Предмет: литература (кылаас таһынан ааҕыы уруога).
Уруок тиэмэтэ: Иллээх дьиэ кэргэн (Н.Е.Мординов – Амма Аччыгыйа «Сааскы кэм» романынан).
Уруок сыала:Дьиэ кэргэн туһунан дириҥ өйдөбүлү «Сааскы кэм»романтан ааҕан билии, дьиэ кэргэн хас биирдии киһитигэр ытыктабыллаах сыһыаны иитии, үөрэнээччи айар, толкуйдуур, ырытар дьоҕурун сайыннарыы.
- үөрэнээччи санаатын сааһылаан этэрин ситиһии.
Уруок тэрилэ: презентационнай матырыйаал, «Сааскы кэм» роман, сорудахтаах карточкалар.
Уруок хаамыыта | Соруктар | Учуутал үлэтэ | Үөрэнээччи үлэтэ | Кэмэ | Үөрэх дэгиттэр үөрүйэхтэрин сайыннарыы. |
1. Тэрээһин чаас | Кылааска үлэлиир эйгэни тэрийии. | Эҕэрдэлэһии. Уруокка бэлэми тэрийии, болҕомтону тардыы. | Үөрэнээччи уруок хаамыытыгар киириитэ. | 1 | Бодоруһар: учууталы, доҕотторун кытта үлэлиир сатабылы былааннааһын. Бэйэни салайынар: уруокка үлэлииргэ былааннаныы. |
2. Сонурҕатыы. | Уруок туругар киллэрии. | Слайданан тирэх ыйытыылары биэрии. - бу хартыыналарга эһиги кими көрөҕүт? - эһиги санааҕытыгар хайдах дьиэ кэргэн көстөрүй? - бэйэ – бэйэлэригэр сыһыаннара хайдаҕый? - иллээх дьиэ кэргэни эһиги хайдах өйдүүгүт? | Слайдаҕа көстөр хартыыналарга хоруйдары биэрэр. - дьиэ кэргэни - иллээх, эйэлээх, … - истиҥ, сылаас… - истиҥ сыһыаннаах, бэйэ – бэйэни өйдөһөр, өйөһөр, куруук көмөлөсүһэр. | 2 | Билэр-көрөр: иһитиннэрииттэн саамай сүрүнүн араарар. Бодоруһар: оҕолору, учууталы өйдөөн истэр, санаатын сааһылаан этэр. |
3. Хатылааһын. | Ылбыт билиини хатылааһын, санатыһыы. | - эһиги аахпыт ханнык айымньыларгытыгар дьиэ кэргэн туһунан кэпсэнэрий? - бу айымньыларга хайдах дьиэ кэргэн көстөрүй? - онтон бу айымньылары айбыт суруйааччылар кимнээхтэрий? -Н.Е.Мординов туһунан тугу билэҕитий? | - «Куоратчыт», «Сүрэх» кэпсээннэргэ. - «Куоратчыт» кэпсээҥҥэ Ыстапаан кэргэнигэр сыһыана тоҥ. «Сүрэх» кэпсээҥҥэ ийэ уолугар эрэнэрэ көстөр. - А.И.Софронов – Алампа, П.А.Слепцов – Ойуунускай. - «Сааскы кэм» диэн улахан романнаах. | 3 | Бэйэни салайынар: бэйэ билиитин сыаналаныы, сааһыланыы. |
4. Уруок сыалын туруоруу. | Уруокка үлэ сыалын туруоруу, чопчулааһын. | - ол аата бүгүҥҥү уруокка туох туһунан кэпсэтэбитий? - уруокпут сыала тугуй? - уруокпут тиэмэтин туох диэн ааттыахха сөбүй? -ол туһунан ханнык айымньыттан ааҕабытый? | - дьиэ кэргэн туһунан романтан ааҕабыт. - дьиэ кэргэҥҥэ бэйэ – бэйэҕэ сыһыан туһунан айымньыттан ааҕан билии. - Иллээх дьиэ кэргэн. - Н.Е.Мординов – Амма Аччыгыйа «Сааскы кэм» романыттан. Тэтэрээккэ күнү – дьылы, уруок тиэмэтин суруйаллар. | 2 | Тобулук өйү сайыннарыы: сыал – сорук туруорунуу. |
5.Матырыйаалы кытта үлэ. | Бөлөҕүнэн үлэни тэрийии. | Хас биирдии бөлөххө тирэх ыйытыылары биэрэр. 1 бөлөххө ыйытыылар («Сааскы кэм» роман 32 сирэйиттэн): - Микиитэ ийэлээх эһэтэ туохтан үөрдүлэр? - Лэглээр оҕонньор тоҕо ытаата? - Аҕата уолугар сыһыана хайдаҕый? Онтон ийэлэрэ аҕаларыгар? Ханнык этиинэн холобурдуохха сөбүй? 2 бөлөххө ыйытыылар (роман 61 сирэйиттэн): - Сөдүөччүйэ кэлбитигэр уолаттара кинини хайдах көрүстүлэр? Хайдах сыһыан көстөрүй? - Бу быһа тардыыттан Микиитэ хайдах майгылаах – сигилилээх оҕо буолара көстөрүй? -Микиитэ хайдах иитиилээх уол дии санаатыгытый? 3 бөлөххө ыйытыылар (роман 61 сирэйиттэн): - Микиитэ Өлөксөйдүүн ордук туохтан үөрдүлэр? - Бултарын хайдах астаннылар? - Үөрүүлээх сонуну Микиитэ кимиэхэ кэпсээтэ? - Сиэн эбэтигэр сыһыана хайдах ойууламмытый? | Бөлөҕүнэн олорон романтан быһа тардыыны ааҕаллар. Тирэх ыйытыыларга хоруйдууллар. - куулу сүөрэ баттаатылар: биир суу иҥиир, биир килиэп уонна чиэппэр чэй баар эбит. - килиэби көрөн (хаһан көрөрө биллибэт этэ). - бэйэ – бэйэлэригэр истиҥ сыһыаннаахтар. «Доҕоор, Дьөгүөрдээн!» диэн ыҥырар киһитэ, - олус да күндү киһи буолар эбит!.. - Оҕолор ийэлэрин кэһиититтэн туох да сүрдээхтик үөрэллэрэ көстөр. - Микиитэ дьиэ кэргэн дьонугар барыларыгар истиҥ сыһыаннаах. Хас биирдии киһиэхэ болҕомтолоохтук сыһыаннаһар. -Микиитэ көрсүө, сэмэй, чугас дьонун өйүүр, кинилэр тустарыгар ис сүрэҕиттэн кыһаллар. - Лэглээр оҕонньор Сөдүөттүүн мунду аҕалбыттар. - икки мундуну уокка үтэн сиэтилэр. - эбэтигэр Баһыахтыыр Балбаараҕа. - эбэтигэр наһаа истиҥ сыһыаннаах. Эбэтэ кэлэрин күүттэрэр, ону маннык этииттэн биллибит: - Эбэм сибилигин кэлэр, балыгы сиэмэҥ… | 15 | Билэр – көрөр: айымньы тылын – өһүн, ис хоһоонун билии. Айымньы ис хоһоонун ырытар, наардыыр, сөптөөх эппиэти булар, түмүк оҥорор. Бодоруһар: кэпсэтиигэ кыттар, дьон санаатын истэр, бэйэ санаатын сааһылаан этэр. |
6. Чиҥэтэр үлэ | Айымньы сорудахтары толорууга үлэни тэрийии. | Учуутал бөлөхтөргө аахпыт кэрчиктэригэр сорудах биэрэр: 1. Истиҥ сыһыан ханнык этиилэртэн көстөрүн тиэкистэн булуҥ, суруйуҥ. 2. Иллээх дьиэ кэргэн туһунан санааларын толкуй суругар киллэриҥ. | Истиҥ сыһыан ханнык этиилэртэн көстөрүн тиэкистэн булан суруйаллар. Булбут кэрчиктэрин ааҕан иһитиннэрэллэр. Бөлөхтөрүнэн «Иллээх дьиэ кэргэн» туһунан кылгас толкуй суругун суруйаллар, ааҕаллар. | 15 | Билэр-көрөр: тиэкискэ баар этиилэри ааҕар, ырытар. Бодоруһар: тиэкис тула кэпсэтиигэ кыттар, бэйэ санаатын этэр. Салайынар: бэйэ санаатын сааһылаан суруйар. |
7. Түмүк | Ылбыт билиини чопчуланыы. | - Амма Аччыгыйа айымньытыгар хайдах дьиэ кэргэн көстөрүй? - Бу быһа тардыыттан эһиги кимнээх тустарынан биллигит? - роман сүрүн геройа кимий? - эһиги санааҕытыгар суруйааччы ким туһунан суруйбута буолуой? Бу романы автобиографическай диибит, ол аата суруйааччы тус олоҕун кытта сибээстээх (учуутал суруйааччы туһунан кэпсиир). | - бэйэ – бэйэлэригэр наһаа чугас, өйөнсөр, харыстабыллаах, истиҥ сыһыаннаах, мээнэ этиспэт, куһаҕаннык саҥарсыбат дьиэ кэргэни. - Лэглээрдэр тустарынан. - Микиитэ. - суруйааччы бэйэтин оҕо эрдэҕинээҕитин кэпсиир. | 3 | Билэр-көрөр: ылбыт билиини сааһыланар, түмүк оҥорор. |
8.Уруок түмүгүн таһаарыы. | Сыана туруоруу. | - бу уруоктан эһиги туох саҥаны биллигит? - ылбыт билиигитигэр хас сыананы туруоруо этигитий? Тоҕо? | - автобиографическай роман буоларын биллибит. Үөрэнээччилэр тугу билбиттэрин, туох сыыһалаахтарын, инники соруктарын этинэллэр. | 3 | Бэйэни сыаналаныы. |
8. Дьиэҕэ үлэ | Үлэни чопчуланыы. | «Сааскы кэм» романы ааҕыы, Микиитэ туох үлэһит буолбутун ааҕан билиҥ. | Дьиэҕэ үлэни тэтэрээккэ сурунуу. | 1 | Үөрэнээччи үлэтин былааннанар. |