Интеллектуальная игра на тему "Мені? ?аза?станым"

8 сыныпқа арналған зияткерлік ойын-сайысы.

Тақырып:

«Менің Қазақстаным»

2012-2013 оқу жылы.

Мақсаты:

қазақ тілінде ауызекі сөйлеу дағдыларын қалыптастыру арқылы өз тілін,туған жерін құрметтеуге тәрбиелеу.

Көрнекіліктер:

қоржын,асық,интерактивті тақта.

Барысы.

Бүгінгі сабағымызды ойын түрінде өткіземіз.Тақырыбы «Менің Қазақстаным».

Ойында 6 кезең болады.

1кезең-«Сәлемдесу»

2кезең-«Қазақстан тарихын білесің бе?»

3кезең-«Ойлан,тап!»

4кезең-«Бәйге»

5кезең-«Өнер алды-қызыл тіл»

6кезең-«Кім тез айтады»

Ойынға келгендерімізге өте қуаныштымыз,енді топтармен танысайық.

1 кезең-«Сәлемдесу».Әр топ өз атын,ұранын айтады.

Ойыншылар,сендермен танысқаныма қуаныштымыз,енді әділқазылар алқасымен танысамыз.

Қазір,қай топ бірінші болып бастайтынын анықтау үшін қоржыннан асықты таңдап,ойынның басынан аяғына дейін кім бірінші бастайтынын анықтайды(қоржыннан асықты алады:қызыл асықты алғандар бірінші болады.)

Біз 2 кезеңге көшеміз. «Қазақстан тарихын білесің бе?»Әр топ кезек-кезектен сұрақты таңдайды.Сұраққа жауап беріп,ұпай алады.

Ал қазір 3 кезең бастаймыз: Ойлан,тап!» Балалар,алғырлық пен тарқырлықтан білімдеріңін көрстетесіңдер.Бір минутта берілген сөздің құрамындағы әріптерді қолданып,жаңа сөздерді құрау.Қанша сөз болса,сонша ұпай алады.

Берілген сөзі:ұйымдастырушылық.

Енді біз 4 кезең бастаймыз. «Бәйге». Әр топ ойыншылары бір минутта қойылған сұрақтарға жауап береді.

1 топ үшін сұрақтары.

1.Қазақстан қандай мемлекет?

2.Астана-Қазақстанның елордасы қашан болды?

3.Алматы бұрынғы кезде қалай деп аталған?

4. «Ноян Қоян», «Алуан палуан»-кімнің шығармалары?

5.Абайдың әжесінің аты кім?

6.Қазақ тілі қай тілдер тобына жатады?

7.Қазақ балалар әдебиетінің атасы кім?

8. «Мәншүк апай» өлеңін кім жазды?

9.Павлодар қаласы қай өзенінің жағасында орналасқан.

10.Қостанай қаласы бұрынғы кезде қалай деп аталған?

2 топ үшін сұрақтары.

1.Ыбырай Алтынсарин қай жылы туған?

2.Қазақстанның мемлекеттік рәміздері қандай?

3.Алматы тарихында неше кезең болды?

4.қазақстанда неше ұлт өкілдері тұрады?

5.Астана қандай өзеннің бойында орналасқан?

6. «Волоколамск тасжолы»кітабында кім туралы айтылған?

7.Алматы қандай таудың етегінде орналасқан?

8.Астана Қазақстанның қай жағында орналасқан?

9 «Кел,балалар,оқылық!»өлеңі кім жазды?

10.Қазақстан Швейцариясы қайда орналасқан?

Қазір 5 кезең болады. «Өнер алды-қызыл тіл».Отан,ел,халық туралы мақал-мәтелдерді айту керек.Бір мақал үшін 5 ұпай беріледі.

Енді соңғы кезеңге көшейік. «Кім тез айтады?»Топтың ойыншыларына синоним немесе антоним сөздерін тез айту керек.

Синонимдер.

Туған,ана,көрікті,атақты,Отан,ел,ақылды,ас,ер,жолдас.

Антонимдер.

кіру,ұзын,солтүстік,бастау,үлкен,қыс,суық,қарт,аз

Қазылар орнықтыра әділдікті,

Кімдердің жауаптары кәміл шықты

Білім мен тапқырлықтың сайысында,

Жеңіске жетер дейміз нағыз мықты,-

дегендей,ойыншыларымызды бағалау үшін әділ қазыларға сөз береміз.