуд, черника- чöд, божья коровка- енкутю, окунь-ёкыш, рысь- вöркань,лебедь- юсь.

Шоччисян пауза

3 тор

Орсан «Мый? Кытöн? Кöр?»

(Командаэзкöт орсöны велöтiссез школаись)


1 велöтiсь: Коми-пермяккез важынсянь почитайтöны тöдiccезöс.Лыддисö, что нiя вермисö лечитны шогöттэз и лэдзны мыжа. Тöдiccез часто лечитлicö шогöттэз нехитрöй устройствоöн, кöда сьöртi тöдiсö , кин мыжйис шогалicьöс и кинсянь колö корны отсöт.

Вопрос: Кыдз шусьö эта народнöй способ лечитчанлöн? (Черöшлан)


2 велöтicь: Эта учёнöй- этнограф занимайтчис пермскöй зверинöй стильöн. Аслас научнöй уджжез понда получитiс серебрянöй медаль ВДНХ.

Вопрос: Кин эта учёнöй -этнографыс? (Любовь Степановна Грибова)


3 велöтiсь: Эта том талантливöй нывка йылiсь эм интереснöй преданнё. Мастерица- золотошвейка, вöлi граф Строгановлöн крепостнöйöн. Сылöн удж- кыйöм ковёр- вöлi козьналöм австрийскöй посоллö, а öтлаын и нывкаыс.

Вопрос: Кыдз шуисö этö талантливöй нывкасö-коми-пермячкасö? (Настенька Радостева)


Итоггез. Кыв жюрилö.


























Урок: коми- пермяцкȍй литература

Класс: 8 класс

Тема: Л. Е. Нилогов «Ош вийиссез» висьтын войнабӧрся олан

Моггез:

- тȍдсȍтны гижись да серпасалicь олан да гижан туйȍн;

мыччавны висьтлiсь ассямасȍ, сетны сылȍ дон;

- зорȍтны интерес Косинскȍй районiсь гижиссез творчество дынȍ да сы история дынӧ;

- воспитывайтны радейтȍм аймам дынȍ да чужанiн дынȍ;


Урок чулȍтȍм понда отсȍт: карта «Косинскӧй район», книга «Быд кадлȍн аслас чужȍм», презентация «Леонид Нилогов- гижись и серпасалicь», цитата доска вылын «Ме ȍддьȍн лоа рад, если лыддьȍтiсь тȍдсасяс менам гижȍмȍн»,

велӧтчан небӧг, серпас В.Н. Оньковлӧн «Ош вылӧ».


Уроклӧн мунӧм.


    1. Медодзза кыв.

«Медбы вежȍртны гижисьȍс, колȍ ветлыны сы странаȍ» - висьталiс кȍркȍ Гёте. Чулȍтамȍ орсан «Литературнȍй пельȍсоккез». Тiян одзын куйлȍ карта «Косинскȍй район». 1 ряд висьталȍ миян районicь гижисьȍс, 2 ряд - пельȍсок, кытȍн сiя чужис.

(1 велȍтчись мыччалȍ пельȍсоксȍ доска дынын карта вылicь)

Итог орсан сьȍртi.

И сiдз, талун пыдынжыка тӧдсасям миян районiсь гижись Л.Е .Нилоговкӧт, кӧдалiсь тiйӧ лыддьӧтiт гортаныт висьт «Ош вийиссез». Медперво тӧдсасям презентацияӧн.


2.Компьютернȍй презентация «Л.Нилогов- гижись-серпасалiсь».

(1 велӧтчись висьтасьӧ кыдз гижись йылiсь, 2 велӧтчись – серпасалiсь йылiсь)

Заданнё медбӧрья слайд вылын презентация сьӧртi:

Кончитӧ сёрникузяэз:

1) «Чужи-быдми сьӧд вӧр шӧрын, деревняись петi»…………

2) Учӧтсянь любитi школаын предмет ……………

3) 7 воӧ мунi велӧтчыны школаӧ, ыджыт деревня …………..

4)1938 воӧ мунi велӧтчыны ……………..

5) Уджалi директорӧн ……………. и ………….

6)1956 воӧ пантаси поэткӧт ……………

7)1993 воӧ менам петic книга …………….

8)Меын олicӧ2 талант:……………

3. Висьт содержаннё вылын удж.

1) Кывчукӧр сьӧртi удж:

Вугмыны, вижгыльтчȍмȍн, ыджыт сюраȍсь, сыркьялiс- горзic,кожгис-лыйис, пишаль-централка, провиант, трагедия, веммез, ош гу, 2 ведра тȍрик, полать.

2) «Чож вопрос – чож ответ» (проверяйтсьӧ внимательность и память)

  1. Кыдз шусьȍ деревня, кытȍн чулалȍны событиеэз?

  2. Кыным км вȍлi районнȍй центрсянь Ойшȍр деревняȍдз?

  3. Киннэз медшȍр геройез висьтын?

  4. Кытшȍм классын велȍтчисȍ зоночкаэз?

  5. Кыдз относитчис зоночкаэзлȍн ай пишаль дынȍ?

  6. Кытшȍм лунȍ зоночкаэз мунiсȍ вȍравны?

  7. Кыдз шуисȍ поннысȍ?

  8. Кыдз шусис места, кытȍн зоночкаэз ȍктывлiсȍ пуягȍд да чȍд?

  9. Кытшȍм местаын зоночкаэз пантасисȍ ошкȍт?

  10. Кытшȍм «лекарство » отсалiс зоночкаэз айлȍ?

Итог.

3) Беседа висьт содержаннё сьӧртi.

А) Кыным тор вылӧ позьӧ торйӧтны висьт? (2 тор вылӧ: 1торын автор висьтасьӧ ас йывсис, 2 торын гижсьӧ история йылicь, кӧдӧ висьтасисӧ школаын челядь.)

Б) Кытшӧм кад йылiсь висьтасьӧ гижись висьтын? (войнабӧрся кад йылicь)

Чулалiс Великӧй Отечественнӧй война…

Военнӧй лӧньсис гымалӧм,

И ӧшис порох тшын, рознитчис.

Лолалӧ радостьӧн олӧм,

И воздух сӧстӧм, небо мича.

Но страшнӧй война быдлаын колис след…Леонид Нилогов висьтасьӧ коми-пермяцкӧй деревняын сьӧкыт войнабӧрся олан йылiсь.

В) Докажитны, что война бӧрын олан былись вӧлi cьӧкыт (вайӧтны примеррез висьтiсь)

Г) Мыля пишаль-централка нач весь ӧшалiс полать вевдӧрын?

Д) Кытшӧм состояннё вӧлi зонкаэз айлӧн война бӧрын? Сылӧн думаэз.

Е) Мыля Коля полiс юавны айыслiсь пишаль?

Ё) Кыдз айныс шогалӧм дынӧ относитчисӧ 2 вон?

Ж) Осуждайтат я зонкаэзлiсь поступок, что юасьтӧг босьтiсӧ пишаль и мунiсӧ вӧрӧ?

З) Кытшӧм местаын висьт лыддьӧтiкӧ медӧддьӧн переживайтiтӧ?

И) Кытшӧм литературнӧй произведеннёэзын гижсьӧ ошкӧт пессьӧм йылiсь? (В. И. Исаев «Ошкӧт пессикӧ», С.А. Федосеев «3 ёрт вӧрын», В.Я. Баталов «Ошкӧт пантасьӧм»(роман «Югдiкӧ»), В.В.Климов «Кузь бӧж туйӧ панталi бӧжтӧмӧс» (повесть «Гавкалӧн бедь»)

К) Кытшӧм уджӧн лоӧ ошкӧт пессьӧм? Мыля сьӧкыт и опаснӧй?

4) Висьтлӧ дон сетӧм (Мыйӧн сiя ассяма?)

1. Висьт «Ош вийиссез» гижис миян земляк, кӧркӧся фронтовик, кӧда бура тӧдic войнабӧрся олан, чужанiнлiсь история.

2. Висьт гижӧм Косинско- Камскӧй диалект вылын, сiйӧн кокнита лыддьӧтсьӧ. Кыв образнӧй.

3. Гижись висьтасис быльнӧй история йылiсь, кӧдӧ позьӧ шуны чудоӧн.

4. «Ме сьӧртi, эна произведеннёэзын эм ӧтiк дона тусь: правда» - гижис Леонид Нилогов.


5. Юрним висьтлӧн «Ош вийиссез» лоӧ нимкодьӧн, кӧдӧн зонкаэзлӧ туйӧ гордитчыны, кыдз геройезлӧ (сравнитны нимкоддез: Ош Анну «Шуриклӧ шыд» да Ош Мульӧс «Паныт уйис тӧлiсь»)

6. Мыччалӧм ойвывся районлӧн вӧр-ва.

7. Мыйӧ велӧтӧ висьт?


  1. Группаэз сьöртi удж.

Заданнё 1 группалö: 6 классын лыддьöтiт И.Тороповлicь висьт «Шуриклö шыд». Мый йитö сiйö Л.Нилоговлöн «Ош вийиссез» висьткöт?

Тыртö таблица.(стр. 238)



Мый йитö висьттэсö

И.Торопов

«Шуриклö шыд»

Л. Нилогов

« Ош вийиссез»

Геройез

Зоночка Федя

Кык вон Колька да Ваня

Висьтын тема

Война коста сьöкыт олан

Войнабöрся сьöкыт олан


Мог кинлöкö отсавны


Отсавны шогалiсь вонлö: вайны вöрись вийӧм пӧтка

Отсавны шогалiсь айлö: шедтыны вӧрись яй

Вачкисяна сюжет

*Висьтассьӧ семья йылicь

* Главнӧй геройез- зонкаэз

*Тшыгьялӧны

*Пондiс шогавны

Шурик воныс


*Федялӧн чувствоэз (вонсӧ радейтӧм да жалейтӧм, тӧждӧм)


* Федя тыртiс мог-вийис дозмӧрӧ

* Шурик сёяс яй и веськалас

*Висьтассьӧ семья йылicь

* Главнӧй геройез- зонкаэз

*тшыгьялӧны

*пондiс шогавны айныс


*Колялӧн да Ванялӧн чувствоэз (ай понда тӧждӧм, радейтӧм, тӧждӧм)

*Зоночкаэз тыртiсӧ мог- шедтicӧ вӧрись яй (ошӧс)

* Ай пондiс веськавны


Заданнё 2 группалö: Видзöтö В.Оньковлiсь серпас «Ош вылö». Ордчöтö сiйö висьтлöн сюжеткöт да асланыт серпаскöт.

Тыртö таблица (стр. 238)


Мый ордчöтам?

Л.Нилогов

«Ош вийиссез»

(висьт)

В. Оньков

«Ош вылö»

(серпас)

Тiян серпаслöн ним …


Уджлöн тема

Войнабöрся сьöкыт олан

Ош - вȍрлȍн хозяин


Уджлöн шöр дума

Челядьлӧн аймамӧс радейтӧм да ны понда тӧждӧм

Ошкӧт пессьӧм –

ӧддьӧн сьӧкыт и опаснӧй удж


Геройез

Кык вон Колька да Ваня

Кык вȍралiсь


Геройезлöн мог

Отсавны шогалiсь айлö

Вийны ошȍс сёян и гос понда


Кытшöм кад

мыччалöм?

Сёр ар (ноябрь месяц)

Сёр ар (Тӧвлӧн пондӧтчӧм)





  1. Бȍрья кыв.

«Ме ӧддьӧн лоа рад, если лыддьӧтiсь тӧдсасяс менам гижӧмӧн»- гижис

Л. Нилогов (мыччавны книга «Быд кадлӧн аслас чужӧм»)

Ась коми зон, гижись и серпасалiсь , бытшӧм морт Л. Е. Нилогов кольччас тӧдвылын кыдз сӧстӧм да мывкыда морт.

Талуння урок вылын мийӧ эшӧ пыдынжыка тӧдiм, кытшӧм сьӧкыт олан вӧлi война бӧрын. Эта йылiсь миянлӧ колӧ тӧдны.


  1. Урок вылын уджлȍ дон сетȍм.

  2. Рефлексия (Cинквейн составитӧм)

  3. Гортся удж:

  1. Керны мини-исследованнёэз:

-ӧктыны топонимическȍй кывчукȍр;

- ӧктыны нимкоддез миян деревняэзicь ;

2) Керны ыджыт исследовательскȍй удж тема сьȍртi «Вȍрлȍн хозяин коми-пермяцкȍй литератураын» (1 велӧтчись)











Урок: коми- пермяцкӧй кыв сьӧртi сёрни зорӧтан урок

Класс: 6 класс

Тема: Сочиненнё- описаннё Л.Н. Бражкин картина сьȍртi

«Медодзза лым»

Моггез:

1) тȍдсȍтны Л.Н. Бражкин олан да творчество туйȍн;

велȍтны гижны сочиненнё серпас сьȍртi; велȍтны

«лыддьȍтны» серпассȍ да вежȍртны сылicь содержаннё;

  1. зорȍтны устнȍй да письменнȍй сёрни; кужȍм адззыны

бытшȍмсȍ тȍлын;

  1. воспитывайтны тȍвся вȍр-ва дынȍ радейтȍм;

Урок чулȍтȍм понда отсȍт: небȍг «Художники Пармы», Л.Н.Бражкинлȍн портрет да сылȍн картинаэз, картина «Медодзза лым».

Уроклȍн мунȍм.

      1. Класс лȍньсьȍтȍм.

      2. Удж кежӧ лӧсьӧтчӧм.

  1. Тȍдны загадка:

Тыртic пудраȍн туёккез,

Лякис йыȍн ȍшыноккез.

Радыс мымда челядёклȍн!

Ысласьȍтас чож дадёкȍн. (тȍв)

2) Беседа:

- Мый йылicь эстȍн баитсьȍ?

- Мыйȍн загадкаын сравнивайтсьȍ лым?

- Мыйȍн лякис ȍшыноккез?

- Челядь, а мыйȍн тiянлȍ гленитчȍ тȍв?

- Кытшȍм бытшȍм кыввезȍн позьȍ шуны этȍ кадсȍ?

- Мый сьȍртi тȍдатȍ, что локтic тȍв?(медодзза лым сьӧртi)

- Кытшȍмӧн тiянлȍ тȍдвыланыт усьȍ медодзза лымыс?

(Небытик, шоныт, рам, кокнитик)

- Кытшȍм настроеннё тiян овлӧ, кӧр усьӧ медодзза лым?

(Кȍр локтȍ тȍв, быдȍс быдлаын вежсьȍ. Муыс вевттисьȍ чочком шебрасȍн. Пуэз пасьталȍны чочком сарафаннэз. Быдлаын лоȍ сэтшȍм басȍк, что сьȍлȍмлȍ гажа.)

3. Сравнитны челядьлiсь личнӧй наблюденнёэз литературнӧй произведеннёэзкӧт.

- Кывзӧ, кыдз медодзза лым йылiсь гижисӧ гижиссез:

А) Вот кыдз гижис эта йылiсь роч гижись К.Паустовский:

«Снег сыпался, как стеклянный дождь. Земля была нарядная, похожая на застенчивую невесту. День как будто дремал. С пасмурного высокого неба падали снежинки. Зима начала хозяйничать над землёй »

- Адззӧ образнӧй выраженнёэз сы отрывокись.

Б) А сiдз относитчис медодзза лым дынӧ И.А.Бунин:

Зимним холодом пахнуло

На поля и на леса.

Ночью буря бушевала,

А с рассветом на село,

На пруды, на сад пустынный

Первым снегом понесло.

- Кыдз шуӧ И.Бунин сы йылiсь, что усьӧ лым? (Снегом понесло)

-Вуджӧтны коми-пермяцкӧй кыв вылӧ (Вайӧтiс лымӧн)

В) А вот отрывок Тамара Ососова кывбурись «Небытик лымок»:

Бергалӧмӧн усьӧ

Небытик лымок.

Жагӧника пуксьӧ

Да тыртӧ туёк.

Лымьялӧ- нӧбӧтӧ,

Чочкомтӧ ӧтӧр,

Узӧра паськӧмӧн

Мӧдӧтчӧма вӧр.

- Адззыны кывбурись олицетвореннёэз.

  1. Серпас видзȍтȍм да серпасалiськȍт тӧдсасьӧм.

А ȍнi тȍдсасям серпасȍн, кȍда шусьӧ «Медодзза лым». Этȍ серпассȍ гижис Леонид Николаевич Бражкин, коми-пермяцкȍй художник. Картина пырйȍт серпасалiсь мыччалiс ассис отношеннё медодзза лым дынȍ да деревня дынӧ. Сiя бура тȍдȍ деревняын олансȍ и кужȍмȍн мыччалic тȍвся деревенскȍй пейзаж быдȍс аслас бытшȍмнас. Эд Леонид Николаевич чужис Лопвадор деревняын Кудымкарскȍй районын. Велȍтчис Нижнетагильскȍй государственнȍй педагогическȍй институтын художественно-графическȍй факультет вылын. А ȍнi уджалȍ велȍтiсьȍн изобразительнȍй искусство сьȍртi Кудымкарскȍй педагогическȍй училищеын. Художник гижис уна картинаэз вӧр-ва йылicь. Ны коласын: «Арся зэррез», «Лэдзчисьӧ туман», «Тӧвся асыв», «Медодзза лым».(мыччавны слайддэз)

  1. Беседа картина сьȍртi .

Бертам картина дынȍ «Медодзза лым».

- Кытшȍм годлȍн кад мыччалȍм картина вылас?(Тӧвлӧн пондӧтчӧм)

- Мый сьȍртi тiйȍ тȍдiтȍ, что тȍлыс только пондȍтчȍ?

- А кытшȍм суткилȍн кад мыччалȍм?

- Кыдз тiйȍ тȍдiтȍ ?

- Мый адззатȍ одзись план вылын? Мый медодз усьȍ син вылӧ ?

- Кытшȍмȍсь пуэз ? Туй?

Тȍв - этȍ медодз лым. Кытшȍмȍн мыччалȍм художник лымсȍ?

- Мый адззатȍ бȍрись план вылiсь?

- Кытшȍмȍсь пуэз бȍрись план вылын?

-А лымыс кытшȍм?

- Кытшȍм керку? Енȍж?

Видзȍтȍ, кытшȍм ассяма серпас петiс Леонид Бражкинлȍн. Сiя кужȍмȍн мыччалiс ассис отношеннё медодзза лым дынȍ, тȍв дынȍ.

- Кытшӧм рӧммез пантасьӧны картина вылын? Мыля? (Чочком, сиреневӧй, гӧрд- веж, пемыт- лӧз)

  1. План составитȍм.

А ӧнi составитам план, кӧда сьӧртi тiянлӧ ковсяс гижны сочиненнё.

1.Тӧвся вӧр-ва Л. Н. Бражкинлӧн «Медодзза лым» картина вылын:

а) лым

б) му (туй)

в) пуэз

г) керку

д) енӧж

2.Тӧв деревняын.

3.Менам отношеннё картина дынӧ.

7. План сьӧртi висьтасьӧм.

8. Орфография вылын удж

9. Велӧтiсьлӧн образец лыддьӧтӧм.

Серпас «Медодзза лым» гижис тӧдса коми-пермяцкӧй серпасалiсь Леонид Николаевич Бражкин. Картина вылын мыччалӧм деревнялӧн пельӧсок, кытчӧ локтiс тӧв. Тӧдчӧ, что эта годлӧн кадыс серпасалicьлӧ ӧддьӧн гленитчӧ. Сiдзжӧ тӧдчӧ, что эта картина гижӧмӧ сiя пуктiс быдӧс ассис ловсӧ. Картина Леонид Николаевичлӧн шогмис чудеснӧй.

Медодзза лым… Вӧрва быдлаын вежсис. Кӧдзыт му вылын куйлӧ небытик кокнитик лымок. Сiя сё усьӧ и усьӧ, готов тыртны ӧтiк лунӧн быдсӧн мусӧ. Мукӧд местаас муыс сё эшӧ тӧдчӧ, абуӧсь столаэз. Туйез вылас эм эшӧ нять, нельки нiя лоисӧ сиреневӧйӧсь. Пуэз вылын да ны увтын эмӧсь эшӧ арся быдкодь рӧма листтэз.Чочком лымыс, кыдз и му вылын жӧ, бытшӧма пуксьӧм пу уввез вылӧ. Саяс, кытӧн тӧдчӧ важкодь ни керку, пуэз гӧрдӧсь. Натьтӧ, этӧ пелыч, и ягӧдыс сё эшӧ видчӧ пу вылын. А если видзӧтны эшӧ ылӧжык, то пуэзлӧн тожӧ сиреневӧй рӧм, кыдз и туйыслӧн. Керку крыша вылын тожӧ куйлӧ лым. Енӧжыс абу ни сэтшӧм сӧстӧм, кыдз гожумнас. Сылӧн лоис пемыт- лӧз рӧм.

Тӧв деревняӧ тожӧ локтӧ ассямаа, кыдз и карас. Но картина вылын тыдалӧ, что деревняас тӧлыс бытшӧмжыка тӧдчӧ, нежели карас. Эд эстӧн и вӧрыс, и ыббез, и туйыс ассяма.

Эта картинаыс бытьтӧ бертiс менӧ невна одзлань, кӧр усис медодзза лым. Художник мыччалiс эта картинаӧн быдӧс бытшӧмсӧ медозза тӧвся лунлiсь. Видзӧтан эна пуэз вылӧ, лым вылӧ, туй вылӧ и гажӧтчан тӧвлӧ, кӧда локтӧ деревняӧ. Серпас меным ӧддьӧн гленитчис. Лыддя, что сiя неумӧльжык роч серпасалicь Пластовлӧн «Первый снег» серпасся.

10. Самостоятельнӧя удж гижӧм.

(Гижны сочиненнё черновикӧ)

11.Урок сьӧртi итог.

12. Гортся удж.

Помавны сочиненнё черновикын.



Получите в подарок сайт учителя

Предмет: Прочее

Категория: Уроки

Целевая аудитория: 8 класс

Скачать
Интеллектуальная игра по коми-пермяцкой литературе "Парма"

Автор: Щербакова Людмила Семёновна

Дата: 20.12.2016

Номер свидетельства: 371828


Получите в подарок сайт учителя

Видеоуроки для учителей

Курсы для учителей

ПОЛУЧИТЕ СВИДЕТЕЛЬСТВО МГНОВЕННО

Добавить свою работу

* Свидетельство о публикации выдается БЕСПЛАТНО, СРАЗУ же после добавления Вами Вашей работы на сайт

Удобный поиск материалов для учителей

Ваш личный кабинет
Проверка свидетельства